Solid Evidence

Elena

“Ma, please pwede bang habang narito si Janella ay walang maging magtatalo? Buntis siya, ikaw naman ay may higblood, pareho hindi healthy sa inyo na mastress,” sabi ng anak ko na si Dwayne habang inaalalayan ako nito paakyat sa kwarto ko.

Tumango naman ako saka tinapik ang braso niya, “Don’t worry anak basta ang unahin mo ay ang mahanap si Nancy.” Nang marating namin ang kwarto ko ay nakatayo na roon si Ferlyn at nanghihintay.

“Sige na at magpapahinga na ako,” sabi ko habang pumapasok sa kwarto nakasunod si Ferlyn sa akin. Pagkasara ng pinto ay agad kong inusisa ang aking pinaka pinagkakatiwalaan na kasambahay.

“So, anong ginagawa ng babaeng ‘yun?” tanong ko.

Napanguso naman si Feryln at umiling, “Grabe siya ma’am, tama ka at magfe-feeling amo. Pagpasok ko kanina ay inutusan agad kong ayusin ang mga damit niya at dalhan siya ng meryenda. Nung hindi ako kumilos nagbanta na isusumbong ako kay Sir Dwayne.”

Umupo ako sa kama at nakasimangot na binuksan ang Aircon bago ulit nagtanong