Chapter 2

Chapter 2

Chapter 2

"I legally pronounce you husband and wife..."

Ume-echo pa rin sa pandinig ni Phoebe ang boses ng opisyal kanina. Pagkalabas niya mula sa Civil Affairs Bureau, mahigpit niyang hawak ang isang pirasong papel. Ito ang kanilang marriage certificate, at hanggang ngayon ay tila lutang pa rin ang kanyang isip.

Bahagya siyang sumulyap sa lalaking katabi, palihim itong sinusuri mula ulo hanggang paa.

Matangkad ang lalaki, may matitikas na anggulo sa mukha, at may bahid ng pagiging mailap ngunit halatang may pinag-aralan. Naka-suot ito ng mamahaling suit na perpektong nakalapat sa magandang pangangatawan, bagay na nagbibigay rito ng aura ng dignidad, disiplina, at seryosong kalamigan.

Hindi mo iisiping ito ang parehong lalaking nagwala sa kama nang... tatlong beses.

Hindi talaga. Kung titingnan ay hinding-hindi mo aakalain.

Labindalawang oras lang ang nakalipas, lasing na lasing si Phoebe at napagkamalan niya itong blind date niya sa harap ng bar. Siya pa mismo ang nagpilit na sumama rito at ang mas nakakagulat, talagang binuhat siya nito at dinala kung saan.

At ang resulta ng kanyang kalasingan? Nakipag-one night stand siya sa maling tao... at ngayon, kasal na sila.

Ano nga ulit ang pangalan nito? Ashong? A—

Nakalimutan niya.

Binuksan ni Phoebe ang marriage certificate para tingnan sana ang pangalan ng lalaki, ngunit bago pa niya mabasa nang malinaw ang nakasulat, may pumagitna nang kamay. Mahahaba ang daliri nito at malamig tingnan habang mabilis na inilalayo sa kanya ang booklet.

"Ako na muna ang magtatago ng marriage certificate mo," malamig ngunit mahinahon nitong sabi. "Kukunin ko muna sandali. Kailangan ko itong dalhin sa kumpanya para sa filing."

Napakurap si Phoebe sa narinig.

"Ha? Filing?" pagtataka niya.

Tumango ang lalaki. "My company is going public. Kailangan kong ideklara ang marital status ko. Mas mabilis kung sa akin na muna pareho."

Napabuntong-hininga na lang siya.

Ah, oo nga pala. Mayaman ang taong ito. Sobrang yaman.

At dahil wala siyang hawak kahit ano maging ang kanyang dignidad yata ay naiwan niya rin sa hotel kanina tinanggap na lang niya ang lahat. 

"Okay," mahina niyang tugon.

Tahimik niyang pinanood kung paano nito pinagsama ang dalawang marriage certificate, maingat na isinilid sa loob na bulsa ng coat, saka humarap muli sa kanya.

"I’ll be on a business trip for a few days," sabi nito sa mababa at kalmadong tono. "Make yourself at home."

"Ah... oo. Sige," tugon ni Phoebe, hindi pa rin sigurado kung paano ba dapat mag-react sa sinabi ng bagong asawa na ni hindi niya maalala ang pangalan.

Tumango ang lalaki at walang kaabog-abog na naglakad palayo. Pumasok ito sa isang itim na Bentley at saka tuluyang umalis.

Nanatili lang si Phoebe sa harap ng gusali, walang hawak sa mga kamay, at nagtataka kung dapat ba siyang matuwa, malungkot, o matawa sa absurdong takbo ng buhay niya.

Well-mannered, mukhang edukado, mayaman, guwapo... husband material talaga at sakto sa checklist ang lalaki.

Pero kung tungkol naman sa kama... medyo sablay. Hindi nagtutugma sa seryoso nitong hitsura.

Naikibit-balikat na lang siya.

"Ayos lang," panunuyo niya sa sarili. "Wala naman akong pake."

O iyon lang ang pilit niyang ipinapaniwala sa kanyang sarili.

Buzz—buzz—

Tumunog ang phone ni Phoebe. Si Lindsay ang tumatawag.

"Bes! Pinaghintay mo si kuya kagabi! Naka-mask pa raw iyon buong gabi sa bar hanggang madaling-araw. Ni lamok, wala siyang nakita!" galit na bungad ng kaibigan sa kabilang linya.

Hindi pa siya nakakasagot ay sumunod na agad ang isa pang sermon.

"Nasaan ka ba? Bakit naka-off ang phone mo buong gabi? Kapag hindi mo sinagot ito, magre-report na ako sa pulis!"

"Nag-blind date naman ako..." mahina ang sagot ni Phoebe, paos pa ang boses.

Napailing na lang siya sa sarili. Napagkamalan lang niya talaga kagabi. Sino ba kasing nagba-blind date na naka-mask? At sa madilim na bahagi pa ng bar!

Sa labas lang ng hotel niya nakita nang malinawan ang mukha ng lalaki at kamukha talaga kuya ni Lindsay. Pero masyado nang huli para magpaliwanag ngayon.

