Chapter 17

Tahimik na nakaupo si Lyla sa pang-isahang sofa at ganoon din si Lucifer sa kabila. Parehong masama ang tingin sa isa’t isa habang si Blade ay prenteng nakaupo sa tabi ng kanyang mommy at kumakain ng popcorn na para bang nanonod ng entertainment show.

Habang ang kanilang mga magulang na si Hades at Shirley ay nakatayo at salit-salitang nakatingin sa kanilang dalawa ni Lucifer. Walang ni isa sa kanila at nagbabalak na basagin ang katahimikan. Wala rin siya sa mood na magsalita dahil baka puro pagmumura lamang para sa binata ang lalabas sa kanyang bibig.

“Hindi na kayo bata,” saad ni Shirley. “You’re already an adult so please act like one. Kung may problema kayo sa isa’t isa, address it in a calm conversation. Hindi ‘yung nagbabasagan kayo ng ulo na parang mga teenagers.”

Humagikhik si Blade dahilan para mapatingin siya rito. She bit her lower lip. Gusto niya itong sipain. Halatang nang-aasar ito sa kanila dahil ngumisi lang ito sa kanya. Mahina namang napailing ang kanyang mommy sa ak