"Siguro ka ba riyan sa desisyon mo, Sandra, anak?" Si Mama pagkatapos kong sabihin na gusto kong pumuntang Maynila para ipakilala si Inez sa tatay niya. "Paano kung hindi tanggapin ang apo ko? Paano kung ipagtabuyan siya? O kaya naman, baka may pamilya na iyon at ayaw ng kasamang magkaroon ng bastarda?" Punong-puno ng pag-aalala niyang sinabi.
Nagbuntong-hininga ako.
Hanggang ngayon ay wala pa ring kaalam-alam si Mama na ang tinutukoy ko rito ay walang iba kundi ang iniidolo niyang si Elias Damian Villacaza. Ewan ko na lang talaga kapag nalaman niya.
On the other hand. Kinakabahan ako, ayaw kong itakwil niya ang anak niya sa akin ngunit ayaw ko namang ipagkait kay Inez ang karapatan niyang makilala ang ama niya. Kahit anong mangyari, tatanggapin ko pa rin ang anak ko. Kung ayaw niya rito, edi huwag. Ako ang nagpapakahirap mabuhay 'yan kaya sa akin pa rin siya. Ako lang ang magmamahal sa kanya.
"Talaga ba, Sandra? Punta tayo sa Papa ko?" Anang maliit at matinis na boses.
Nakatingala siya sa akin at amber niyang mga mata ay kumikislap at mas lalong nadidipina ang kulay nito sa tuwing nasisinagan ng ilaw. Manang-mana talaga sa pinagmanahan!
Naupo ako sa kanyang tabi, kinuha ko ang suklay at sinuklay ang hanggang balikat niyang makapal na buhok. Itim na itim at straight na straight. Sa katunayan, iyon lang ang nakuha niya sa akin.
Sobrang unfair. Ilang buwan akong naghirap tapos iyong bakulaw lang na 'yon ang magiging kamukha?! Ibalik ko kaya sa matres ko 'to baka nagkamali lang si Lord nang hulmahin niya 'to? Pati ugali, namana, eh!
"Oo, Inez Isabelle, pupunta tayong Maynila para makita at makilala mo ang tatay mo..." Marahan kong hinaplos ang kanyang buhok. I know that she is only three years old but I know her capability. Kahit sa ganitong edad ay hindi namin siya kinakausap na parang bata talaga kaya matabil ang dila. "Pero... Hindi ako sigurado kung tatanggapin ka, eh..." Pagsasabi ko ng totoo, napansin ko agad ang paninigas niya sa kanyang kinauupuan. "Kasi baka may pamilya na siya o may jowa, tapos baka hindi ka no'n magustuhan."
Bagama't dire-diretso ko iyong nasasabi ngunit parang dinudurog ang puso ko. Ayaw kong umasa ang anak ko, mas mabuti ng malaman niya mula sa akin kaysa masaksihan na lamang niya na ganoon.
Mula sa kanyang likod ay lumipat ako sa harap upang makita ang hitsura niya. Mas lalong nadurog ang aking puso nang makita ang pamumula ng kanyang ilong at mata, namamalisbis ang kanyang luha roon. Kumibot ang kanyang labi, batid kong pinipigilan niyang umiyak ngunit nang haplusin ko ang kanyang baba ay doon na siya humikbi.
"Batit ayaw niya sa'kin, Sandra? Bait naman ako, eh. Indi na ako magtitirador ng mga ibon. Indi na ako susuntok kapag may aaway sa'kin, indi na rin ako sakay sa baboy nila Aling Jelay..." Hikbi niya.
Niyakap ko ang anak. Wow, Sandra, anak? Parang kailan lang, kapatid mo ito, ah.
"Love na love ka pa rin naman namin kahit gawin mo ang lahat ng iyon, eh..." Medyo nangiwi ko pang sinabi lalo na nang maalala ang kapasawayan ng batang maliit. "Hindi mo kailangan magbago para lang magustuhan niya, Inez Isabelle. Kung ayaw niya sa'yo, hindi natin ipipilit, ha? Nandito naman ako, si Nanay, si Tatay, mga alagang kambing ni Tatay at mga alaga mong pusa, 'di ba?"
Suminghot-singhot ang bata, tumango-tango siya at pinahid ang magkahalong sipon at luha gamit ang likod ng kanyang palad patungo sa kanyang tainga.
