Abala sa pag-strum ng strings ng electric guitar si Zein nang tinawag siya ng guard ng resto-bar. Bumaba siya agad sa stage at nilapitan ito. “Bakit po?”
“May naghahanap sa’yo sa labas.”
Bahagyang kumunot ang kaniyang noo. Wala naman siyang inasahang bisita. “Sino raw po?” muling tanong niya.
Kinamot nito ang pisngi at ngumiwi. “Ayaw sabihin ang pangalan. Puntahan mo na lang daw siya.” Tumikhim ito at dumiretso ng tayo. “Manliligaw mo ba iyon, Zein?”
Mariin niyang pinadaan sa buhok ang kaniyang mga daliri at umiling. “Wala po akong manliligaw.”
“Hindi mo manliligaw ang batang iyon? Sayang, guwapo pa naman. Moreno at ang tikas ng katawan,” nakangising papuri ng guard. Ang mga mata nito ay parang nakakita ng mga sagot sa mga katanungan.
Suminghap si Zein. Mukhang alam niya na kung sino ang tinukoy ng matanda. Mahigit dalawang buwan na ang nakaraan nang sinabi ng binata na liligawan siya nito at tinotoo nga ni Amos. Lagi siya nitong pinadalhan ng mga bulaklak sa bahay at ng kung ano-anong regalo. Akala niya ay titigil na ito pero hindi niya akalain na aabot pa pala ang panliligaw nito hanggang sa trabaho niya. Iniwan na siya ng guard at bumalik na sa puwesto habang siya ay hindi mapakali. Nagdalawang-isip siya kung lalabas ba siya o hindi.
Hindi niya namalayan na inakbayan na pala siya ni Agnes. “You look tense. What’s wrong, Zein?”
“May bisita ako sa labas. Iniisip ko kung pupuntahan ko o hindi.”
Namamanghang tumingin ang dalaga sa kaniya. “Talaga? Lalaki o babae?”
Kumunot ang kaniyang noo. Hindi niya alam kung saan nakuha ng kaibigan ang tanong na iyon. “Lalaki?” nagtataka niyang sagot.
Suminghap siyang muli nang bigla na lang humarap sa kaniya si Agnes at hinawakan nang mahigpit ang kaniyang mga balikat. “This is your time to shine.”
“Ha? What do you mean?”
Bumuntong-hininga ito. “NBSB ka, right? Grab this opportunity.” Inalog siya nito kaya bahagya siyang nahilo. Inalis niya ang kamay ni Agnes sa kaniyang mga braso.
Kumuha si Zein ng bubble gum sa kaniyang bulsa at isinubo iyon. Hindi niya lubos maisip ang mga sinabi ng kaibigan. Hindi niya pa nga sinabi kahit kanino ang panliligaw sa kaniya ni Amos pero ang kaibigan niya, bumuo agad ng konklusyon.
“Hindi ko manliligaw… iyong nasa labas, okay? Wala akong manliligaw.”
“Are you sure?” Matiim na tiningnan siya ni Agnes dahil duda ito sa kaniyang mga sinabi. “I know you, Zein. This is the first time that there’s a man in your life aside from our male bandmates.”
Nginuya niya nang mabilis ang bubble gum at umiwas ng tingin. “Anong tawag mo sa daddy ko?”
Bago ang lahat para kay Zein. Nakipag-chat siya noong college siya pero hanggang doon lang iyon. Walang nanligaw sa kaniya. Walang nagparamdam sa kaniya kung paano ang magustuhan. Walang nagparamdam sa kaniya kung paano ang habulin kaya naman nabigla siya sa sinabi ni Amos sa kaniya. Hindi niya alam kung ano ang dapat isipin dahil kahit saan tingnan, rebound girl ang ganap niya. Gusto niya ng experience sa isang relasyon pero hindi maganda kung sa ganoong pagkakataon niya hahanapin iyon.
“There’s a difference, okay? I just want you to explore new things.”
