Kabanata 29

"Ang totoo po niyan, mayroon nga po akong nagugustuhang babae." Mahiya-hiyang ani ni Ethan sa dalawang ginang.

"Naku, sabi ko na nga ba e! aber sino naman kaya itong masuwerteng dalaga na bumihag sa puso ng binatilyo natin?" pabirong saad nito sa kaniya. Ngumiti lang ang binata at sandali siyang napalingon sa kinaroroonan ni Mara.

Tila napansin naman iyon ng dalaga kaya kaagad din niyang tinakpan ng kumot ang kaniyang mukha. Pero hindi naman siya gaanong pinansin ni Ethan at binalewala lang siya nito.

"O siya, Ethan. Iwan mo na kaming dalawa rito at baka may iba ka pang gagawin. Nga pala, wala ka bang pasok ngayon?" tanong ni Aling Tere sa kaniya. Bigla tuloy napatingin ang binatilyo sa relo niya at napatayo siya nang mapagtantong mahigit dalawang oras na pala siyang late sa klase niya.

"Naku, oo nga po pala! nawala tuloy sa isipan ko na napadaan nga lang po pala ako rito. Sige ho, maiwan ko na