Chapter 40

Amber Pov

Masakit ang ulo ko nang magising ako kinabukasan. Parang binibiyak ang ulo ko sa sobrang sakit. Iminulat ko ang aking mga mata at natuklasan kong wala na sa kama namin si Phil. Muli akong napapikit at ipiniling-piling ko ang aking ulo dahil medyo nahihilo ang pakiramdam ko.

Tinatamad na bumangon ako at naupo na lamang sa ibabaw ng kama. Ngunit mayamaya lamang ay bigla akong napatakbo papasok sa banyo nang tila hinahalukay ang aking sikmura.

Halos lahat ng laman ng aking tiyan ay nailabas ko sa inidoro. Tubig na maasim-asim lang naman ang isinuka ko dahil wala namang laman ang tiyan ko mula kagabi kundi alak. Hindi nga pala ako nakakain ng dinner kagabi dahil sa nangyaring eksena sa party. Buwisit talaga ang Bovic na iyan. Gagawa at gagawa siya ng paraan para mapahiya ako sa maraming tao. Mabuti na lamang dumating ang aking night in shining armor sa katauhan ni Phil.

Bigla akong natigilan nang maalala ko si Phil. First time naming mag-inuman kagabi at gusto ko sanang i-treasu