CHAPTER 6

CHAPTER 6

JEALOUS?!?

Nagsimula na rin ang meeting dahil kami na lang pala ang hinihintay dito sa conference room. May mga kapitan ng barko pa talaga kaming kasama, hindi ko na kailangan itanong dahil halata naman sa mga suot nila.

Kasama rin namin ang nagpakilalang representative ng Europa Yachts. Hindi ko alam sobrang pogi rin pala ng isang ‘to, kung hindi ko lang siguro gustong gusto si Jeo ay baka sa kanya na lang ako nahulog.

“Can you stop looking at him? You’re future husband is right beside you,” masungit na sita nito kaya naman napaayos ako ng upo.

“Kaya bawal na ako magkagusto sa iba? May equality na ngayon, Jeo kaya hindi lang dapat ikaw ang may ibang mahal no,” sagot ko pabalik kaya mas lalong sumungit ang mukha nito.

“Whatever, do you job,” utos nito kaya wala na akong nagawa.

Baka kapag mas lalo ko siyang binwisit ay hindi ko na ma-explore ang mga yate dito sa Europa Yachts. Sayang naman ang pagpasok namin kung sandali lang kaming mananatili rito.

Pagkatapos ng meeting ay maayos naman ang deal sa pagitan ng DISAM Industries at Europa Yachts. Isa rin ako sa tuwang tuwa sapagkat palagi na akong makakakita ng mga yate at galing pa talaga sa isa sa pinakamagaling at matagal ng kumpanya sa Pilipinas.

“Let’s go, pupunta pa tayo sa fitting ng gown mo,” maikling aniya at nauna ng naglakad papunta sa sasakyan niya.

“Jeo! Isa lang please, titignan ko lang yung pinakamalaki,” pakiusap ko sa kanya habang magkadikit pa ang dalawang kamay ko.

“Kanina ka pa nang-uusisa sa mga yate na ‘yan! Kaya tara na!” seryosong saad ni Jeo kaya wala na akong nagawa kundi sumunod sa kanya papunta sa sasakyan niya.

Habang naglalakad wala akong ibang ginagawa kundi busugin ang mata ko sa mga yateng nasa harapan ko. Kung hindi lang kami baon sa utang ay mas uunahin kong bumili ng yate kesa bahay e. Mas gusto ko pang tumira sa dagat at maghanap ng isla para doon matulog.

“Aray!” sigaw ko ng bumunggo ako sa likod ni Jeo. Hindi ko napansin na huminto na pala siya paglalakad.

Kitang kita ko pa ang lipstick ko na dumikit sa coat niya. Pupunasan ko sana ito ng bigla naman siyang humarap kaya binaba ko na lang ang kamay ko.

“Sorry,” hingi ko ng paumanhin dahil nakikita ko na naman ang mukha niyang parang sasabog na naman sa galit.

“Fine, just 10 more minutes, Ysobelle. Pagkatapos nun ay pupunta na tayo sa boutique,” aniya kaya naman hindi ko na napigilan ang sarili kong tumalon sa sobrang saya.

“Thank you! Thank you talaga, Jeo,” tuwang tuwa kong sigaw hawak-hawak ang dalawa niyang kamay at tumatalon sa gitna ng daan.

Mabilis akong tumakbo sa isa sa napakalaking boat nila rito. Worth it naman yung pagkakauntog ko sa matigas niyang likod kase paikot ikot na ako sa loob ng mamahaling yate na ‘to.

“Imamanifest ko na sa susunod, ako na ang captain ng yacht na ganito,” pagdadasal ko habang hinahangaan ang napakagandang yacht na ito.

“You must really have to work harder, Ysobelle. Hindi lang maliit na halaga ang ilalabas mo sa ganitong bagay,” saad ni Jeo habang nasa likod ko lang siya at nagmamasid.

Parang hindi man lang naaantig ang puso ng isang ‘to kahit sobrang ganda na ng boat sa harapan namin.

“Syempre naman, pero matagal tagal pa yun mangyayari,” natatawang saad ko.

Tuluyan na rin kaming umalis sa Europa Yacht dahil gumagabi na rin. Tumuloy na rin kami sa boutique na sinasabi ni Jeo.

“I like this na, super simple lang pero ang ganda,” ani ko at pinakita kay Jeo ang damit na nakasabit sa dulo ng rack.

“Find another one, Ysobelle. That’s her choice of wedding dress also,” wika ni Jeo at hinablot ang wedding dress na pumukaw sa atensyon ko.

Maging sa wedding dress, pareho pa rin kami ng choice?