CHAPTER 5

Callieyah Grabielle Suarez POV

The house is huge, and it's honestly more than enough for two people. Seryoso ba? Dito ba talaga kami titira for the rest of our lives?

"There's only one room..." Nangunot agad ang noo ko nang basagin niya ang katahimikan.

"...so don't waste your energy searching for another."

Are you freaking kidding me? Where am I supposed to stay then?!

"What do you mean?" I utterly hate the thought forming in my head right now. That can't be.

"So, we're sleeping together," she finally said. Ganoon lang ba kasimple sa kanya 'yun? Damn! Hinding-hindi ako papayag.

"That's not going to happen!" Naikuyom ko ang palad ko sa matinding inis.

"It's your Dad's idea." Tinalikuran niya na ako, kaya sumunod ako.

"At pumayag ka naman?!"

Hindi niya ako pinapansin. "I'm talking to you, Luna!" napasigaw na ako. Saka lang siya tumigil at hinarap ako.

"We're married, Calli. What do you expect?"

Her eyes looked so tired of dealing with me. Those eyes said everything I needed to hear.

Ang bigat bigat ng dibdib ko. Hindi maipinta ang mukha ko. Paanong sa kanya, napakadali lang ng lahat, samantalang ako ay hirap na hirap sa sitwasyon namin?

Hindi maproseso sa utak ko ang lahat. I can’t digest it—I can't even swallow the reality of it. Hindi mag-sink in sa buong sistema ko.

"Do you even like me?" Pinasadahan niya ako ng tingin dahil sa tanong ko.

Bumuntong-hininga lang siya. "I'm tired, Calli. Let's not make it a big deal."

Lalo akong nainis. Lahat ng ito ay big deal! It's about our future... MY FUTURE!

"Luna!!" yamot kong sigaw, pero nagpatuloy lang siya sa paglakad.

"You're staying here," sabi niya nang makapasok kami sa master's bedroom. Napalibot ang mga mata ko sa napakaaliwalas nitong interior. "...I'm staying in the study room." Napatingin ako sa isa pang pintuan na pinasukan niya. It's like a secret room with a hidden door.

Napatango-tango ako, biglang nabunutan ng tinik sa dibdib. Hindi ko na maisip kung paano siya matutulog doon, pero bahala siya sa buhay niya. Ano namang pakialam ko? Problema niya na 'yun. Pwede naman siyang maglatag sa sahig o kaya magtayo ng tent. It's up to her. Malaki naman 'yung study room niya.

"Feel at home. I have to go now." Umalis siya nang hindi man lang ako tinatapunan ng tingin.

Fine. At least solo ko ang buong bahay. I can invite my friends over. Pero bago ko pa man magawa 'yun, biglang dumating si Dad.

Yamot pa rin ako sa kanya, kaya hindi ko siya makuhang tignan.

"You're still mad at me," untag ni Dad. Hindi ako kumibo. Magsasayang lang din naman ako ng lakas kung makikipagtalo pa ako sa kanya.

"One day, you'll thank me, iha."

Hindi mangyayari 'yun. At para saan? Ngayon pa lang, nagsisimula nang maging miserable ang buhay ko. Paano ko pa makakatagpo ang prince charming ko kung nakatali na ako sa isang babae?

Naluha ako, but I didn't let it define me. Immediately, I wiped my tears away to hide them from Dad. He won't see me suffering.

...But until when can I endure everything that is being served on my plate?

Dumating ang mga kaibigan ko nang maghahapon na. Naging abala agad sila sa pag-ikot dahil agaw-pansin naman talaga ang aesthetics ng bahay.

"So, where's the master's bedroom?" usisa ni Dee, kaya sa kanya napunta ang attention ng dalawa.

"Me too, I wanna see it," hayag ni Chloe, kitang-kita ang excitement sa mga mata niya. Ganoon din si Eve. Sana all na lang happy, 'di ba?

Yamot ko silang dinala sa nag-iisang kwarto rito.

"Your father is real cruel, huh," komento ni Dee nang maikuwento ko na isa lang ang kwarto sa kabila ng laki ng bahay na ito.

Nagkibit-balikat si Chloe. "And so what if you guys sleep in one bed? As if naman makakabuo kayo." Gusto ko siyang sapakin sa sobrang casual ng pagkakabiya niya noon.

