CHAPTER FIVE

"Ilang taon na ang nakaraan simula umalis si Kuya Tommy, kumusta na kaya siya ngayon? Wala pa kaya siyang balak magbalik-bansa?" tanong ni Tan-Tan sa ina.

Isang umaga na nadatnan niya itong naglilinis sa bahay ng young master nila. Kung tutuusin ay hindi ito marumi dahil wala namang gumagamit pero nakasanayan na rin nilang araw-arawin itong linisan. Ang dahilan nila ay hindi nila alam kung kailan ito darating. Kahit anong oras man na susulpot ito kagaya ng bigla nitong pagsulpot sa rancho ilang taon na ang nakaraan ay malinis ang kabahayan.

"Tama ka, anak. Isang taon pa ang bubuuin mo sa iyong pag-aaral, tangi kong dasal ay makauwi siya bago ka matapos. Kami ang magulang mo pero siya ang gusto naming kasama mo sa entablado. Kahit sa ganitong paraan man lang ay makabawi tayo sa kaniya," tugon naman ni Aling Tina.

"Opo 'Nay, alam kong matutuwa siya kapag malaman niyang malapit na akong magtapos. Ano pala ang balita sa Yaya ni Kuya?" muli ay tanong ni Tan-Tan.

"Bukod sa tumanda na rin ay