Halos mapakamot ako sa aking ulo. Kinuha ko ang basang face towel at iyon ang ipinunas sa mukha niya. Katatapos lang magpunas heto at bulinggit na naman.
"Oo, Sandra, hindi ko pipilit saliri ko sa kanya," buong yabang niyang sinabi sabay upo ng tuwid at diretso ang tingin sa kung saan. "Uwi tayo agad Sandra ha kapag ayaw sa'kin tapos bili mo 'kong mikmik," humagikhik siya sa huli.
Ngumisi ako at sinakop ng aking dalawang palad ang kanyang maliit na mukha saka siya hinalikan sa noo.
"Tandaan mo palagi na mahal na mahal ka ni Sandra, ha? Kapatid man kita o anak, walang magbabago sa pagmamahal ko sa'yo, imbes ay mas lalo pa kitang minamahal araw-araw. Tandaan mo 'yan, ha?" Mariin kong sinabi.
"Talaga, Sandra?" Bahagya pa niyang itinagilid ang kanyang ulo at naniningkit ang matang tiningnan ako.
Tumango ako at ngumiti para ipakitang totoo ang sinasabi ko.
Inayos ko na ang pagkakahiga niya at saka siya tinabihan hanggang sa makatulog. Nang masiguradong naghihilik na ang malditang maliit, bumangon ako. Alas siete na ng gabi, ganitong oras ay madalas tulog na ako.
Ngunit iba yata talaga ngayon. Kahit anong subok kong ipikit ang mga mata ko, hindi ako makatulog. Nagliliwaliw pa ang aking diwa.
Sa paglabas ko ay nagulat ako nang matagpuan si Tatay sa lamesa, umiinom ng tubig at nakatulala sa harap ng pitcher. Mukhang malalim ang iniisip.
"Tatay?" Napaangat ang kanyang puwetan sa upuan nang magsalita ako.
"Ikaw bata ka! Bakit ka nanggugulat!" Muntik pa niya akong hampasin ng pitcher.
Tumawa ako at niyakap ang matandang ama.
"Oh? Tulog na ba ang aking makulit na apo?" Aniya, tiningnan pa ang aming kwarto. "Balita ko ay tumakas daw iyon kanina?" Natatawa siyang napa-iling dahil kilalang-kilala niya ang apo. "Iyang batang iyon talaga, napakulit!" Humalakhak siya. "Manang-mana sa iyo noong ganyang edad ka!"
Nanlaki ang mata ko!
"Luh, hindi naman po yata ako ganyan noon, Tatay!" Kontra ko, ayaw maniwalang namana ng anak ko ang sariling kakulitan.
Naningkit ang mata ng tatay at saka ako kiniliti, tawa naman ako nang tawa.
"Talagang ganyan ka noon! Kahit nasa sakahan kami ng nanay mo ay sumasama ka at nagdadala ng tirador upang manirador ng mga ibon!"
Napakamot na lang ako sa sariling ulo. Sige na nga, hindi lahat ay namana niya sa kanyang ama.
"Tatay, pupunta po kaming Maynila ni Inez sa susunod na linggo." Imporma ko.
Natahimik siya. Humugot ako ng malalim na buntong hininga at bahagyang hinigpitan ang yakap sa kanyang leeg.
"Tatay, alam na po ni Inez ang totoo. Na hindi po niya ako kapatid. Hindi niya po ako ate, na Mama niya po ako." Nagtubig ang aking mata habang sinasabi iyon sa aking ama. "Masayang-masaya po ako tatay, kasi alam ni'yo 'yon, mula nang matuto siyang magsalita, Ate na lagi ang tawag niya sa akin. Ate ang pagkakakilanlan niya sa akin. Ngunit ngayong alam na niya ang totoo, sobrang saya po ng puso ko."
Hinaplos ni Tatay ang braso kong nayakap sa kanya.
"Dahil galing siya sa iyo, anak. Kahit anong mangyari, kahit sino pa man ang magpapalaki sa kanya, ikaw pa rin ang nanay. Ikaw pa rin ang nagluwal sa kanya." Aniya. "Maaaring kapatid nga ang pagkakakilanlan niya sa iyo ngunit ang pagmamahal na pinapadama mo sa kanya ay higit pa doon. Hindi ka nagkulang anak ko, pagkakakilanlan lamang ang iba ngunit ang pag-aalaga, pag-aaruga at pagmamahal mo sa kanya, iyon ay ikaw, bilang nanay niya."