Siya na lang kaya ang pumalit sa pwesto ko?!

"Your wife is so gorgeous, Gabbi," puna naman ni Dee habang abalang sinusuri ang kabuuan ng kama. Lumapat ang palad niya sa kalambutan nito. "How does it feel when this one shakes?!"

Isang mapaglarong ngiti ang gumuhit sa mukha niya, na sinundan pa ng panunukso ng dalawa sa tabi ko. Habang ako naman ay napasimangot na nang todo dahil nakukutuban ko ang tumatakbo sa mga utak nila.

Ang dudumi talaga!

Napangiwi ako at napaiwas ng tingin. Tila nagtaasan ang mga balahibo ko sa katawan sa kilabot.

"Ewww!!" biglang lumabas sa bibig ko. Nagtawanan lang sila at ginawa pa akong entertainment.

"You're still a virgin, Gabbi. Why don't you lose it to her? After all, she's your wife."

"Yuck!" Lalo akong kinilabutan. Ayoko sa mga iniisip nila.

"Paano kapag nag-demand siya sa'yo?" This time, seryoso na ang mukha ni Eve. Nag-aabang naman ang dalawa sa isasagot ko.

Kunot-noo ko pa ring sinalubong ang mapanuri nilang tingin.

"Anong demand? We're not a real couple, guys, kaya tigilan niyo nga ako." Tumalikod ako at naglakad palabas ng kwarto.

Buti naman at sumunod sila, dahil baka itakwil ko na silang lahat bilang kaibigan.

"It's your duty as a wife to fulfill those needs, Gabbi."

"Ugh! Shut up, Chloe!" Gigil na gigil akong nagtungo sa kitchen para kumuha ng malamig na tubig. Ang init na ng mukha ko sa mga pinagsasabi nila!

"Sige ka, baka maghanap 'yun ng ibang magpapainit sa kanya sa kama," pahabol pa ni Dee, na mas nagpamadali sa aking makarating sa kusina.

Sa huling patak at lunok ng tubig ay saka ko inilapag ang baso sa table nang medyo pabagsak. Tumambad agad ang mga mukha ng tatlo sa harapan ko, nakangiti nang nakakaloko.

"I invited you guys here para damayan niyo ako, tapos ganyan kayo." Nagtatampo akong tumalikod at nagpunta sa likuran ng bahay.

Nakita ko ang malawak na pool, at napangiti ako sa biglang naisip. Mabuti pang magpalamig dahil sobrang init na ng panahon—at ng ulo ko.

I don't know how it happened, pero lahat ng damit at gamit ko ay maayos nang nakalagay sa walk-in closet ng kwarto. For sure, si Dad na naman ang may gawa nito. Balak niya talaga kaming patakbuhin ang pagsasamang ito.

Pinahiram ko ng swimwear ang mga kaibigan ko para masimulan na ang pool party namin. Nagkakasiyahan kaming naliligo habang umiinom ng wine. Nagpa-deliver na rin kami ng food via Foodpanda.

"Paano nga kapag nag-demand siya sa'yo?" Heto na naman si Eve, binalikan talaga ang topic kanina na ayokong-ayoko namang pag-usapan.

"She's bi, Gabbi, and you are totally hot..." si Dee naman ang pumalit sa eksena. "Hindi siya tao kung hindi siya mabighani sa ganda at kasexyhan mo."

Sandali namang nag-isip ang utak ko sa sinabi niya. Napailing na lang ako at uminom mula sa wine glass ko.

"I'll just remind you guys that this is not a love marriage, okay?" Para kasi nilang nakakalimutan ang importanteng detalye na 'yun.

Nagkibit-balikat si Chloe sabay sip din sa kanyang wine. "Sabi mo eh. Let's see after a week, months, and years of being together."

"No man is an island," dugtong pa ni Eve.

"Lalamig ang mga gabi niyo. Malulungkot kayo, and soon, you'll be needing each other's touch," mahabang litanya naman ni Dee.

Napatanong na lang ako sa sarili ko kung paano ko ba sila naging kaibigan.

Argh... nakakainis! Sa mga conclusions nila, mas lalo kong naramdaman na magiging mas miserable pa ang buhay ko sa mga susunod na araw.