Chapter 59

Hindi ko na matandaan kung paano ako mabilis na nakapagpaalam kay Isha at Mateo sa apartment nang pumasok sila sa loob kasama ang isang sanggol na nasa stroller.

Wala na akong pakialam kung magtatanong pa si Isha kay Mateo kung bakit ako naroon. Ang gumugulo sa isipan ko ngayon ay ang pagtawag ng 'dada' ng sanggol, na kasama niya, kay Mateo.

Anak niya ba ito? May anak na ba sila?

Nabuntis niya ba ito kaya iniwanan niya ako bago pa kami magpakasal?

Naglakad ako nang naglakad sa kabila ng iniindang hapdi sa paa, hindi alam kung saan patungo. Hindi ko napadalhan ng mensahe si Kuya Joel, dahil hindi ko rin alam kung saan magpapasundo.

Hanggang sa isang sasakyan ang huminto sa aking tabi. Bumukas ang bintana nito.

"Sandra?" Si Troy.

Nakahinga ako nang maluwag at kahit 'di niya naman ako inaalok ay sumakay na ako sa kotse niya. Tahimik niya akong inihatid dahil siguro'y naramdaman niyang may malalim ang aking iniisip.

They had a baby