Chapter 2: THE BIDDER

"I'm offering a bid!" nagtaas ng kamay naman ang isang matandang, naka-itim na jacket at may sumbrero na pang-cowbow, may tungkod pa. "2.1 million."

"I would like to place my bid too..." Napatingin naman siya sa kanan banda, isang matanda na naman na halatang mayaman ang nakataas ang kamay doon. "2.5 million pesos!"

May mga naghiyawan, at mas lalo siyang kinakabahan. Napakurot na siya sa kuko niya. Parang gusto niyang tumakbo pabalik sa backstage or sumigaw ng tulong sa tiyahin niya.

"I'm bidding, 3 million pesos!" may sumigaw naman na nasa dulo lang.

"I would like to place a competitive bid, 3.7 million pesos!" boses babae ang sumigaw, nasa bandang kaliwa lang iyon at inaaninag niya kung sino. Pero sa boses nito, parang boses tomboy. Tomboy siguro iyon.

Marami ring napatingin roon kaya nagrason ito, "I'm interested in her!" Puro English ang naririnig niya, buti na lang naintindihan niya ang salitang interested in her.

Hindi niya masyadong maintindihan ang buong linya na sinasabi ng mga ito, lalo na ang sinasabi ng host, kasi mahabang English iyon, pero naintindihan niyang nagpapataasan ang mga bidder ng presyo.

Natatawa ang host sa agawan ng mga ito sa kaniya, at pinuna pa ang babae. "3.7 million for this woman!"

"I would like to place my bid too, 4 million pesos!" boses lalaki iyon, nasa bandang likuran ito, nasa hanay ng babae.

Pero hindi niya makita, kung sino o kung ano ang mukha nito. Lumaban ang babae. "4.5 million pesos!"

Lumaban ang matanda sa kanan. "5 million pesos!"

Maraming napa-oh sa offer nito. Nagsalita ang lalaki sa likuran, "5.5 million pesos."

Para siyang ginto na pinag-aagawan sa Auction na ito. Lumakas lalo ang ohh ng ibang bidder. Lumaban ang babae, "Fine, 6 million pesos."

"7 million pesos!" agaw agad ng matanda.

"10 million pesos!" sabay na sigaw ng mga lalaki sa likuran. Para bang may mga kasama pa ang mga ito para isigaw ang presyo na iyon.

10 million na, sigurado na iyon na halaga niya at maraming napanganga, sumigabong pa ang palakpakan.

Pagkatapos ng 10 million na iyon, wala nang may nagtaas ng kamay. "10 million pesos, give her to me!" boses ng lalaki.

Parang hindi naman halatang matanda iyon. Lumakas ang dibdib niya, sa 10 million pa rin ang isip niya.

Hindi lang gagaling ang nanay niya, yayaman pa ito. Gusto niyang maiyak at sa isip niya...

'Ito ang pera na para sa'yo talaga, Nay. Mag-ingat ka ha, regalo ko to sa'yo, kahit di mo ako mahal. Basta pagaling ka.' Okay lang kahit hindi iyon naririnig ng nanay niya.

Gumalaw ang spotlight para sa mga bidder ay tumutok ito sa nakatayong nag-offer ng sampong million.

Napa-ohh ang host at tumawa. "10 million pesos, is there anyone else who will compete?"

May sumigaw ulit, pero hindi gaano kalakas. "10.1 million pesos!" Parang nag-aalangan pa.

"Sir, 10 million?" tanong ng host sa nag-offer ng 10 million.

"10.5 million pesos," sagot nito, lumalaban pa rin.

"Sir, 10.1?" tanong ng host tiningnan ang matanda.

Nagtaas ito ng dalawang kamay bilang pagsuko at saka umupo na lang.

"Mahalia Ramirez has been sold for 10.5 million pesos by..." Huminto sa pagsasalita ang host at nakita niyang may lalaking lumapit sa lalaking tinututukan ng spotlight.

Naghintay ang host habang sinasabi, "He's a fresh face among the bidders in this auction, so before we proceed, we kindly ask him to share his name. We're delighted to have you here, sir, and we sincerely appreciate your visit..."

Huminto ulit ang host at pabalik na ang lalaking nagtanong ng pangalan ng lalaking iyon.

Maya-maya nagsalita ang host, "Okay, now...Mahalia Ramirez, 20 years old, is now sold to a half-filipino half-Italian guy named Mr. Matteo Marco Elioconti! Congratulations, Mr. Elioconti, this flower is yours."

"H-Half..." bulong niya at kabadong-kabado. Nakita niya ang lalaking umalis na sa pwesto nito at naglalakad papunta sa kaniya sa entablado.

