CHAPTER 17

CHESKA LAURET POV:

Tama nga ang sinabi ni ate Scarlet, matinding traffic ang inabot namin ni Tyrone at hanggang ngayon ay hindi pa kami makaalis alis dito sa pwesto namin.

Ng matapos ang pamamasyal ng maghapon ay nakaramdam kaagad ako ng pagod pero nagpumilit akong umuwi, parang wala kasi akong kapaguran sa biyahe. Hindi rin ako makampante na siya ang kasama ko, oo nga't kilala ko na siya pero kasi baka mamaya ay may mangyari na naman samin.

Siya kasi si Tyrone Cleverio ang taong deretsyo ang kamanyakan sa buhay, habang nga namamasyal kami ay may nalalaman pa itong pahawak hawak sa hita ko. Kung hindi lang siguro maraming tao sa paligid namin kanina ay baka bugbog sarado na sakin ang kamay niya.

Rinig ko ang malalim na paghinga ni Tyrone, napatingin ako sa kanya at halatang inis na inis na ito. Napayuko ako dahil ako naman talaga ang may gusto nito, pinilit ko siyang umuwi na kami kahit anong sabi nito na baka bukas na kami makakarating sa bahay dahil matindi ang traffic pero hind