"Tatay..." Humikbi ako.
Ngumiti ang Tatay at marahan niyang tinapik ang aking kamay.
"Masaya rin ako Sandra, anak. Sa wakas, nalaman niya na rin ang totoo. Sa wakas ay buo na rin ang kanyang pagkatao. Maaaring pinupuno namin siya ng pagmamahal ng nanay mo ngunit hindi siya magiging buo dahil alam niya sa kanyang puso na may kulang. Salamat at pinunan mo na ang kahungkagang iyon, anak." Hinaplos ng tatay ang ulo ko.
Suminghot-singhot ako. "Masama po ba akong ina, tatay?" Kapagkuwan ay tanong ko.
Matunog na tumawa ang tatay at umiling. "Hindi, anak. Inisip mo lamang kung anong sa tingin mong makabubuti sa anak mo, at iyon ay ang katangian ng isang mabuting ina. Ganoon ka, anak."
"P-Pero... Gusto niya pong makita ang ama niya..." Mababa ang boses kong sambit.
May kung anong boses sa loob ko na huwag na lang siyang ipakilala rito at sabihin na lang na matagal na itong patay o kaya naman ay hindi siya tanggap nito. Ngunit alam ko rin sa sarili kong hindi ko iyon magagawa kay Inez.
"Gusto mo ba?" Tanong ni Tatay. "Gusto mo bang makilala niya ang kanyang ama? Handa ka na ba sa mga mangyayari kung sakali?"
Natahimik ako. Humiwalay ako mula sa pagkakayakap sa kanya at saka humugot ng sariling upuan at saka idinukdok ang mukha sa lamesa.
"Hindi ko po alam, tatay... Basta ang alam ko, karapatan ni Inez Isabelle na makilala ang tatay niya. Kung ayaw man niya sa anak ko, hindi ko ipipilit." Napaangat ako ng tingin ay tumitig sa kawalan. "Gaano ko man kagustong isarili na lang ang anak ko ay hindi pwede, alam kong karapatan din niyang makilala ang ama niya."
Ngumiti ang tatay.
"Sundin mo kung anong sa tingin mong tama para sa anak mo, para sa apo ko. Narito lamang kami, umuwi kayo ng maayos at buo kung ano man ang kahihinatnan ng mga gagawin mo doon." Tumayo si Tatay at tinapik ako sa likod. "Mag-iingat kayo roon. At parang awa mo na, huwag ka sanang bumalik na may sumisipa na namang tiyanak sa tiyan mo." Biro pa niya dahilan upang matawa rin ako.
"Hindi na po, tatay."
"Hello? Cassandra! Omg! Is this really you?!" Hysterical na sigaw ng aking kaibigan sa kabilang linya na kinailangan kong ilayo sa aking tainga ang cellphone dahil sa sobrang tinis ng kanyang boses.Nakangiti akong ibinalik ang cellphone sa aking tainga. "Oo Danice, ako ito. Si Cassandra." Tumili na naman ang nasa kabilang linya. "Pasensya na ha kung ngayon lang ulit ako nakatawag, busy rin kasi sa trabaho at kay Inez." Paliwanag ko. "Hoy! Ano ka ba! Don't worry about it! Kahit ilang taon ka pang hindi magparamdam, you are still friends, 'no! Ikaw lang kaya ang true friend ko since college dahil iyong iba pero kaplastikan!" Sa tono ng pananalita niya ngayon ay nasisiguro kong nakapameywang itong nakaharap sa salamin. "Oh, kumusta? Kumusta ang bulilit na carbon copy ng masungit na may six packs abs?" Umirap ako. Oo, alam ni Danice ang tungkol kay Inez at sa totoong tatay niya. Sa lahat naman ng naging kaibigan ko at nakasama sa gabing iyon ay siya lang ang nangumusta sa akin tungkol
