"BAKIT naman kasi nagpaulan kang bata ka? Ano bang pumasok sa isip mo? Alam mo namang malamig ang panahon ngayon at uso ang mga nagkakasakit."
Dahan-dahan kong iminulat ang mga mata ko at saka ko nakita ang alalang-alalang mukha ni Tita Divine— ang mama ni Sheena. Anong nangyari? Ang naalala ko lang ay umuwi akong basang-basa at saka ko kinausap si Sheena. "A-ano pong nangyari?" dahan-dahan kong tanong.
"Nawalan ka ng malay, hija. Nakita ko na lamang ay nakabulagta ka sa sahig diyan sa salas." Pinunasan ni Tita ang mga braso ko ng malamig na bimpo.
Nagpalinga-linga ako at napatingin sa orasan. Alas-singko na ng umaga. Sinubukan kong bumangon pero dulot ng panghihina ay hindi ako nagtagumpay.
"Magpahinga ka na lamang, Rose. Huwag ka nang pumasok tutal naman ay Biyernes na ngayon."
"S-si Sheena po?"
"Nandoon sa baba kumakain na. Bakit, may kailangan ka sa kapatid mo?"
Napaiwas ako ng tingin saka umiling. "Pakisabi na lamang po ay mag-ingat siya pagpasok."
Tipid akong nginitian ni Tita saka iniwan sa kwarto ko. Nang masarhan ang pinto ay saka ako bumuntonghininga ng ilang beses. Malinaw na malinaw sa alaala ko ang sinabi ni Sheena sa akin kagabi.
"Bakit panay ang sorry mo? Natauhan ka na ba at nakonsensiya sa mga kalandian mo?"
Hindi ko maintindihan.
Galit ba siya sa akin? Halos tampalin ko ang noo nang mapagtantong halata na naman ang sagot sa tanong ko.
Galit siya sa akin dahil nalaman na ni Angelo ang totoo? Ganoon ba? Hindi ko maintindihan kung bakit magagalit siya sa akin kung 'yun nga ang dahilan. Wala naman akong ginawa para malaman ni Angelo ang totoo. Kinunsinti ko pa nga siya sa panloloko niya sa inosenteng tao.
Bumigat ang talukap ko at hindi ko na namalayang nakatulog na ulit ako. Naimulat ko na lamang ang mga mata ko nang may kumatok sa pinto ng kwarto ko.
"Rose, may bisita ka!"
Nanlaki ang mga mata ko matapos marinig iyon kay Tita. Nagtalukbong ako ng kumot sa sobrang kaba. Sino naman ang bibisita sa akin? Hindi kaya...
Si Onyx?!!
Nagsalubong ang mga kilay ko. Tinanggal ko ang nakataklob sa aking kumot saka tiningnan ang taong bumisita kuno sa akin. Handa na sana akong tapunan ng masamang tingin ang bisita pero natigilan ako nang makitang hindi si Onyx iyon.
"A-angelo? Anong g-ginagawa... mo rito?"
Lumapit siya sa akin dala ang basket ng mga prutas ata at isang boquet ng daisy. Ipinatong niya iyon sa aking study table saka umupo sa silya din malapit doon. Pinakatitigan niya ako habang ako ay nanlalaki pa rin ang mga mata.
Tumingin ako sa orasan at nagulat nang makitang alas siyete na ng gabi. Pero diba't Biyernes ngayon at may acquaintance party?
"Anong ginagawa mo rito?"
"Bumibisita, hindi ba halata?"
Sinamaan ko siya ng tingin. Wala akong mahanap na salita. Napaka-insensitive niya. Ano na lamang ang iisipin ng kapatid ko? Alam niyang gusto siya ni Sheena tapos gan'to?
"Ba't hindi ka um-attend ng acquaintance party? Kailangan ka roon dahil SSG officer ka," tanong ko. Kung wala lamang akong modo ay kanina ko pa siya pinaalis. Hindi ko maintindihan kung bakit kailangang pahirapin pa niya ang sitwasyon para sa akin.
"Mas gusto ko rito."
Mata sa mata ay tiningnan ko siya. Natigilan ako nang makita roon ang sinseridad. Hindi ko maintindihan.
"Galit na sa akin si Sheena. Galit na sa akin... ang k-kapatid ko." Napaiwas ako ng tingin nang maramdaman ang pagdaloy ng luha sa pisngi.
