Chapter 130

“ANO NA ang gagawin natin ngayon, Gerald? Alam na nina tito at tita ang lahat ng mga ginawa at pinlano natin! Sa isang iglap lang, ay nawala iyon lahat! Paano na tayo ngayon niyan? Pareho na tayong walang trabaho and worse, pareho rin na walang pera!” Sambit ni Vivian kay Gerald na kasalukuyang nakatulala at matamang nakatingala lang sa kisame.

Sa apartment ni Gerald si Vivian tumuloy nung gabing palayasin siya ng bahay ng kanyang tito Juancho at tita Sania. Wala sa hinagap niya na matutuklasan ng mga ito ang mga palihim na kalokohan nilang ginagawa; katulad ng paunti-unting pagnanakaw nila ng malalaking halaga ng budget sa kompanya na siyang ginagamit nila sa pagbabayad sa mga taong inuutusan nila, at sa iba pang mga bagay at kapritso nilang dalawa. Ang lihim na relasyon nila ni Gerald habang magkarelasyon pa ito at si Saskia, at ang pagdukot nila kay Saskia para itago ito sa malayong probinsiya para mailayo ito sa asawa na siyang kinababaliwan niya, para maangkin nito ng tuluyan ni