"Bes," sabi ni Phoebe, mabilis na iniwas ang usapan, "nasa Civil Affairs Bureau ako. Puwede mo ba akong sunduin?"

Hindi pa siya sanay sa nangyari kagabi. Hindi rin siya sigurado kung may karanasan ba ang lalaking iyon pareho silang mukhang baguhan. Nanghihina pa ang tuhod niya ngayon at ayaw na niyang lumakad pa nang malayo.

"WAIT!"

Iyon lang ang sinabi ni Lindsay bago nito ibinaba ang tawag.

Sampung minuto lang ang lumipas, nasa loob na si Phoebe ng isang Cullinan, isang luxury supercar.

Napakunot ang noo niya habang nililibot ang tingin sa sasakyan. "Linds... may bago kang kotse?"

Naalala niyang mini BMW lang ang gamit ng kanyang matalik na kaibigan, at luma pa iyon.

"What new car?" sagot ni Lindsay, naka-sunglasses habang seryosong nagmamaneho. "Sa kuya ko ito. Nasa business trip siya ngayon kaya... pinahiram niya. Secret lang natin, ha."

Tumingin si Lindsay sa kanya sandali kaya nakita ni Phoebe ang pagtaas ng kilay nito.

"Huwag mong hahawakan kahit ano. Clean freak iyon at mabilis uminit ang ulo. Maliban na lang siguro sa future wife niya."

"Fine," sagot ni Phoebe habang umiikot ang mga mata. Bahagya siyang napatawa.

Sa totoo lang, halos wala siyang alam tungkol sa nakatatandang kapatid ni Lindsay. Bihira itong pag-usapan. Ang tanging alam lang niya ay aloof, strikto, at tahimik ito.

Tahimik at malamig ang loob ng sasakyan. Amoy mint ito, parang isang bagong linis na luxury suite.

Pamilyar ang amoy para kay Phoebe. Pero hindi na niya pinansin. Siguro ay pangkaraniwang pabango lang iyon.

Pagdating sa Baguio, halos bagong landing pa lang si Phoebe. Maraming kabaguhan ang nangyayari sa buhay niya ngayon mula sa masakit na break-up, pagre-resign sa trabaho, hanggang sa pag-uwi rito sa kanyang matalik na kaibigan. Brokenhearted, pagod, at walang direksyon ang buhay niya.

Ang Civil Affairs Bureau ay isang kanto lang ang layo mula sa bahay ni Lindsay. Kapag lumampas pa roon ay mararating na ang isang villa area. Sampung minutong lakad lang ito papunta sa bahay ng kaibigan.

Inakay siya ni Lindsay paakyat sa ikalawang palapag.

"Bes, dito ka muna titira. Pinili ko talaga itong kwarto para sa iyo. Maaliwalas at malamig. Katabi lang ito ng kwarto ng kuya ko pero huwag kang mag-alala—workaholic iyon at halos hindi umuuwi ng bahay."

Napatingin si Phoebe sa balcony. Nakakonekta pala ang balkonahe nito sa kwarto sa tabi. May nakalagay doon na rocking chair na paborito niya. May mga paso rin ng halaman sa gitna, at mula roon ay tanaw na tanaw ang magandang bundok at ang paglubog ng araw.

Perpektong lugar para mag-relax.

Biglang napaluha si Phoebe sa labis na emosyon at mahigpit na niyakap si Lindsay. "Ang bait mo talaga. Siguradong magugustuhan ni Vivi ito."

Si Vivi ang alaga niyang pusa na sa ngayon ay naka-board pa sa isang pet shop. Hindi siya makahanap ng matitirhan noong nakaraan dahil puro annual lease ang hanap ng mga may-ari. At saka... baka umuwi rin siya agad kapag maayos at malinaw na ang kanyang isip.

Ikinaway naman ni Lindsay ang kaniyang kamay para tapusin ang madamdaming eksena. "Sige na, sunduin muna natin ang pusa mo, tapos mag-clubbing tayo pagkatapos! Doon sa club, maghahanap tayo ng mga male models!"

Napatigil si Phoebe sa paglakad dahil sa narinig. "Hindi yata magandang ideya iyan..."

"Ano naman ang masama roon? Hindi ka naman magpapakabanal para sa gago mong ex, di ba?" matigas na balik sa kaniya ni Lindsay. "Nagawa nga niyang mag-KTV at mag-hire ng kung sino-sinong babae, tapos ikaw ay hindi pwedeng pumunta sa nightclub para magsaya kasama ang mga male models? Kapag nalaman kong tanga ka pa rin sa kaniya, talagang itatakwil na kita bilang kaibigan!"

"Hindi na ako in love sa kaniya, no!" protesta ni Phoebe. Napalunok siya bago idinagdag ang totoong dahilan. "Pero... kailangan ko maging faithful sa asawa ko."

Tumigil si Lindsay sa paglakad at gulat na napakukurap.

"Oh, that’s normal…” Tumango-tango pa si Lindsay, ngunit bigla itong natigilan at malakas na sumigaw. "WAIT, WHAT?! Asawa?” 

Hinarap nito nang pabalik si Phoebe habang nanlalaki ang mga mata. "Kailan ka pa nagkaroon ng asawa? Saan galing ang asawa na iyan? Nasaan siya?!"

