Chapter 219

Maagang gumising ang pamilya Tan upang maghanda sa araw ng pag-alis nila. Habang nag-aayos si Allyson ay naisipan ni Travis na pumunta sa secret room niya upang kunin ang bagay na matagal niya ng hinahanda.

Kahit hirap siyang makakita ay napagtagumpayan niya namang buksan ang vault at kinuha ang nag-iisang dokumento doon.

Naupo si Travis habang bitbit ang folder at pagkatapos ay tinawagan si Chad na kasalukuyang inaayos ang mga ticket nila.

"Pumunta ka sa bahay ngayon mismo. Kailangan kitang makausap tungkol sa importanteng bagay." panimula ni Travis. Mahigpit ang pagkakahawak niya sa folder.

"Pupunta na rin ako diyan. Tinatapos ko lang ang bilin ni Allyson." sagot ng kaibigan.

"Huwag mong sasabihin kay Allyson ang tungkol sa bagay na 'to. Itago mo ito hanggang sa maging maayos ang lahat." bilin ni Travis at pagkatapos au tinapos ang tawag.

"Ano na naman ba ang itinatago mo sa akin?" biglang sulpot ni Allyson kaya nabitawan ni Travis ang folder sa lamesa. Akala ni Travis ay nakataob