"Anong gusto mong gawin ko? Magpanggap na gusto rin siya? Mas lalo yata siyang masasaktan kung ganoon ang gusto mong mangyari."
Sinamaan ko ng tingin si Angelo. "Alam mo kung anong gusto kong gawin mo? Tigilan mo ang nararamdaman mo para sa akin. Hindi totoo iyan. Hindi totoong magmamahal ka ng isang anonymous writer. Hindi 'yun posible."
Kita ko ang pagkabigla sa hitsura ni Angelo. Sumobra ba ako? Pero tama lamang ang sinabi ko. Hindi posibleng magmahal siya ng taong ni hindi niya kilala at maski anino ay hindi pa nakikita.
"Naiintindihan kong hindi mo ako gusto, but don't invalidate my feelings. Please, just let me show you that I'm sincere."
Nagtalukbong ako ng kumot. "Iwan mo na ako, Angelo. Gusto ko nang magpahinga."
Dinig ko ang pagbuntong hininga niya at ang pagtunog ng mga hakbang. Nang marinig ang pagsara ng pinto ng kwarto ko at saka ko lamang tinanggal ang kumot na nakatalukbong sa mukha ko.
Kinuha ko ang nakapatong na cellphone sa lamesang malapit din sa akin saka iyon kinutingting. Bakit hindi pa ako tinatawagan ni Nanay? Araw-araw ay tumatawag siya sa akin pero ikalawang araw na itong wala siyang paramdam. Napailing na lamang ako. Baka naman busy na pag-aalaga ng mga anak ng amo niya.
Sinubukan kong tumayo pero panay ang nginig ng tuhod ko. Hindi ako makakilos ng maayos dahil panay ang pagsakit ng mga braso ko pati na rin ang likod. Nahirapan mang bumangon ay nagtagumpay pa rin ako.
Dahan-dahan akong bumaba ng hagdan habang ang mga braso ay iniyayakap sa sarili. Saktong pagtuntong ko sa huling baitang ng hagdanan ay siyang pagbukas ng pintuan. Iniluwa nito si Sheena. Bahagyang nanlaki ang mga mata nito nang makita ako.
Napakaganda niya sa suot niyang pulang dress at sa kaniyang make-up. Ang kaso ay bakit maaga ata siyang umuwi? Hindi ba't hanggang alas diyes ang acquaintance party?
"Sheena..."
Inirapan ako nito saka ako nilampasan paakyat ng hagdanan.
"Galit ka ba sa akin?" tanong ko. Sinundan ko siya paakyat ng hagdan. Hindi ko siya mahabol dahil sa panghihina pero pinilit ko pa ring abutin ang braso niya.
"Sheena, pag-usapan naman natin kung galit ka. Hindi ko gustong magka-away tayo." Panay ang hila ko sa braso niya pero panay din ang hila niya rito pabalik.
"Pagod ako. Huwag mo 'ko guluhin, please lang."
Hindi pa rin ako natinag. Patuloy kong hinila ang braso niya.
"Tumigil ka na." May halong pagbabanta ang tinig nito. Pero hindi ako natatakot. Mas lamang sa akin ang kagustuhang magkaayos kami. Inaamin kong minsan ay hindi maganda ang tabas ng dila ko pati na rin sa kaniya pero...
...ayoko ng ganito.
"Sheena..."
"Sinabi nang tama na!" Humarap si Sheena sa akin at saka itinulak ang kamay kong panay hila sa braso niya. Napalakas ang pagkakatulak niya kaya agad akong nawalan ng balanse. Sinubukan kong humawak sa railings pero dumulas lang ang kamay ko.
Napapikit na lamang ako nang maproseso ang nangyayari.
