Totoong Balatkayo

 

 

Sikat ng araw ang sumilaw at nagpagising kay Limuel. Pagmulat ay gumuhit ang kaunting sakit sa ulo niya. Napabalikwas ng bangon ang binata sabay higa ulit sa kama. Nahihilo pa siya at may kulo sa tiyan niya na hindi niya gusto. Hinintay muna ni Limuel na unti-unting mawala ang discomfort na nararamdaman, Maya-maya ay dahan-dahan na itong bumangon.

 

“Sh*t!” sabi ni Limuel nang inalala ang mga nangyari kahapon. Ano nga ba ang nangyari? Vivid ang memorya niya hanggang sa makarating siya sa kwarto nila. He knew he messed up, but did he do something beyond? Matapos makarating sa kama hindi niya na maalala paano siya nakatulog pero alam niyang nagpalit pa siya ng T-shirt.

“This is not how I planned this,” bulong ni Limuel habang sapo ng dalawang kamay ang masakit na ulo. Na foresee na niya ang mga posibilidad nang una palang sinabi ng tita Yasmin ni Tala ang pagpunta nila sa Almaraia. Walang takot si Limuel sa gagampanan niyang role bilang asawa ni Tala.