Chapter 5: Meet The Fiance

Zain’s Point of View

“I think you should wear black.”

Pumasok ng walang paalam sa silid ko si Chantel. Matamis siyang ngumiti sa akin.

Ang hawak na pink dress ay ibinaba ko muna sa kama para maharap siya.

“What are you doin’ here?”

Mabagal siyang naglakad palapit sa akin sabay hagod ng tingin.

Siya ang panganay na anak ni Tita Anna. Chantel is my step-sister. Sa kanila ni Candy, siya talaga ang hindi natatakot na inisin ako. Siguro dahil alam niyang kung mainis man ako, hindi ko na siya sasaktan kagaya noong dati.

Nangako ako kay Daddy na hindi na ako makikipag-away sa kanila ni Candy, pero minsan magaling talagang mang-asar si Chantel kaya nahuhuli niya ang inis ko.

“Black is better with you. You look more sophisticated and intimidating. I like it when you wear black… it suits you better.”

Nagtaas ako ng kilay.

“What are you now, a fashion expert?” Sarkastiko kong tanong.

Mahina siyang natawa at naglakad palapit sa kama ko. Nakita niya ang mga nakalatag na dress.

“Hmm. I like this one.” Turo niya sa pulang dress.

“Since tonight we will meet your fiancé, then you must wear something beautiful and captivating, right? Tingin ko magugustuhan niya kung ‘yang red dress ang isusuot mo. Old men like to see women in red dresses. It aroused them.” Ngumiti na naman siya ng makahulugan.

Nagtagis ang bagang ko.

“Bakit hindi na lang ikaw ang magsuot, Chantel? Red symbolizes fierceness and boldness. That's how you want to be seen. Go on, wear that dress. I will let you have it.”

Mas lalong lumaki ang ngiti ni Chantel sa sinabi ko. She looks amused by my reaction. Pero talagang hirap akong kontrolin ang emosyon ko dahil ngayon bibisita si Mr. Villondo sa bahay. At alam ko kung ano ang pakay niya. It’s the engagement.

“No, I don’t want to outshine you, sister.” Nanunukso niyang sabi bago tumalikod at naglakad pabalik sa pinto.

Sinundan ko naman siya ng masamang tingin.

Lucky for her my mind is in haywire. Hahayaan ko siyang manalo sa pang-aasar ngayon.

I grabbed a black dress. At ang pulang dress na nagustuhan ni Chantel, halos itapon ko na sa sobrang inis sa kaniya.

Ilang taon na kaming nagsasama sa iisang bubong, ilang taon na rin kaming nagbabangayan, at hindi ko alam kung kailan matatapos ito. Saka lang natahimik ang buhay ko noong sa States ako nag-aral, pero ngayon na nasa Pilipinas na naman ako ay balik na naman sa normal ang buhay ko.

Kung sana hindi na nag-asawa ulit si Daddy, hindi ko sana kailangan na makita araw-araw ang pagmumukha ni Tita Anna at ng mga anak niya!

Nang maayos ko ang dress ay naglagay naman ako ng manipis na makeup. I hope Mr. Villondo won't come. Sana magbago ang isip niya, dahil walang tyansa na magbago ang isip ni Dad sa engagement na ito.

“Ma’am Zain, pinapababa na po kayo ni Sir.” Tawag ng katulong.

At this time, I was done with my hair and makeup. Kailangan ko na lang na magspray ng perfume.

“Susunod na ako.” Sagot ko sa katulong.

Tinitigan ko ang repleksyon sa salamin. I’m still young and beautiful… dapat ay ini-enjoy ko pa ang kabataan ko. Pero masisira lang itong lahat dahil sa kagustuhan ni Daddy na maipakasal ako sa isa sa business partners niya.

He’s forty-seven years old. He’s rich… but he’s old.

Pero para saan pa ang pagrereklamo ko gayong desidido si Daddy na maipakasal ako kay Mr. Villondo?

Siguro’y hindi ko matatakasan ang kapalaran na ‘to kaya mas mabuting harapin na lang. Bumaba din ako kalaunan. Sa main stairs pa lang ay nauulinagan ko na ang boses ni Daddy.

“Where is Zainelle? Tawagin niyo, narito na ang bisita!”

