Epilogue (Part II)

Linggo na ngayong araw kaya wala akong pasok. Kapag linggo kasi'y itinutuon ko talaga ang pansin ko sa kambal ko. Ayokong maramdaman nilang pinapabayaan ko sila at ayoko silang makaramdam ng pangungulila sa kanilang ina dahil masiyado akong naging tutol sa trabaho.

Ngayong araw ay pupunta kami sa Mall dahil kasama namin si Calvin at Katherine. Malaki na ang anak ng dalawa, halos binata na nga ito at ngayon lang nasundan ng isa pa.

Mamimili ang mga ito ng mga gamit para sa kanilang baby girl, at gustong isama ni Calvin at Katherine ang kambal.

Susunduin kami ngayon nina Calvin sa bahay, kaya excited na excited ang dalawa dahil makakagala sila ngayong araw. Isang busina naman ang narinig namin mula sa labas kaya mabilis na tumayo ang kambal at tumakbo palabas ng bahay para salubungin ang tito Calvin nila.

Sinundan ko naman ang kambal. Paglabas ko'y nasa loob na kaagad ng sasakyan ang dalawang bata, kaya napangiti ako dahil sa kakulitan nito.

“Mukhang excited ang kambal ah, mas naun