"INEZ..." Tawag ko sa atensyon niya. Agad naman siyang lumingon sa akin bago bumaba sa inuupuang couch. "Alis ka, Sandra?" Tanong niya. "Hindi ako kasama?" Nag-squat ako upang magtagpo ang aming mga mata. Inilagay ko sa likod ng kanyang tainga ang ilang buhok na nahuhulog sa kanyang noo. Ang ganda-ganda ng batang maldita ngayon. Naka-pigtails ang kanyang mahabang buhok na bilagyan ng kanyang Tita Danice ng ilang maliliit na puting bulaklak. Nilagayan din siya ng mga hair pins na may glitters at pinasuot ng sunflower dress. Kulang na lang maging paso itong bata. Hinaplos ko ang kanyang matabang pisngi. Tumitig din siya sa mga mata ko. Ngumiti ako. "Hindi ba, sabi ko sa'yo hahanapin ko ang papa mo?" Iyon pa lang ang sinasabi ko nagliwanag na agad sa tuwa ang kanyang mga mata. "Hindi pa kasi ako sigurado kung saan siya nakatira, eh. Kaya hindi muna kita maisasama." Paliwanag ko. "Ayos lang ba sa'yong dito ka muna kasama si Tita Danice habang hinahanap ko address ng papa mo?" Kumurap
HINDI ko na maramdaman kung dumidikit pa ba sa semento ang mga paa ko dahil sa sobrang bilis ng pagtakbo ko palayo sa lugar na iyon. Takot na takot na mahuli niya. Hindi, hindi ko ibibigay si Inez Isabelle sa kanya! Hindi siya karapatan-dapat maging tatay ng anak ko dahil isa siyang gago at aroganteng tao! Ano na lang ang ituturo niya sa anak namin kung puro siya galit sa akin?Anong ikinagagalit niya? Na sinabihan ko siyang 'unsatisfying' sa kama? Ha! Hindi ba siya pinatutulog ng litanya kong iyon? Kung ganoon, edi deserve pala ng hayop. Nang makita ko na ang labasan ng subdivision ay nabunutan ako ng tinik at tumigil sa pagtakbo. Sigurado naman ay hindi na niya ako maaabutan. Takot pa naman no'n tumakbo ng ganitong kainit lalo na dahil baka may makakita sa kanyang 'fans' kuno niya. Pasipol-sipol ako habang naglalakad ngunit kalaunan ay napangiwi rin nang maramdaman ang init sa kaliwang paa, roon ko napagtantong wala na palang sapin ang kaliwang paa ko. Siguro sa sobrang pagtakbo
ISANG nakabibinging katahimikan muli ang namayani sa loob ng sasakyan. Umayos ako ng upo at nakatuon ang tingin sa labas, nagbabakasakaling makita ko ang kapares ng sapatos ko. Para hindi naman ako mapagkamalang nawawalang bata kapag umuwi akong walang isang tsenilas. "What does she likes?" Tanong ni Elias makalipas ang ilang sandali. "Uhm... Like, toys, foods, dresses or whatsoever?" Ramdam na ramdam ko ang bahagyang pagnginig ng kanyang boses. "A-Are you sure she wants to see me? Doesn't she hate me for being not present in her life earlier?" Doon na ako napatingin sa kanya. Nang mapansing nakatingin ako ay agad siyang nag-iwas ng tingin, pilit itinatago sa akin ang pamumula ng kanyang mukha. Hindi ko tuloy mapigilang matawa nang palihim, biruin mo 'yon, ang isang Elias Damian Villacaza, emosyonal na malamang may anak siya? The almighty and freaking hot multi-millionaire Elias Damian Villacaza is being this soft towards his daughter. Our daughter. Gosh, ilalagay ko 'to sa journal
"SANDRA! Sandra!" Nagulat pa ako sa biglang pagtawag ni Inez kaya napatingin ako sa kanyang malalaki ang ngiti. Kumikislap ang mga mata at punong-puno ng tsokolate ang mukha, ang ngipin ay hindi na masyadong makita dahil sa kulay ng kanyang kinakain. "Ibinili ako ni Tita Danice ng tsokoleyt! Bumaba din kami doon sa may malaki at malamig na tindahan! Grabe Sandra, ang ganda!" Punong-puno ng energy niyang sinabi. Ibinaba ko muna ang dala ko para madaluhan siya dahil muntik pang masubsob dahil sa sobrang ligalig. Dahil abala siya sa pagkukwento sa "Ang lamig-lamig, Sandra! May hagdan na umaandar! May malalaking maynika! May malaking penguin! Mas malaki pa sa'kin—ay, ellow po!" Bigla niyang ibinaluktot ang kanyang ulo sa aking gilid upang masilip ang kung sino mang lalaki sa aking likod. "Gandang gabi, po!" Halos hindi na makita ang kanyang mga mata dahil sa sobrang laki ng kanyang ngiti. "Kaybigan ka ni Sandra po?" Tanong niya at muling ibinalik sa akin ang tingin, "kaybigan mo, Sandra