“I’m here.”

Sabay-sabay na napatingin sa direksyon ko sila Daddy, Tita Anna, Candy, at Chantel. Kita ko ang gulat sa mukha ni Daddy. Walang reaksyon si Tita Anna noong una, pero kaunan ay napakunot noo. Si Candy ay natulala. Si Chantel naman ay umismid.

“Zain? What are you wearing? Hindi ba’t nagshopping ka naman kahapon? Wala ka bang ibang dress?” Kunwa’y alalang tanong ni Tita Anna.

Nakababa na ako ng hagdan. Ayaw kong pansinin ang mga tanong niya, pero sinalubong nila ako ni Daddy.

“Do you really have to wear black?” Si Dad sa naiinsultong tono.

“Hija, pwede ka namang magsuot ng ibang kulay.” Mahinahon na saad ni Tita Anna.

Pinaikot ko ang mga mata. Kita ko ang galit sa mukha ni Daddy at ang pagkalukot ng mukha ni Tita Anna.

“So, what do you want me to do now? Should I go back and change my outfit?”

Pareho silang natahimik. Mas lalong umukit ang iritasyon sa mukha ni Daddy.

“Sir, narito na po ang bisita.” Siya namang pag-imporma ng mayordoma.

See, wala nang panahon para magpalit pa ako ng damit.

Humarap si Daddy at Tita Anna sa may bulwagan, hinihintay na makapasok ang bisita. Samantalang tumuwid lang ako ng tayo at tumabi kay Daddy.

“Behave yourself, Zain. Don’t embarrass me.” Mariing bulong ni Dad sabay sulyap ng tingin sa akin.

“Whatever.” I answered.

Pumasok sa double doors si Mr. Villondo. Agad siyang sinalubong ni Daddy at Tita Anna. Nakipagkamay silang dalawa sa bisita.

Nasulyapan ko ang pagngisi ni Chantel habang hinahagod ng tingin si Mr. Villondo.

Siguro’y natutuwa siya na matanda na ang lalaking ipapakasal sa akin.

“And of course, Zainelle…” lumingon sa akin si Daddy. “Come here, hija.”

Parang nanlalamig ang sikmura ko habang tinatawag niya ako. Napipilitan man ay lumapit pa rin ako para pormal na batiin si Mr. Villondo.

“Zain.” Sambit ni Mr. Villondo sa pangalan ko.

Nagsitindingan ang balahibo ko lalo pa noong lumapit siya para halikan ang pisngi ko. Parang babaliktad na ang sikmura ko.

“It’s nice to see you again, Zain.” Bulong niya bago tuluyang lumayo.

Nag-aangat baba na ang dibdib ko sa kawalan ng hangin. I couldn't breathe properly! Para akong nalulunod sa halo-halong emosyon— inis, frustrasyon at kaba.

“And I brought my nephew by the way.” Bigla’y anunsyo niya.

Siya namang pagpasok ng isang lalaki sa double doors.

Ang kaba na nararamdaman ko ay nadagdagan lalo nang makita kung sino ang tinutukoy ni Mr. Villondo. Hindi ko na namalayan at napaawang na pala ang bibig ko.

Teka… totoo ba ‘to?

Tama ba ang nakikita ko? O kamukha lamang ng lalaking nakakuha sa virginity ko?!

Tumigil siya sa harap ko, sa tabi ni Mr. Villondo, at inilibot saglit ang tingin bago tumigil sa akin.

Kumunot ang kaniyang noo, parang namukhaan ako. Mas lalong bumilis ang tibok ng puso ko.

“This is River Villondo, my nephew.”

Parang tatalon na palabas ang puso ko habang tinitingnan siya ng mabuti.

Ang perpektong mala-Espanyol na hitsura— makapal na kilay at pilik-mata, matangos na ilong, kayumanggi at hugis almandres na mga mata, at ang panga na perpekto ang hulma.

God… this is the stranger.

“Nice to meet you, I’m River.” Pakilala niya sabay abot sa kamay ni Daddy.

Sunod ay si Tita Anna. At nag-unahan pang makipagkamay si Chantel at Candy.

Huli siyang bumaling sa akin.

“Nice to meet you, Miss Fortellejo.” Aniya saka malamig na ngumiti.