Chapter 64

Third person point of view

Hindi alam ni Derick kung anong katangahan ang nagawa niya. Ngayon ay balik na naman siya sa umpisa at sigurado na mas mahihirapan siya dahil sa nangyari.

"Bumaba ka na at huwag na huwag kang magkakamali na magsumbong!" Utos niya sa babae pagkarating nila sa mall kung saan niya ito dinukot.

Umirap ang babae sa kaniya bago padabog na binuksan at sinara ang pinto ng kotse niya.

Pagkababa nito ay kaagad na siyang umalis sa tapat ng mall para umuwi sa bahay niya at mag-isip ng susunod na plano.

_______

Sa kabilang banda hindi alam ni Arisson kung saan niya hahanapin si Joana Mei dahil sa dami ng nagkakagulong tao sa parking lot ng mall, kung saan-saan na siya pumapaling pero hindi niya makita ang kasintahan.

Kanina after sumigaw ng isang babae at kasabay ng pagkakagulo ng mga tao ay doon lang niya napansin na wala na pala ito sa tabi niya.

"Love!" Sigaw niya at sa ikalawang pagkakataon ay umikot siya at halos mapaupo siya sa biglaang panghihina at relief ng mak