Kabanata 38

“JACOB!”

Nilingon niya ang direksyion na pinanggalingan ng tinig at nakita niya si Lilibeth na tumatakbo mula sa elevator.

“Are you leaving already?” tanong nito nang magpang-abot sila.

“Oo. Natapos ko na rin naman kaagad ang pagpirma sa mga kailangang pirmahan. Bakit may ipapagawa ka pa ba?”

“Ah, gano’n ba?” Sumagap ito ng hininga, mukhang hiningal sa ginawang pagtakbo kani-kanina lang. “Wala naman na akong ibang ipapagawa. Gusto ko lang sanang humingi ng pasensiya sa nagawa ko.”

Kaagad na nangunot ang noo ni Jacob. “Pasensiya sa nagawa mong ano?”

“Noong tumawag ako na si Adelyn ang nakasagot.”

Lumalim ang kunot sa kanyang noo.

“What happened, Lilibeth?” Hinawakan niya ang braso nito.

“Well, it’s not really my fault, Jacob. Noong tinawagan kita hindi ko alam na hindi pala talaga ikaw ang kausap ko sa kabilang linya. Malay ko ba hindi naman nagsalita kaagad ang asawa mo,” paliwanag nito.

Mas lalong humigpit ang pagkakahawak niya sa braso nito.

“Please, Lilibeth, `wag ka nang