Kunot-noong tiningnan ni Zein si Agnes. Hindi niya alam kung ano ang pinaghugutan ni Agnes sa mga ideyang iyon. Ilang sandali pa ay hinila siya ng kaibigan palabas ng resto-bar. Nagpatianod na lang siya dahil kailangan niya rin namang harapin si Amos.
Nasa parking area na sila at napaawang na lang ang bibig niya nang makita si Amos. Pinasadahan niya ito ng tingin. Para lang itong simpleng college boy. Nakasuot ito ng hapit na black shirt na nagpakita ng muscles nito. Ngayon niya lang rin ito nakitang nakasuot ng cargo pants at rubber shoes. Ang shades nito at ang kuwintas na dream catcher ay mas lalong nagpalakas ng dating nito pero parang may mali sa lalaki.
Anong nakain niya at all black ang peg?
Nawala ang atensiyon niya kay Amos nang maramdaman ang kamay ni Agnes sa kaniyang baba. “Laway mo, tumutulo.” Pinalis niya agad ang kamay nito. Natawa ang kabanda niya sa reaksiyon niya. Kumunot ang noo niya nang marinig ang pagtawa ng lalaking kaharap.
Inalis nito ang shades nito at malawak na ngumisi. Parang nalaglag ang puso niya sa ngiting iyon at sa mga oras na iyon, inamin niya na ang pilit niyang itinanggi noon. Guwapo talaga ang lalaki!
“For you.” Inabot sa kaniya ng binata ang isang bouquet ng black roses. Kumunot ang noo niya at tiningnan nang maigi ang mga bulaklak na hawak.
Sinong matinong manliligaw ang magbibigay ng black roses?
“Ang haba naman ng hair. Ngayon mo sabihin sa akin na wala kang manliligaw,” nanunuksong bulong sa kaniya ng kaibigan.
Nakatulalang pinalobo niya ang bubble gum at hinayaan iyong pumutok. Narinig niya na naman ang pagtawa ng kaibigan.
Inabot ni Agnes ang kamay kay Amos. “Anyway, I am Agnes. I am Zein’s bandmate.”
Humigpit ang hawak niya sa bouquet nang ngumiti na naman ito. Kung wala lang ang mga ito sa harap niya, baka kinurot niya na ang sarili niya. Hindi niya maalis ang tingin sa mukha ng lalaki. Ang aliwalas ng hitsura nito kumpara nang mga nakaraang araw.
“I’m Amos. I am… Zein’s suitor,” wika nito at lumingon sa kaniya. Bigla na lang itong kumindat kaya napaiwas siya ng tingin. Mabilis niyang nginuya ang bubble gum.
“I’ll go inside. Ibalik mo na lang ang kaibigan ko mamaya kasi may rehearsal pa kami,” imporma ni Agnes sa lalaki. Pagkaalis ng kaibigan, inipon niya ang lahat ng lakas ng loob bago muling magsalita.
“What are you doing here?” tanong niya. Ibinalik niya ang bulaklak pero hindi nito tinanggap. Namulsa lang ito at ngumiti na naman.
“Darling, that’s yours. I’m here because I want to prove that I am serious about my proposal.”
Ginulo niya ang buhok niya dahil sa kakulitan nito. “Hindi nga ako pumapayag ’tapos itong bulaklak na ibinigay mo sa akin, bakit black?”
Bahagyang kinusot ni Amos ang ilong. “I thought you like black. You rejected those colorful things that I sent to your house so I assumed that you want something black. Nag-effort pa akong mag-black para match tayo tapos hindi mo pala nagustuhan.”
Nagpakawala siya ng malalim na hininga. “You don’t know me.”
Tiningnan siya nito ng may pagsusumamo. “Then, let me know you.”
Hindi niya kayang tagalan ang titig nito. Hindi siya madaling magtiwala sa tao pero may bahagi sa kaniya na gustong isugal iyon. Gusto niyang ipagkatiwala kay Amos ang bagong damdamin na idinulot nito sa kaniya.