NANG imulat ko ang aking mga mata ay sa isang hindi pamilyar na lugar ako naroon. Pulos puti. Hindi ako ganoon kamangmang para hindi mahulaan kung nasaang lugar ako. Napangiwi naman ako nang makaramdam ng kirot sa bandang likod ng ulo pati na rin sa batok ko. Animo'y hinahati ang ulo ko sa dalawa. Napaihip na lang ako nang maramdaman pa rin ang sakit.Napatingin ako sa gilid ko. Naroon si Tita Divine at nakasubsob sa tagiliran ko. Nang igalaw ko ang braso ko ay saka ito pabalikwas na bumangon. "Hija, ano bang nangyari? Ang sabi ni Sheena ay nadulas ka raw sa hagdan. Mag-iingat ka sa susunod." Napahawak sa sintido niya si Tita Divine.Bumukas ang pinto ng kwarto kung nasaan ako. Iniluwa nito si Sheena na may dalang mga plastik ng pagkain ata. Hindi ko alam kung ano ang laman ng mga plastik dahil hindi naman ito transparent."Dapat ay sinabi mo na lang sa kapatid mo kung anong kailangan mo para siya na lamang ang na
"Ayos ka lang, Rosanne?"Bumalik ako sa ulirat nang marinig iyon mula sa katabi ko. Halos masampal ko ang sarili. Ba't ba ako nagkakaganito?"Gusto mo na bang magpahinga?" tanong niya ulit, kitang-kita ang pag-aalala sa mga mata.Hindi ako umimik, natulala na lamang ako sa kawalan habang kinikiliti ang dibdib ng mga senaryong pumasok sa utak ko kanina. Napaiwas na lamang ako ng tingin nang magtama ang paningin naming dalawa. Umiling ako nang maraming beses, umehem, at saka umayos ng pagkakahiga sa kama."Kung kailangan mo nang magpahinga ay aalis na muna siguro ako, tatawagin ko na lang si Tita--""Hindi." Nagulat ako sa sarili ko nang biglaan kong putulin kung anuman ang sinasabi niya.Nagugulumihanan akong tiningnan ni Onyx, kitang-kita sa nakakunot niyang noo at medyo naniningkit niyang mga mata. "Ano?"Napaiwas ako ng tingin. "D-Dito ka lang muna."Dahan-dahang nabanat ang mga
ILANG oras nang wala si Sheena matapos niyang umalis kanina. Hindi pa rin mawala sa isip ko ang mga nakita ko sa mga mata niya. Poot. Ganoon na ba katindi ang galit niya sa akin?Napailing ako habang pinagmamasdan ang buong kwarto. Nagpaalam si Tita Divine kanina na lalabas lamang siya saglit pero ilang minuto na ang nakalipas ay wala pa rin siya. Matunog akong bumuntonghininga. Matapos iyon ay tumunog ang pinto at bumukas dahilan para lingunin ko.Iniluwa nito si Sheena. Halos gumewang sa paglalakad habang lumalapit sa akin. Mapula ang pisngi nito at singkit na ang mga mata. Salubong din ang mga kilay nito't parang sibat ang paningin na tutusok sa mga mata mo kapag nilabanan."Okay ka lang, Sheena?" agad kong tanong.Umirap ito. "Tss. Tigilan mo nga iyang kakaganiyan mo. Huwag ka nang magkunwaring mabait. Tayo lang naman ang nandito. Alam naman nating dalawa kung ano ang tunay na kulay mo." Halos mabulol na ito pagsasalita, hindi
"MAGSISIMBA lang ako sa bayan, bantayan mo 'tong kapatid mo, Sheena. Kailangan pa niyang magpahinga para magtuloy-tuloy na ang paggaling.""Yes po,'Ma. Ingat po kayo. Anong oras po kayo babalik?" tanong ni Sheena habang nagsusuklay ng buhok sa harap ng salamin."Mamayang hapon din. I-text ko kayo kapag nakarating na ako roon. Ingat kayo dito!" Matapos iyon ay lumabas na si Tita ng pinto at naiwan kaming dalawa ni Sheena sa salas. Ilang minutong wala sa aming nagsasalita.Gusto ko sanang sumama kay Tita pero sigurado namang hindi niya ako papayagan. Ipagpipilitan niyang kailangan ko pa ring magpahinga kahit ayos na ayos naman na ang pakiramdam ko. Naigagalaw ko na nga nang normal ang leeg ko tulad ng nakasanayan. Hindi na ako nahihirapan pang igalaw ito."Nagugutom ako, Rose," imik ni Sheena out of the blue.Taka ko 'tong tinitigan. "May pagkain naman diyan, eh.""Gusto ko bagong luto. Gosh, I'm cravi
