Chapter 106 - Binenta

Chapter 106

“Baka makasira lang siya sa plano.”

Rinig ni Cheska ang bulungan ng isa sa mga nakaitim na tauhan ng mga Buenavista. Bagamat hindi siya nakatingin sa kanila, malinaw sa pandinig niya ang tono—puno ng pagdududa, puno ng pangamba.

Si Sean, na kanina pa tingin ng tingin sa kanya, ay halatang hindi rin kumbinsido. Para bang may gustong sabihin pero pinipigilan ang sarili.

Kinagat ni Cheska ang labi, pilit na pinapakalma ang sarili. Nakasandal siya sa malamig na bakal ng sasakyang nasa likod niya habang naghihintay sa utos. Sa paligid, nag-aayos na ang lahat, lalo na ang mga baril na gagamitin.

Walo lamang ang pinayagang sumama sa operasyon—at kabilang na si Cheska sa bilang na iyon.

“Talaga bang sasama ka?”

Napasulyap si Cheska kay Sean nang biglang lumapit ito sa kanya. Inaayos nito ang baril na nakakabit sa bewang habang diretsong tumingin sa kanya.

“Sa lahat ng nandito, ikaw ang nakakaalam na bodyguard ako ni Azrael,” mahinahong tugon ni Cheska, tinatago ang kaba sa likod