“Babalik na ako sa loob. May practice pa kami,” paalam niya. Tatalikod na sana siya ngunit hinawakan nito ang braso niya. Kung wala siyang hawak na bulaklak, napasubsob na siguro ang mukha niya sa dibdib nito. Amoy na amoy niya ang panlalaking pabango na humalo sa natural nitong amoy. Napasinghap na lang siya nang lumapat ang kamay nito sa kaniyang ulo. Sinuklay nito gamit ng mga daliri ang kaniyang buhok. Bahagya niya itong tiningala at napigil niya ang kaniyang paghinga nang makitang seryoso ito sa ginagawa.
Ngayon niya lang ito napagmasdan nang mabuti. Hindi gaanong makapal ang mga kilay ni Amos pero ang ganda ng mga iyon na parang sadyang iginuhit. Ang mga mata nito ay hindi kalakihan pero may mahahabang pilik-mata. Napakatangos din ng ilong ng lalaki. Ang mga panga naman nito ay parang nanghalinang paglandasin ang mga daliri niya roon. Hugis pa lang ng mukha nito, nasabi niya na agad na hindi ito basta-basta natitinag. Dumako ang mga mata ni Zein sa mga labi nito. Medyo makapal iyon pero kitang-kita ang magandang hugis at ang natural na pagkapula.
Ilang sandali pa ay ibinaba na nito ang kamay at ngumiti sa kaniya. “I like the way you ruin your hair considering that I am the only one who can fix that using my fingers.”
Napalunok siya. Iyon lang ang mga sinabi ng lalaki pero may nagwala na sa dibdib niya. Parang may pilit na nagpumiglas ang puso niya dahil sa tuwa. “Amos…”
Napapikit ito at bahagyang humigpit ang hawak sa braso niya. “I also like the way you call me Amos.” Iminulat nito ang mga mata at sinalubong ang kaniyang tingin. Walang nagtangkang putulin iyon. Para bang sa pamamagitan ng simpleng kilos na iyon, naunawaan na nila agad ang kanilang mga damdamin.
“Let’s try this,” mungkahi niya. Bigla itong natigilan sa sinabi niya. Inalis nito ang pagkahawak sa kaniyang braso. Bumuntong-hininga siya. “Subukan natin, Amos. Kalimutan mo ang ate ko at huwag mo na siyang guluhin. NBSB ako at tulungan mo akong ma-experience kung paano ang magustuhan at—” Hindi niya naituloy ang kaniyang paliwanag dahil bumakas ang gulat sa mukha nito pero hindi maikaila ang kagalakan sa mga mata.
“Wait, Zein. What do you mean…?” nag-aalangang tanong nito.
Naghanap muna siya ng malapit na basurahan at idinura ang bubble gum. Huminga muna siya nang malalim bago humarap sa lalaki. “Oo na.”
“Oo na? Pumapayag kang manligaw ako?”
Hindi ba makuha ng lalaking ito sa isang sabi?
Inihampas niya sa dibdib nito ang bulaklak dahil sa inis. “Oo na. Pumapayag na akong maging girlfriend mo. Pumapayag na akong maging rebound —” Mahina siyang napatili nang yakapin siya ni Amos at bahagya siyang binuhat. Basta na lang nitong ibinagsak sa kalsada ang mga bulaklak. “Amos, ibaba mo ako!”
Humalakhak lang ito kaya hindi niya maiwasang mapangiti. Nang hindi sinunod ni Amos ang kaniyang sinabi, agad niya itong sinuntok nang malakas sa balikat. Nabitiwan siya agad ng lalaki. “Darling, ouch!”
“Hindi mo ako darling!” singhal niya rito pero tumawa lang ito.
Ilang sandali pa ay inabot nito ang mga kamay niya at ginawaran ng magaang halik. “Thank you.” Niyakap siyang muli ng binata.
Dahan-dahan siyang gumanti ng yakap kaya nahigit niya ang hininga nang mas higpitan pa nito ang yakap. “I know that you know that… I am not still over with my past relationship. Help me, Zein. Help me heal my broken heart. Can you do that for me?”
