Chapter 2-Friend or mistress

Nagtakip ng ilong si Leslie bago pa maka lapit si Amelia. "Anong amoy iyon? Ang baho!"

Napatigil sa pag hakbang si Amelia nang marinig ang sinabi ni Leslie. Alam niyang siya ang tinutukoy ng babae, mukha lang naman siyang madumi at pawisan pero alam niyang wala siyang hindi kaaya ayang amoy. Nakita niyang nangunot ang noo ni Liam, ngumiti siya at alam niyang ipag tanggol siya nito sa kaartihan ni Leslie.

"Kuya, mabuti na lang talaga at hindi mo itinira sa bahay ang babaing iyan at baka doon pa nagkalat ng dumi!" Mukhang nagusot din ang ilong ni Danica habang nakatitig kay Amelia.

Nakagat ni Amelia ang ibabang labi at nainsulto sa sinabi ng hipag. Pero mabilis niyang pinaalala sa sarili na hindi siya dapat paapikto dahil nariyan ang asawa na magtatanggol sa kaniya.

"Amelia, what kind of looks is that? Gusto mo ba talaga akong ipahiya sa bisita at sinadya mong ganiyang ang ayos mo?"

Bumagsak ang mga balikat ni Amelia at hindi makapaniwalang nakatitig sa asawa. Noon kapag nilait o ininsulto siya ng kapatid o ng sarili nitong ina ay nagagalit ito at aaluin siya. Nagyuko siya ng ulo dahil mas nasaktan sa sinabi ng asawa bago nagsalita. "Sorry, katatapos ko lang kasing mag linis ng guest room kaya—"

"Liam, I'm tired!" Malambing na ani Leslie sa binata upang hindi na nito pakinggan ang paliwanag ng babae.

Umawang ang mga labi ni Amelia habang pinapanood ang ginagawa ng asawa. Mabilis nitong binuhat si Leslie at umakyat sa hagdan. Hindi na nga pinakinggan ang paliwanag niya ay hindi pa siya pinatapos magsalita. At ngayon ay buhat pa nito ang ibang babae sa harapan niya mismo. Parang may tumusok na naman sa puso niya at nasaktan sa nakikita at saka sa trato nito kaniya dahil sa kaibigan nito.

"Amelia, huwag kang mag selos kung binubuhat ni Kuya si Leslie dahil hindi siya maka hakbang at hindi rin maaring itulak ang wheelchair paakyat."

Napalingon si Amelia kay Danica. Parang biglang sumakit ang ulo niya at dalawa ang kontrabidang dumating sa bahay nila. Pag tingin niya sa asawa ay tumigil ito sa pag hakbang sa hagdan habang buhat pa rin si Leslie.

"Amelia, samahan mo mamaya si Danica at gustong mag shopping ni Leslie upang may mag tulak sa wheelchair. "

"What?" Para siyang nabingi sa sinabi ng asawa. "I'm pregnant, babe!" Tutol niya agad.

"Hindi mabigat ang pagtulak ng wheelchair saka parang exercise mo na rin iyan dahil hindi maganda sa buntis ang laging nakahiga lang at upo." Paliwanag ni Danica at inunahan na ang kapatid dahil mukhang napaisip bigla.

"Tama si Danica, kailangan mo ng exercise saka hindi mabigat si Leslie dahil itutulak mo lang ang wheelchair niya." Tumalikod na si Liam at tumuloy sa pag pag akyat sa hagdan.

"Pero I am eight month pregnant at masilan ang pagbubuntis ko!" bulong ni Amelia at hindi na iyon narinig ng asawa. Mariing naglapat ang mga labi niya nang sumilip si Leslie mula sa balikat ng asawa niya at nang aasar ang ngiti nito sa kaniya. Pag tingin niya kay Danica ay alam niyang nakita rin nito ang ginawa ni Leslie pero mukhang natuwa pa sa kaibigan nito.

"I told you, siya ang tunay na mahal ni kuya. Panakip butas ka lamang nang mag transfer si Leslie sa ibang bansa."

Napahawak si Amelia sa armchair ng sofa at parang bigla siyang nanghina. Nakilala niya si Liam five years ago at noong mag college siya ay kaklase niya ito. Minsan na niyang narinig mula sa kaibigan nito noon na may childhood sweetheart ang binata pero nagkalayo dahil sa ibang bansa nag aral ang babae. At marami din nagsasabi na kamukha niya si Leslie kaya nabaling sa kaniya ang atensyon ni Liam ngunit binaliwala niya ang lahat ng narinig. After their graduation ay may nangyari sa kanila ni Liam at nabuntis agad siya kaya nagpakasal sila, sa huwes nga lang at ayaw sa kaniya ng kaanak ni Liam.

Ok lang naman sa kaniya noon kung ayaw sa kaniya ng ina at kapatid ng asawa, ang mahalaga ay mahal siya ni Liam at kayang panindigan. Ang akala niya ay tuloy tuloy na ang masayang buhay sa piling ng asawa. Pero mula nang bumalik sa bansa si Leslie ay nag bago na ang lahat. Wala nang time sa kaniya si Liam at hindi na rin siya ipinagtatanggol sa pamilya nito. Napatingin siya sa hagdan nang makitang pababa na ang asawa. Nasasaktan siya sa malamig na pakitungo na nito sa kaniya pero pilit niyang tinatago ang tunay na nadarama.

