CHAPTER 7

CHAPTER 7

HUSBAND AND WIFE

Nawala na rin ako sa mood at pinili na lang ang sinuggest ng designer. Muntik ko ng makalimutan na kontrata lang pala ang nag-uugnay sa aming dalawa kaya bakit ba sobrang invested ako sa pagpili ng wedding dress?

“Wear that tomorrow, bukas na ang kasal,” malamig na aniya at mabilis na humarurot ang sasakyan niya paalis.

Ang galing! Kung kailan pa talaga birthday ko.

“I pronounce you husband and wife!” maligayang wika ng Judge.

Lahat ay masaya bukod sa lalaking nasa tabi ko. Kahit nasa harapan lang ang judge ay panay ang tingin niya sa kanyang telepono.

“Sorry, Jeo.” bulong ko kaya naman napatingin siya sa akin.

He smiled. But why did it shatter my heart? Alam kong kung hindi inuna ni Kaela ang career niya wala dapat ako sa tabi ni Jeo.

“No, after a year she will be back. Maiintindihan niya naman ‘to, Ysobelle,” mahinang wika ni Jeo.

It stung— akala ko magiging numb na ako sa tuwing mas hahanapin niya si Kaela. Pero kahit ikinasal na kami, siya pa rin pala ang nasa isip ni Jeo.

“G-gusto kita, Jeo!”

“Higit pa nga yata don. H-hindi ba pwedeng kahit s-subukan mo? Kahit ngayon lang iparanas mo naman sakin na akin ka,” nagmamakaawa kong bulong.

Alam kong pinapahiya ko lang ang sarili ko sa harap niya. Una pa lang ay nasa kontrata ng bawal siyang mahalin pero heto ako at nagmamakaawa para bigyan niya ng kaunting atensyon.

Kaunting atensyon lang naman ang gusto ko mula sa kanya. Kahit sa araw ng kasal namin ay si Kaela parin ang gusto niyang makasama.

Ang sakit, sobrang sakit naman mahalin ng taong may ibang minamahal Lord!

“You're crazy! Hindi mo ako pwedeng pigilan para lang sa walang kwentang seremonyang ito!” sigaw niya na ikinabato ko sa mismong kinatatayuan ko.

Walang kwenta? Hindi ko alam kung anong mas masakit. Yung alam kong hindi niya ako kayang mahalin o yung katotohanan na walang silbi ang kasal na ito para sa kanya.

“Alam ko naman yun, Jeo! P-pero kahit ngayon lang, magpakita ka naman sa pamilya ko. A-ano na lang ang sasabihin ko sa kanila? Na kailangan mong umalis kase nagmamaktol si Kaela?” tanong ko sa kanya kaya napailing na lang siya habang umiigting ang panga niya.

Alam kong hindi niya nagustuhan ang sinabi ko pero bago pa siya tawagan ni Kaela, tumawag na siya sa ‘kin.

5 hours ago******************

Ang ganda ng gising ko kasi bumungad ba naman sa mukha ko ang wedding gown na susuotin ko ngayong araw. Ngayon din pala ang kasal namin ni Jeo, pakanta-kanta pa ako habang naliligo.

Nahinto lang ng biglang tumawag ang babaeng matagal ng hindi nagpaparamdam at mas pipiliin kong hindi na magparamdam.

Sinagot ko ang tawag para sabihan siyang huwag ng tumawag kahit kailan pero natulos ako sa kinatatayuan ko dahil sa sinabi niya.

“Akala mo ba magiging masaya ka kase ikakasal ka kay Jeo?” tanong nito na ikinabato ko habang nasa harap ng salamin.

Masyadong maganda ang mood ko para lang sirain ng isang katulad niya. I let her speak. Hanggang dun lang naman ang kaya niyang gawin.

“How can I not be happy, Kaela? My long time crush has finally asked my hand for marriage,” wika ko pero halakhak lang ang natanggap ko mula sa kanya.

“Really? He never like you, Ysobelle! He actually disgusts that behavior of yours. Gusto niya yung mahihinhin at mababait,” aniya na kaya siya naman ang tinawanan ko.

Hindi ko naman masisisi kung ganito ako pinalaki ng mga magulang ko. Maingay, matapang pero mapagmahal. At kahit kailan hindi ko babaguhin yun, dahil pinalaki kaming hindi nangangailangan ng tagapagligtas.

“Ah, kaya ikaw ang nagustuhan? Kase lahat ng kailangan mo sa kanya mo pinapabili? He must be blind then, ichecheck ko sa honeymoon namin. Iuupdate kita don’t worry,” pang-aasar ko sa kanya pero I was hurt knowing he does’t really like me.