Chapter 24

Kasalukuyang umiinom ng alak si Gio. Nilulunod niya ang sarili sa alak dahil hindi kayang iproseso ng isip niya ang lahat ng mga nangyari sa gabing ito. Alcohol lang ang kakampi niya sa mga oras na ito.

Nangangati ang kanyang mga paa na bumalik ulit sa tinutuluyan ni Katya. Gustong-gusto niyang yakapin ang anak niya ng mahigpit. Gusto niyang ipadama dito kung gaano niya ito kamahal, kung gaano siya nagsisisi na hindi niya nasuportahan ang mga ito. Gusto niyang humingi ng tawad at tanggapin siya sa buhay nito bilang ama.

Muli na namang nag-init ang ulo niya nang maalala kung sino ang nagmamay-ari ng penthouse na iyon. Pati si Ren ay naglihim sa kanya! Ang dalawang bugok na iyon! Kung hindi niya lang pinsan at kaibigan ang mga ito ay baka nasa sementeryo na ang dalawang gagong iyon!

Nasa hideout siya. Ayaw muna niyang umuwi sa bahay o pumunta sa condo niya. Paniguradong bubungangain na naman siya ng kanyang ina. Gusto muna niyang mapag-isa at mag-isip.

Muling naglakbay ang isip niya sa