"SANDRA, may malaking bahay raw si Papa! Alam mo ba 'yun?" Excited na kwento ni Inez habang kumakain na kami. Napatingin ako kay Elias. "Gusto ko ring pumunta roon, Sandra! Gusto ko makita ang bahay ni Papa!" Nangunot ang aking noo, mas dumiin ang aking titig sa lalaking patay-malisyang ngumunguya. Ang kanyang tingin ay nasa pagkain at sa anak lamang."Yes, baby. My house is your house as well." Ani Elias at pinunasan ang gilid ng labi ni Inez nang kumalat ang sauce ng spaghetti roon. "Eat slowly, love... wala kang kalaban..." He chuckled. Tuwang-tuwa sa anak niya. Ay, hindi ba siya natutuwa sa akin? Ako nagluwal niyan, hoy! Sperm lang ambag mo! "Dito ka po matutulog kasama ko, Papa?" Tanong ng bata, matamis ang ipinukol niyang ngiti sa kanyang ama. Halos hindi na kita ang mga mata nito sa sobrang pagkakangiti, iyong tipo ng ngiti na hindi ka makahihindi. Mula kay Inez ay bumaling ang tingin ko kay Elias—na siyang pagbaling din pala niya sa akin kaya biglaan ang naging tagpo ng a
"BILISAN natin, Danice baka kung ano ng nangyari kay Inez!" Hindi magkandamayaw kong paalala sa kaibigan. Nasa loob na kami ngayon ng elevator at kasalukuyan akong nakaupo sa sahig. "Kasalanan ko 'to, eh. Kasalanan ko lahat 'to. Kung hindi ko lang sana hinayaang magkita ang dalawa edi sana hindi niya nakuha si Inez sa akin..." Gusto kong ihampas ang ulo ko sa pader dahil sa katangahan. Walang ibang sisisihin kundi ako. Hinayaan kong makuha niya ang anak ko. Kung sana, kung sana ay hindi na lang ako natulog at binantayan ko sila buong magdamag, hindi sana nangyari ito. "Stop blaming yourself, Cassandra." Anang tinig ni Danice. "Ginawa mo lang ang sa tingin mong deserve ng anak mo. Hindi mo kasalanang hindi tumupad sa pangako si Elias at basta na lang itinakas ang bata." "Hindi Danice, eh. Kasalanan ko ito. Kasalanan ko lahat." Patuloy kong sisi sa aking sarili. Hinding-hindi ko mapapatawad ang lalaking iyon kapag may hindi magandang nangyari kay Inez. Nang makarating kami sa mism
MARAHAS akong nagpakawala ng buntong hininga nang basta na lang ako pinatayan ng antipatikong lalaking iyon. I am not yet done! Ang bastos niya para patayan ako ng tawag. Pigil ang inis kong ibinalik ang cellphone sa guwardiya.Sapo ko ang aking noong nagsimulang maglakad nang pabalik-balik. Malakas ang kalabog ng aking dibdib sa galit sa taong iyon. Galit na galit ako sa mga sandaling ito. Galit ako dahil hindi siya sumunod sa usapan. Ang linaw-linaw ng napagkasunduan namin tapos heto ang gagawin niya? I know that he is a fucking bastard but how could he do this to me?! To his daughter! Hindi ba niya alam na nagwawala ang malditang maliit na iyon kapag nagigising nang wala ako?! "Please, Sandra, calm down..." Tawag pansin ni Danice. "Kanina pa ako nahihilo sa kakaparoo't parito mo, eh." Tumigil ako at hinarap ang kaibigan. Nilapitan niya ako at hinawakan ang magkabilang kamay. "I know that you are worried about your daughter right now but don't you trust him this time? I'm sure nam