SIMULA

AVAYA ELARA DAWSON’S POV

“Since I won the bet, what will you do?”

Narinig ko ang malamig na boses hindi kalayuan sa aking p’westo.

Namamanhid ang aking katawan ngunit ramdam ko ang sakit at kirot ng aking ulo. Unti-unti kong binuksan ang aking mga mata, bumungad sa akin ang malaking chandelier at magarang exterior ng lugar.

Akmang gagalaw na sana ako nang marinig ko naman ang boses ni Damon, ang aking boyfriend na nasa aking tabi at dahil nakatalikod ako sa kanila, hindi nila napansin na ako’y gising na.

“I know, you won, pero kailangan ba talaga natin umabot sa ganito?” Ramdam ko ang pag-aalinlangan sa boses ni Damon nang sabihin niya iyon.

“Why? I didn’t know you fell for her? Last time I checked, patay na patay ka pa kay Elysia,” parang tumahimik ang paligid nang marinig ko ang salitang iyon.

Gusto kong bumangon at harapin sila, gusto kong kumpirmahin kung si Damon ba ang sinasabihan niya.

“Well, fine! Just for tonight!” Halos pasigaw na sagot ni Damon.

Naramdaman ko ang mabigat na yabag na unti-unting lumapit sa akin kaya agad kong ipinikit ang aking mga mata, ang paglapat sa aking balat ng isang coat ay nagdulot ng pagtaas ng aking balahibo. Unti-unti ay naramdaman ko na tila lumulutang ako sa ere.

Akmang maglalakad na sana ang taong may buhat-buhat sa akin nang maramdaman kong may humawak sa aking braso na nakahulog lang sa aking gilid.

“Let her go, Damon…” rinig kong boses ng lalaking buhat-buhat ako.

“Babeeeee… let’s go na! Hayaan mo na si Damien, hindi naman niya pababayaan si Avaya!” Halos malunok ko ang aking laway nang marinig ang pamilyar na boses na iyon.

Damien? Si Damien ang may buhat sa akin? Ang kakambal ni Damon na napakasungit at nakakatakot?

Unti-unti kong iminulat ang aking mga mata, sapat lang para makita sila. At nadurog ang aking puso sa nasaksihan, binitawan na ni Damon ang aking kamay at hinawakan si Elysia.

Si Elysia, ang matalik kong kaibigan… ay kasalukuyang kasama ang aking kasintahan na si Damon. Kitang-kita ko ang akmang paghahalikan nila sa aking harapan, ngunit dumilim ang paligid.

Naramdaman ko ang palad ni Damien na tumakip sa aking mga mata, kasunod nito ang mahina niyang bulong na tila nagdulot sa akin ng kiliti.

“Let’s go, Elora…”

Ipinikit ko na lang nang mariin ang aking mga mata at ikinuyom ang aking isang palad. Hindi ko maintindihan ang mga nangyayari, pero isa lang ang naiintindihan ko.

Pinigilan ko ang sarili ko na maiyak sa sitwasyon ko ngayon, all this time, niloloko na pala ako ng dalawang tao na malapit sa akin. Damn.

“Elora… I take you home,” bumalik ako sa realidad nang marinig ang malambing na boses na iyon.

Is this really Damien? Ibang-iba ang boses at way of speaking niya ngayong narito na kami sa loob ng sasakyan. Kanina halos tumayo ang balahibo ko dahil sa lamig ng kanyang boses, pero ngayon para akong idinuduyan dahil sa lambing nito.

Ganun pa man, hindi ako nagsalita at nanatiling nakapikit. Ipinagpatuloy ko ang pagpapanggap ko.

smack

Halos mapapitlag ako nang maramdaman ko ang malambot niyang labi sa aking noo, hinawi pa nito ang aking buhok na tumatakip sa aking mukha.

‘Anong nangyayari?’ tanong ko sa aking isipan.

Narinig ko ang pagbuhay niya ng makina ng sasakyan, ngunit hindi pa rin ako kumikibo. Bahagya kong binubuksan ang aking mga mata upang silipin siya. I think, there’s something wrong sa ininom ko kanina.

Bakit sa simpleng halik sa noo, pakiramdam ko nag-iinit ako?

What the hell did they put in my drink?

Bahagya kong ginalaw ang aking katawan habang nakapikit pa rin, dahilan para malaglag ang coat niya na nakapatong sa aking hita. My legs are now exposed!

“Damn…” rinig kong bulong niya bago inayos ang coat upang matakpan muli ang aking mga hita.

‘What a gentleman,’ sarkastikong sabi ko sa aking isipan.

Then, suddenly, an idea came to my mind. Hindi pa rin malinaw sa aking isipan ang mga nangyayari, but I guess, I’ll just go with the flow of their fucking game.

Sa ngayon, iisa lang ang malinaw sa akin.

Elysia, my best friend, is hooking up with my boyfriend, Damon, and the one with me right now is his twin brother, Damien.