Kabanata 18

Umorder si Juaquin ng maraming pagkain sa kantina tapat ng paaralan ng mga batang huling kasama ni Lalaine habang pinaghihintay ang kanyang assistant sa mga bata.

Hindi alintana sa kanya ang pagod at pagkabagot sa init ng panahon habang naghihintay sa mga nasabing estudyante sa picture magkaroon lamang ng lead kung saan niya maaring makita si Lalaine dahil hindi niya ito matawagan o makita ang mga post sa social media.

Ilang sandali pa ang lumipas ay nagdatingan na ang mga estudyante kasama ang kanyang assistant.

“Sir, ito na po sila,” sabi ni Ced na kanyang assistant.

Kabadong nagtinginan ang mga estudyante sa isa’t-isa na para bang nagtataka at iniisip kung may mali ba silang nagawa o naoffend ba nila si Juaquin sa kanilang post.

Napansin naman ni Juaquin ang takot na reaksyon ng mga bata kaya ngumiti siya, “I know what you are all thinking pero wala kayong nagawang mali,” paliwanag niya.

Naglakas loob na magsalita ang isa sa kanila, “kung wala po kaming nagawang mali, ano po ang gi