The Princess Bride

 

 

“Ang ganda ganda mo, matutuwa ang mama mo kung makikita ka niya ngayon,” sabi ni Dalisay habang inaayos ang belo ni Tala. Nakasuot siya ng trahe de boda. Mabilisan lang ang pagpaplano ng kasal nila sa simbahang kristiyano.

 

Si Limuel ang may gusto nito, gusto nitong pakasalan si Tala sa tamang edad at para mapatungan ang memorya na nagpakasal ito sa isang bata. Bilang asawa ay sumunod na lang si Tala sa gusto ni Limuel at hindi naman siya nagsisisi. Tama si Limuel, gusto niyang ikasal sa lalaki sa ganitong paraan.

 

Halika na, umpisa na,” sabi ni Yasmin na sumilip sa kanila.

 

Sumikdo ang puso ni Limuel nang makitang naglalakad palapit sa kanya ang asawa. It feels right. Hindi kagaya nung una nilang kasal, iba ang pakiramdam niya, hindi siya kumportable. Ngayon ang feeling ni Limuel kapag kasama niya si Tala bilang asawa niya, kaya niyang harapin kahit anong pagsubok o problema, at matutupad niya ang lahat niyang pangarap, ang pangarap nilang d