"Dito pansamantala titira si Leslie dahil naaawa siya sa akin na bumibeyahe ng malayo upang mapuntahan siya." Pauna na ani Liam sa asawa.

Sa halip na matuwa dahil magkaroon na ng mas maraming oras sa kaniya ang asawa ay lalo lamang nasaktan ang kalooban ni Amelia. Ang buong concern lamang ng binata ay nasa kay Leslie. Hindi manlang nito naisip kung ano ang maramdaman niya na kasama sa bahay ang babaing kaagaw niya sa puso nito. Mukhang proud pa ito at masaya dahil inaalala ito ni Leslie.

"Ang bait talaga ng kaibigan ko at ayaw niyang napapagod si Kuya kaya siya na ang nag sacrifice!" Nakangiting ani Danica.

Weird na napatitig si Amelia sa hipag niya. Sacrifice na ang tawag sa pagtira ni Leslie sa bahay nilang mag asawa? Parang baliktad at siya dapat ang sabihan ng ganoon. Puwede ba siyang tumutol sa nais ng asawa?

"Please take care of her habang wala ako." Bilin ni Liam sa asawa saka tumalikod na.

Hindi na nasabi ni Amelia ang laman ng isipan at itinikom na lang ang bibig dahil umalis na ang asawa. Ang bigat ng pakiramdam niya dahil para siyang naging tauhan sa sarili nilang pamamahay.

Nakangisi at mukhang naaawa na pinakatitigan ni Danica ang hipag nang wala na ang kapatid niya. "Ok ka lang?"

Mariing nag lapat ang mga labi ni Amelia habang sinaslaubong ang nang aasar na mga titig ng hipag. Kinakamusta siya nito pero nang iinsulto naman ang tono. "Kapag nagkaroon ka ng asawa at inuwian ka ng ibang babae ay itanong mo iyan sa iyong sarili."

Biglang nabura ang nang aasar na ngiting naka paskil sa mga labi ni Danica ar nainis sa naging sagot ng hipag. "Sorry pero hindi iyan mangyari sa akin dahil hindi ako tanga katulad mo!"

Malungkot na tumalikod na lang si Amelia. Gusto niyang mag pahinga at nakapang hina ang sama ng loob na nadarama. Tama naman kasi si Danica, tanga siya. Dapat noong nag aaral pa lang sila ay hindi siya nagbingi bingihan upang hindi siya tanga ngayon. Napabuntong hininga siya, hindi siya dapat ma stress dahil maapiktohan ang ipinagbubuntis niya. Ngunit hindi pa siya nakapag pahinga nang maayos ay kumatok sa silid nila ng asawa si Danica.

"Ano ang kailangan mo?" Pasigaw niyang tanong kay Danica dahil tinatamad siyang bumangon.

"Gutom si Leslie at gusto niya ng pasta carbonara kaya ipag luto mo siya!" Pasigaw na utos ni Danica.

"I'm tired, maraming pagkain sa ref." Hindi niya pinag buksan ang hipag. Totoong pagod siya dahil sa ginawa sa room ni Leslie. Mabigat din ang pakiramdam niya dahil sa sitwasyon niya ngayon.

"Bitch, open the door at ipagluto mo ng pagkain siLeslie!" Bulyaw na ni Danica kay Ameila mula sa labas ng p***o.

Hindi pinansin ni Amelia ang hipag. Tama nang naging tanga siya pero hindi siya magpapaalila. Magtitiis siya sa ngayon habang mahina pa siya dahil buntis. Kailangan niyang protektahan ang anak kahit ano pa ang mangyari.

Ilang ulit pang kinatok ni Danica nang malakas ang p***o at halos sirain ang door knob pero hindi sumasagot si Amelia.

"Danica, huwag mong pagurin ang iyong sarili." Pigil ni Leslie sa kaibigan.

"Pero hindi niya ako sinusunod at gawin ng tama ang trabaho niya!" Inis na ani Danica.

"Don’t worry, I will call your brother. Isang tawag ko lang ay tiyak na babalik siya." Kumindat pa si Leslie sa kaibigan.

Nasasaktan si Amelia sa mga naririnig mula sa dalawang nag uusap sa labas ng p***o niya. Sa lakas ng boses ng mga ito ay malinaw niyang naririnig ang lahat. Alam niyang ayaw sa kaniya ni Danice pero sobra ang trato nito sa kaniya. Katulong pala ang tingin nito sa kaniya. Lalo siyang nasaktan sa sinabi ni Leslie at para siyang sinampal sa mukha. Ayaw man niyang aminin ay totoo ang sinabi nito. Kahit kakauwi lang ng asawa niya ay nagmamadali itong umalis dahil tumawag si Leslie. Kahit sa gitna nang pagkain nila o pag tulog ay nagkukumahog ang asawa niya sa pag alis kapag si Leslie ang tumawag.