Kabanata 46 : Get Ready

"Ayy! S'ya na ba ang ama ni Wynter? Aba! Ke gwapong bata!" Lihim akong napatawa nang makitang kinilig si inay nang makita ang lalaking kaharap n'ya ngayon. Para s'yang teenager na nanginginig sa kilig.

Lumapit si inay kay Devan saka s'ya kumapit sa braso ng lalaki. " Pasok ka pogi! Hmm. Bango-bango naman."

Kumawala ang pinipigilan kong tawa dahil sa ginawang pagsinghot ni inay sa braso ni Devan. Napakamot ng batok n'ya si Devan habang tawang-tawa rin kay inay. Ang kulit talaga ni inay.

"Tito!" sigaw ni Wynter saka s'ya patakbong lumapit sa tito n'ya. Kaagad na yumuko si Devan at binuhat ang anak kong excited sa pagdating n'ya. Pinangakuan kasi ni Devan si Wynter ng mga laruan kaya hindi maipinta ngayon ang saya sa mukha ng anak ko.

"Is that mine?" tanong ni Wynter habang nakaturo sa kahon.

"Yes. You told me you want a doll house, right?"

"Opo!" Nang makababa si Wynter mula sa pagkakabuhat ni Devan ay kaagad na tiningnan ng anak ko ang laman ng kahon.

"Yehey! Yehey! My doll