"Hindi ka pa nga nagba-blind date sa kuya ko tapos may pinakasalan ka na palihim?" sunod-sunod na usisa nito.

Mabilis siyang nilapitan ni Phoebe at tinakpan ang bibig nito gamit ang sariling kamay. "Hinaan mo naman ang boses mo."

Ibinaba niya ang kaniyang tono at dahan-dahang ipinaliwanag kay Lindsay ang lahat ng nangyari kagabi. Ang tungkol sa labis niyang pag-inom, ang pagkakatulog niya kasama ang isang lalaki, at para panindigan ang nangyari ay nagdesisyon silang kumuha ng marriage certificate kaninang umaga.

"Bakit hindi mo ako isinama noong palihim ka palang umiinom?!" hysterical na tanong ni Lindsay habang nakahawak sa kaniyang baywang.

"Uminom lang naman ako para lunurin ang sakit dahil sa break-up. Natatakot ako na pagalitan mo ako," mahinang sagot ni Phoebe habang nakayuko.

"At sa tingin mo ba ay hindi kita pagagalitan ngayon kung nagpakasal ka sa lalaking baka niloloko ka lang?" galit na sabi ni Lindsay sabay yugyog sa kaniyang balikat, tila gustong alisin ang lahat ng kalituhan sa utak ng kaibigan.

"Nangako ka sa akin na pakakasalan mo ang kuya ko para makuha ang napakalaking kayamanan niya at para maging sister-in-law kita, Phoebe Madrigal! Alam mo ba kung gaano ko katagal hinintay iyon? Tapos ngayon, may pinakasalan kang iba? Wala na ang pangarap kong maging sister-in-law ka! Paano ako kakalma nito?!"

Huminga ito nang malalim bago nagpatuloy. "Mag-divorce kayo, ngayon din! Bago pa ito malaman ni kuya!"

"Hindi yata pwedeng agad-agad," sagot ni Phoebe habang nag-aalangan. "Hindi ba may cooling-off period na isang buwan bago maaprubahan ang divorce?"

Nag-isip siya nang ilang sandali, at biglang nagkaroon ng bahagyang sigla ang kaniyang mga mata. "Tsaka... napakagwapo niya talaga, Linds. Mas gwapo pa nga siya sa kapatid mo."

Napatampal si Lindsay sa kaniyang noo. 

Marupok talaga si Phoebe sa mga gwapo. Para sa kaniya, kapag naghahanap ng mapapangasawa, kailangang maganda ito sa paningin dahil paano ka naman matutulog sa iisang kama kung hindi mo gusto ang hitsura?

"Nababaliw ka na ba?" hindi makapaniwalang tanong ni Lindsay. "Sikat na male model si kuya. Sinasamba siya ng mga fans niya dahil sa kaanyuan niya. May mas gwa-gwapo pa ba sa mukhang iyon?"

"Meron…” Nakangusong sagot ni Phoebe.

"Anong pangalan niya? Gaano ba siya kagwapo? Akin na nga, patingin ng marriage certificate ninyo!" hamon ni Lindsay na hindi pa rin naniwala.

Nagkibit-balikat lang si Phoebe. "Kinuha niya, eh."

Doon na tuluyang napasapo sa noo si Lindsay sa labis na inis. "Siguradong con-artist ang lalaking iyon! Marami siyang alam na laro. Nakita niyang inosente at madali kang mauto, kaya sinadya niyang lumapit sa iyo, sinamantala ka, at ngayon ay ninakaw pa ang marriage certificate mo!"

"Hindi mo iyan asawa, manloloko iyan!" huling hirit nito.

Narinig ni Phoebe ang mga salitang iyon at biglang naitikom ang bibig habang malalim na nag-iisip.

Hindi ba ang usapan nila ay pananagutan lang ang nangyari sa pagitan nilang dalawa? Bakit sa mga salita ng kaniyang kaibigan ay lumalabas na isa siyang biktima na walang takbo ang utak?

Nalinlang nga ba talaga siya para makasal?

Pero napakagwapo talaga ng lalaking iyon... O baka naman mas mabuting lokohin ko na lang din siya pabalik?

Dahil likas na walang alalahanin sa buhay, niyakap na lang ni Phoebe ang braso ng kaniyang matalik na kaibigan at marahan itong niyanig.

"May makakain ba rito? Gutom na ako," paglalambing niya.

"Oo, nag-order ako ng extra spicy hot pot. Kakain tayo sa labas," sagot ni Lindsay.

Kahit panay ang sermon nito, halata namang labis nitong mahal ang kaniyang kaibigan kaya masigla niya itong hinila palabas para kumain.

Habang masaya silang kumakain, biglang umilaw ang screen ng telepono ni Phoebe. Isang bagong friend request mula sa Facegram ang lumabas doon.

Sulyap niya sa screen, nakita niya ang larawan ng isang asong Alaskan Malamute bilang profile picture nito, at may iisang titik lang na pangalan, AV.

May nakalagay na maikling mensahe sa ibaba.

It’s me, your husband.