Chapter4

Nagulat ako sa ginawa niya, hindi ako naka imik. Ganun din ang ginawa ng isa, mukhang mga anghel ang hitsura ng mga to pero parang sanggano naman kung umasta sa isip isip ko dahil pati si Cheska napangiwi sa kanilang ginawa.

"Bess, this is also my cousin and his friends...This is William Dames, pinsan kong galing ng Australia," nakangiti niyang pakilala sa amin. Nakipagkamay naman kami, yah I admit gwapo siya talaga pero walang spark sakin.

"This is Ezrah Cassian, this is Waylen Carradine," tumayo si William at pinakilala ang mga kaibigan. Nakipag kamay naman kaming dalawa ni Cheska.

"Hi I'm Zayn Morales," pakikipag kamay naman ng isa at nabaliktad ko ata ang pagkasabi ng isang kaibigan niyang huling pinakilala nila dahil nahuling dumating.

"Hi...I'm Aya Fuentes," pakilala ko"...Peter Dan Xi- ano na ulit?" pag uulit ko kaya natawa ang iba kong kaibigan at sila na ang nagpakilala pa. Peter Xiao Dan pala.

"Ikaw kanina yung girl diba, wow...we're lucky at kasama ka pala ng pinsan ni William...nakangiting pahayag ni Zayn. Sila yung mga nakausap ko kanina, ngayon ko lang natitigan ng mabuti. Gwapo pala silang dalawa pero walang spark para sa akin.

"I'm Cheska, please to meet you.." sabat ni Cheska na nasa likod ko. Napansin kong namumula ang dalawa niyang pisngi pagkakilala kay Peter. Tinanong ko sila kung nasaan ang isa nilang kaibigan dahil ang pagkasabi nila kanina anim sila kaso lima lang naman silang nandito. Sinagot naman ni William na may importante daw na lakad kaya nauna nang umalis.

"Pero sabi dadaan din daw mamaya, ipapakilala kita doon girl...He's hot promise," sabat naman ni Jam na nasa tabi niya.

"Ang sabihin mo parang tuod at akala mo nagyeyelo lagi sa paligid mo sa tuwing siya ang kasama mo. Baka matakot lang yang kaibigan mo gaga ka," Angel said. 

"Huwag ka ng kumontra diyan, malungkot yung tao ikaw naman," sagot ni Jam.

Pinaupo kaming dalawa sa table ng mga pinsan niya at tinanong kung may kaylangan pa kami. Umiling naman kaming dalawa ni Cheska, napansin kong panay ang kapit ni Jam sa pinsan niyang si William pero binalewala ko dahil siguro sa matagal silang hindi nagkita.

Napansin kong umiinom na sila bago pa kami dumating kaya inabutan kami ng inumin din. Sinabi ko kay Jam na gusto kong uminom ng hard, ayoko ng pang ladies lang. Binigyan ako ng inumin pero sabing magdahan dahan lang daw muna ako. Hindi ko na sila pinansin pa ng makita kong nag kanya kanya na sila ng pwesto, gusto akong kausapin ng mga kaibigan ni William pero pinagbawal ni Jam at sinabing may problema ako kaya hinayaan akong mapag isa muna. 

"Cheska kung liligawan ba kita sasagutin mo ba ako," banat ni Zayn. Halatang babaero talaga sabi ko sa aking isipan.

"Hindi kita type kaya ngayon pa lang itigil muna yang panliligaw mo ganern," kwela namang game ng aking kaibigan sa pagsagot. 

Naalala ko na naman ang ginawa ng hayop kong ex, kaya hindi ko na kontrol ang aking pag inom. Halos maubos ko na ang isang bote ng whiskey. Nagsisimula ng umikot ang aking mundo kaya inaya ko ang aking mga kaibigan na sumayaw. Naglalaro sila pero sa tuwing matatalo sila kelangan nilang uminom kaya medyo tipsy na rin tong si Cheska. Tumayo siya ng sinabi kong sayaw kami, sinamahan din kami ni Angel at Maya. 

Nagpaiwan tong si Jam at medyo masakit na daw ang ulo sa dami ng nainom. Halos magwala kami sa dance floor. Game na game naman tong mga kasama namin, mamaya may napansin akong humahawak na sa aking bewang at gumigiling sa aking gilid. Hindi ko namalayang sumasabay na rin ako sa kanya sa paggiling. I feel like nawala na lahat ng aking problemang dinadala.

Halos magsigawan kami at hindi alintana ang mga katawang dumikit sa amin basta ang nasa isip ko lang ngayon ay magsaya. Natigil lang ako sa pagsasayaw ng maramdaman kong parang umiikot na ang aking paningin kaya nagmamadali akong umalis doon dahil bumabaliktad ang aking sikmura. Tutop-tutop ko ang aking bibig bago tumatakbong umalis at hinanap ang Comfort Room. Nang makita ko bigla na lang akong pumasok at  dumuwal ng dumuwal. Halos manghina ako ng mailabas ko lahat pero nagulantang ako ng may magsalita sa likod ko.

"Are you done? Now, get out!!!" Rinig kong sabi ng baritonong boses sa aking likod. Napaharap ako bigla at natameme ng makita kong mukhang anghel ang aking nasa harapan.

"Nasa langit na ba ako? Mukhang may anghel na yata sa aking tabi," taliwas na sagot ko sa kanya. Kinurot ko pa ang aking sarili para magising lang pero nasaktan naman ako.

"Totoo ba to, totoo ka ba?" dagdag ko pa at ng hindi makontento lumapit ako sa kanya at hinawakan ang kanyang pisngi at pinilig pilig pa. Kinurot ko pa ng hindi ako makontento pero bigla niyang tinabig ang aking kamay.

"Are you stupid or what? Who let you in here? Get out now, " nakakatakot na sabi ng lalaking parang anghel ang mukha pero mukha lang ata dahil mala satanas ata ang ugali. Hindi ako nagpatinag sa kanya, lumapit pa ako lalo at yumakap pero tinulak ulit ako. May tinawag siya sa labas at biglang hinila ako palabas.

"Get out of here Miss, hindi mo ba alam na panlalaki dito." Pahayag ng kasama niya kaya natauhan ako konti lalo na ng makita kong maraming naka abang sa labas na lalaking nagtitinginan tsaka ako titingnan. Tinaasan ko lang sila ng kilay. Pakealam ko sa kanila, I said bago pumunta sa pambabae at nag hilamos ulit at nag hugas. Nang mahimasmasan ako ng konti nagbabalak na akong lumabas ng marinig ko ang pinag uusapan nila. Narinig ko ang pangalan ng aking ex at ng ahas kong kaibigan kaya lumabas ako at pinuntahan ang kanilang sinasabi.

Nawindang ako sa nakita, I saw Jake nakaluhod at masayang nag propose sa haliparot kong kaibigan kuno. Hindi ako makahinga sa nakikita kaya nagsilaglagan ang aking mga luha, wala na talo na ako. Bakit ang sakit sakit pa rin? Akala ko wala ng isasakit pa gaya kanina pero mukhang mas masakit ngayon na makita ko silang ganyan.