Chapter 34

HALOS isang oras din ang itinagal ng pagkain namin at ng mga oras na iyon ay nasa sasakyan na niya kami ngunit hindi pa rin kami nag-uusap na dalawa. Madilim na rin ng mga oras na iyon dahil anong oras na. Napakunot ang noo ko dahil kanina pa kami nakasakay sa loob ng kotse niya pero hindi pa niya pinapaandar ito kaya nilingon ko na siya. Medyo madilim sa loob ng sasakyan dahil medyo madilim din sa parking lot.

“May problema po ba sir? Bakit hindi pa tayo—” bago ko pa man matapos ang sasabihin ko ay bigla na lang siyang dumukwang at hinalikan ako na ikinapanlaki ng mga mata ko.

Nakabawi naman ako kaagad sa pagkagulat kaya dali-dali ko siyang itinulak dahil baka may makakita sa amin. Kailangan pa rin naming mag-ingat. “Sir! Ano ba kayo, baka may makakita sa atin dito.” mabilis kong sermon sa kaniya.

Napabuntong hininga naman siya. “Namiss lang kita. Kanina ko pa gustong halikan ka.” mabilis niyang sagot sa akin. Nag-iwas ako ng tingin at tumingin na lang sa labas ng bintana pero sa t