Chapter 33: Unexpected

Prinsesa Atyrrah POV

Wala akong magawa kung hindi manatili sa aking silid. Nakaupo sa malambot na katre habang nakatingin sa madilim nang langit mula sa aking kinauupuan.

Tatlong araw ang lumipas matapos ang pagkawala ng Ginoong Natanyel ngunit sariwa pa rin sa aking isip. Parang kanina lang nang makita ko ang malagkit at pulang likido na tumagas sa kaniyang katawan. Parang kanina lang nang makita ko siyang nakahiga sa maputi at malambot na katre na may namumutlang mukha. At parang kanina lang nang makita ko siyang nakangiti sa akin. 

'Paano ko maibabalik iyon?'

Tumulo muli ang aking luha ngunit sa pagkakataong ito, hindi ko iyon pinunasan. Hindi ko na pinigilan ang aking emosyon. Bakit ko pa itatago kung ako lang naman ang narito? 

"Malas ka! Simula dumating ka sa buhay ko, na-letse na ang lahat! Lahat ng kamalasan, dinala mo sa bahay! G*go ka! Ang tanga ko para patirahin ka sa bahay ko! Ang tanga mo sa lahat ng bagay, ang bobo mo! Sana