Tuloy-tuloy lang ang palakpakan, at may lalaki naman na lumapit sa kaniya. Staff dito sa Auction at hinawakan siya sa braso. "Halika na..."

"A-Ahm..." parang ayaw niyang humakbang pero hinila na siya nito. Muntik pa siyang madapa dahil sa panginginig ng paa niya at mataas pa ang takong ng sapatos niya.

Para bang simpleng hakbang lang niya, hindi niya maramdaman ang sahig dahil sa kaba niya.

Bumaba sila sa stage at nagsalita ulit ang host, tinatawag ang kasunod na ibi-bid. Sobrang nanunuyo ang lalamunan niya habang papalapit ang lalaki.

Half italian ito, at nag-aalala siya baka englishero ito, hindi siya marunong sa English. Good morning, good afternoon, good evening and yes sir, bet na bet lang naman ang alam niya.

May mga naintindihan siyang ibang English pero shempre kapag malalim mahina na ang utak niya don.

Pero anong magagawa niya ngayon? Binili na siya nito at nang makalapit na ito sa kaniya sa baba ng stage, laglag panga naman siyang napanganga.

Hindi nga matanda ang nanalo sa kaniya. Bata pa ito, at hindi lang basta bata pa kundi, gwapo. Sobrang gwapo, matangkad nga lang at mukhang magmumukha siyang baston nito.

Katulad ng inaasahan niya, nang nakatayo na ito sa harapan niya, hanggang leeg lang nito ang mukha niya. May heels pa siya niyan, kung wala siguro pang dibdib nito ang mukha niya.

"Sir, can we now proceed upstairs for the final transaction?" tanong naman ng lalaking lumapit, halatang mayaman din. Parang boss.

"Sure," sagot ng lalaking Italyano na bumili sa kaniya pero hindi naman siya binati nito. May pagkamasungit.

Napalubo na lang siya ng bibig at nagpatulis ng nguso, pero parang gusto niyang tumalon sa tuwa, shempre hindi siya napunta sa matanda.

Umalis ang mga ito sa harap niya, at hindi na naman niya alam ang gagawin. Napatingin na lang siya sa mga matatandang bidder na nakatingin sa kaniya.

Ang iba parang naghihinayang dahil hindi siya nakuha, at ang iba naman napailing na nagpatunog pa ng dila.

Para siyang natutunaw sa sitwasyon na iyon. Pero kung mayroon man siyang gustong gawin iyon ay ang makita muna ang tiyahin niya.

Humakbang siya para hanapin ang daan papunta sa backstage maliban sa ibabaw ng entablado pero may lalaking humarang sa kaniya. "Let's wait Matteo in the car, follow me," anito.

Umalis ito sa harap niya, siya naman nanatiling nakatayo na napapanganga kasi kahit itong lalaking ito ay gwapo rin.

Parang pormang pang-JS prom ang porma nito tapos ang tangos ng ilong, kapal ng kilay pero mas gwapo pa rin iyong lalaking Italyano.

Bigla itong huminto at nilingon siya. "What are you waiting for? I said follow me," ulit nito.

"H-Ha? S-Sabi mo hintayin natin ang sasakyan ni ano..." Napakagat siya ng labi, paano kasi, yon ang naintindihan niya sa English nito.

"Really?" sarkastikong tanong nito. "Dito? Hintayin mo ang sasakyan niya?"

Napatingin siya sa buong paligid. Shempre hindi makakapasok ang sasakyan sa loob ng Auction. Pero ang sabi niya, "D-Diba iyon ang sabi mo?"

Napaiwas ito ng tingin, tila narealize na kulang pala siya sa kaalaman at tumikhim na lang. "Ang sabi ko, sumunod ka sa akin, hintayin na lang natin si Matteo sa sasakyan. Gets na?"

Napatangu-tango siyang sinabi ang salitang, "Ahh...yun pala iyon. Marunong ka naman pala magtagalog, bakit ka nag-eenglish? Hindi ko tuloy gets."

"Ahh... hindi ka marunong mag-english?" tanong nito. Umiling siya at ang sabi nito. "Paktay ka kay Matteo."

"Luhh bakit?" Kinabahan siya.

Sumagot ito. "Magwawala iyon kapag hindi ka marunong mag-english, 10.5 million ka pa naman, tapos hindi ka pala marunong mag-english, bully pa naman iyon. Kailangan mag-english ka talaga mamaya para ligtas ka, kasi kung hindi ewan ko na lang."

"H-Ha?" maang nalang niyang tanong.