CHAPTER 24

“Janine? Anak?”

Unti-unti kong minulat ang aking mga mata kahit pakiramdam ko ay mabibigat pa ang talukap nito. Wala namang pasok ngayon pero bakit umagang-umaga ay may nambubulabog sa tulog ko.

“Po?”

Tamad na tamad kong binuksan ang pinto habang nakabalot pa sa kumot ang katawan ko. Agad na bumungad sa akin ang naka-cross arm ko pang tatay.

“Bakit po, papa?" pagtatanong ko.

“Fix yourself and we're having a special meal today. Make sure to wear a decent clothes, anak.”

Kunot-noo ko siyang tiningnan. “Bakit po? Anong mayro'n?”

“Nakalimutan mo na bang birthday ngayon ng mama mo?” tunog ‘di makapaniwalang tanong niya. “Maligo ka na dahil baka dumating ang ang bisita ng mama mo. Alam kong hindi pa kayo nagkakaayos pero nakikiusap ako na sana'y i-trato mo siya ng maayos ngayong birthday niya. Mahal na mahal ka ng mama mo kaya sana'y gano'n ka rin,” aniya.

“Opo, papa.”

Nang makaalis si papa ay agad kong tinungo ang bathroom. Hindi ko akalaing makakalimutan ko ang espesyal ba araw n