Kabanata 11

“Good morning, ma’am and sir, kasalukuyan pong under observation ang pasyente.” Balita ng doktor kina Lalaine.

Napabitiw na sa pagkakakapit si Lalaine sa binata at humingi ng paumanhin, “pagpasensyahan mo na ako, Juaquin, dala lamang ito ng aking damdamin. Hindi ko makakaya kung sakaling mawawala sa piling ko ang aking ina,” paliwanag niya sa binata.

Hinaplos ni Juaquin ang ulo ngg dalaga na siyang ikinagulat nito, “okay lang na ipakita mo ang kahinaan mo sa panahong kailangan mo ng masasandalan. I am always here and willing to let you lean on my shoulder,” seryosong sabi ni Juaquin.

Natulala si Lalaine sa mukha ng binata ngunit habang nakatitig siya sa malaanghel nitong mukha ay siya namang bilis ng kabog ng kanyang dibdib. Kumurap siya ng paulit-ulit ngunit hindi nawawala ang kakaibang liwanag na nakikita niya sa mukha nito.

“Bakit? Anong nangyari sa mata mo? Napuwing ka ba?” Agad inilapit ni Juaquin ang kanyang labi malapit sa mata ng dalawa at hinipan ang kanyang mata, napapikit s