Chapter 31

"SAAN ka galing, Rose?" tanong ni Tita Divine sa akin, oras na makita niya ako sa pintuan. 

Natigilan ako, hindi inaasahan ang tanong na iyon. "May inasikaso lang, Tita." 

Tumango-tango si Tita at saka tiningnan ako mula ulo hanggang paa. Napalunok na lamang ako sa paraan niya ng pagtingin sa akin. Akala ko ay may sasabihin pa siya pero tinalikuran lang niya ako saka siya dumiretso sa kusina. Nakahinga ako nang maluwag sa hindi ko rin malamang dahilan. 

Nakasalubong ko sa daan si Sheena pero ako na ang umiwas. Pagod na ako sa taong iyon. Tama na ang katarantaduhang ginawa nila ni Onyx sa akin. Hindi ko siya inaway, respeto na lang sa pagiging magkapatid namin. Pero hindi ibig sabihin niyon ay hindi ako galit. Galit na galit ako sa kanilang dalawa. 

Ngumisi si Sheena sa akin na lalong nagpakulo ng dugo ko. Alam na alam niya talaga kung paano ako inisin. 

Lalampasan ko na sana siya pero hinawakan niya ang braso ko dahilan par