Chapter 23

“What the hell are you doing here? Kasing tigas na ba talaga ng bakal ’yang pagmumukha mo?”

“Hindi ikaw ang ipinunta ko rito Philip kundi si Jessy.”

Literal akong napanganga sa narinig. Ano naman kaya ang sadya niya sa akin? Unti-unti kong inangat ang aking paningin sa kanya. Napailing ako. Masama ang kutob ko na may mangyaring ’di maganda ngayon.

Napalunok ako at mabilis na pumagitna sa kanila. Hinawakan ko sa braso si Philip saka bahagya siyang hinila palayo sa kaharap. Pansin ko kasing medyo mainit na ang titigan nilang dalawa. Parang walang gustong magpapatalo sa kanila.

“Hon, pumasok ka na sa kuwarto natin. Ako nang bahala rito,” mahinahong turan sa akin ni Philip. Hindi na ako nag-abala pang sumagot.

Tumalikod na ako ngunit mabilis nahaklit ni Noah ang braso ko. Napaigik ako nang maramdamang tila may matigas na bagay akong nasagi sa tagiliran niya. Napalunok ako. Hindi ako puwedeng magkamali. Matigas at parang…baril.

Sa gulat ay mabilis ko siyang itinulak at walang pasabing