KINABUKASAN, nagpumilit ako kay Tita. Gustong-gusto ko nang pumasok dahil baka may ma-miss akong subjects, baka mahirapan ako makahabol. Noong una ay ayaw niya pero sa paglalambing ko'y pumayag din naman.Sinundo ako ni Onyx. Nasalubong pa nga namin si Angelo na balak din pala akong sunduin. Ang sabi ko na lamang ay si Sheena ang isakay para hindi masayang ang pagod niya pagmamaneho papunta sa amin. Pero ayaw niya pumayag kaya hindi ko na pinilit."Hindi ka pumunta sa bahay," imik ko kay Onyx habang bumibiyahe kami papuntang school."Ha? Totoo ba 'to o nananaginip lang ako?" natatawang tanong ni Onyx."Anong pinagsasasabi mo diyan?""Ba't parang nagiging clingy ka na ulit sa akin?"Nagsalubong ang kilay ko sa sinabi niya. Umirap pa ako bago ibinuka ang bibig. "Kalimutan mo na nga lang. Mas mabuti ngang hindi ka nagpunta para hindi ka nakapanggulo doon."Malulutong na tawa ang narinig ko kay On
"ANO ba ang naisipan mo at pumunta ka doon?" tanong sa akin ni Tita matapos naming makarating sa bahay.Matapos nila akong makita sa mini-forest kanina ay sari-saring interogasyon mula sa guard at kay Tita Divine ang natanggap ko. Heto nga't may part two pa yata rito sa bahay. Wala akong nagawa kundi tumungo na lamang habang patuloy ang panenermon ni Tita."Hinahanap ko siya kanina, Mama, kasi uuwi na kami. Pero nakita ko siya kasama ng mga babaeng kasali sa gang."Nagsalubong ang mga kilay ko dahil sa sinabi ni Sheena. Nagbibiro ba siya? Siya pa nga ang nagpumilit sa akin na sumama ako sa mga babaeng hamog na iyon."Bakit mo naman gustong sumama sa mga iyon, ha, Rose? Gusto mo na rin bang mapariwara sa pag-aaral mo? Hindi pa ba sapat sa iyo ang pagod at sakripisyo ng nanay mo sa abroad para lang mapaaral ka?""Sorry po, Tita," nakatungo kong imik."Isa pa, kagagaling mo lang sa sakit! Paano kung mabinat k
"PINATAWAG kita, Ms. Oliveros, dahil nakarating sa akin ang ginawa mong pag-trespass sa private property located at the back of PNHS. Nakarating din ang ginawa mo sa mismong may-ari ng property na iyon," imik ng Principal sa akin."Napaliwanag ko na sa guard kung anong nangyari. May mga babaeng nagtulak sa akin doon. Kung ayaw niyong maniwala, wala na akong magagawa.""Miss Oliveros, wala kang laban sa kasong ito. May ebidensya doon, ang naiwang sapatos mo. Ngayon, kung ayaw mong kasuhan ka pa ng may-ari ng property na iyon, makipag-usap ka sa kanila."Hindi na ako nakaimik. Napatungo na lamang ako habang naghihintay ng kung ano pang gustong sabihin ng principal sa akin. Basta-basta na lang kasi ako nitong ipinatawag kanina."Darating ang mga Francisco mamaya, sila ang may-ari ng lupa kung saan ka nag-trespass. Nagawa ko na ang parte ko, pinakiusapan ko na sila na huwag ka nang kasuhan pa. Ikaw na ang bahalang kumumbinsi pa sa kani
"AKALA ko ba may lakad ka ngayon, Angelo?" tanong ni Jelay kay Angelo habang nakaupo kami sa sofa.Halos pahiga na ang pwesto ng pagkakaupo ni Angelo sa sofa habang nanonood ng TV. "Hindi na, tinamad na ako."Hindi ako makaimik. Maski si Onyx ay tahimik lang din sa gilid habang pinagmamasdan ang buong mansion."Ba't nandito iyan?" tanong ni Angelo saka tinuro si Onyx."Anong problema mo?" Nagsalubong ang kilay ni Onyx sa tanong niyang iyon. Napahawak ako sa braso nito at saka ko siya pinanlakihan ng mga mata. Magsisimula na naman, eh. Baka mamaya mag-away na naman sila nang wala namang katuturan."Inimbitahan ko sila rito, Angelo. You have a problem with that?""Wala naman, ate. Sana si Rose na lang ang dinala mo rito, sinama mo pa iyang asungot na iyan." Ngumiwi si Angelo at saka kumuha ng popcorn at walang gana iyong sinubo."Mas mabuting nandito ako para mabantayan ko si Rosanne mula sa iyo