Nagpakawala siya ng malalim na hininga at marahang tumango. Alam niyang komplikado ang sitwasyon nila pero gusto niyang subukan ang mga iyon kasama si Amos. Gusto niyang maranasan ang mga bagay na ipinagkait sa kaniya tatlong taon na ang nakararaan at sa puntong iyon, sinunod niya na ang kaniyang damdamin.
Kanina pang hinihintay ni Amos ang nobya sa labas ng gymnasium kung saan magaganap ang basketball game sa pagitan ng mga streets sa Kiki village. Tinawagan niya si Zein para siguraduhin ang pagpunta nito pero wala pa ang dalaga. Hindi niya alam kung bakit big deal sa kaniyang nandoon ang babae sa laro niya pero isa lang ang sigurado niya. Gusto niyang lagi itong nakikita.Two weeks pa lang ang relasyon nila at wala pa naman silang naging problemang mabigat ni Zein. Totoo ang sinabi niyang gusto niyang kalimutan si Zelda at malaking tulong ang kaniyang nobya para magawa iyon kaya nagkaroon siya ng mithiing mas makilala pa ito. Masaya siya sa piling ng dalaga. Hindi niya tuloy naiwasang magkumpara. Mas masayang kasama si Zein kaysa sa kapatid nito. Walang limitasyon o kahit na anong pumigil sa kaniya para ipakita kung ano siya kapag kasama ito. Natural lang lahat ng pinakita niya samantalang noong sila pa ni Zelda, magandang katangian niya lang ang pinakita niya rito dahil inisip niyan
Tawa nang tawa si Zein sa loob ng kotse ni Amos dahil kanina pa ito nakabusangot. Dapat ay nasa venue sila kung saan ginanap ang victory party para sa pagkapanalo ng Gamski street sa basketball game subalit nasa entrance pa lang sila, agad nag-ayang umuwi si Amos. Maganda naman ang salubong ng mga kaibigan ni Amos sa kanila pero nabigla na lang siya nang isa-isang sininghalan ng kasintahan ang mga kaibigan. Hindi nito matanggap na nabura ang kiss mark na ginawa niya kanina sa pisngi nito. Gigil na gigil ang kaniyang nobyo at gustong malaman kung sino ang may gawa ng bagay na iyon pero tinawanan lang ito ng mga kaibigan. “Tumigil ka na nga. Ang pangit mo na,” panunukso niya pero ganoon pa rin ang reaksiyon nito. Gusot na gusot ang mukha nito at diretso lang ang tingin sa daan. Mahina siyang tumawa. “Amos, kiss marks lang iyon. Para kang isip-bata.” Nanlaki ang mga mata nito na para bang isang napakalaking kamalian ang kaniyang mga sinabi. “Anong kiss mark lang? That’s the first time
Nagsalubong ang mga kilay ni Amos nang makitang full storage na ang gallery niya. Nakaupo lang siya sa pang-isahang sofa habang si Zein at ang kaniyang mommy ay nasa mahabang sofa sa living room. Ilang beses niyang kinuhanan ang kaniyang sarili pati na rin si Zein na abala sa pakikipag-usap sa kaniyang ina. Gusto niya kasing may maiwang alaala ang gabing iyon. Kahit gusto niyang habang buhay na manatili ang kiss mark ng kasintahan, wala siyang magagawa. Napangiti na lang siya at umiling.So gay... Tumayo si Amos at lumapit sa mga ito. Hindi nakaligtas sa kaniya ang gumuhit na ngiti sa mga labi ni Zein habang pinagmamasdan ang mga larawan niya noong bata. Kinamot niya ang kaniyang kilay nang mas lumawak pa ang ngiti nito.“Mommy, pahiram ng camera mo.” Inagaw niya sa mga ito ang photo album at ipinatong iyon sa center table.“Baby, why?”“Mommy!” Kinusot niya na lang ang ilong niya. Hindi pa rin pala tumigil ang kaniyang ina sa pagtawag sa kaniya ng baby.“What?” mahinahong tanong nit
Pagkalabas ng banyo ni Zein, biglang tumunog ang cellphone niya. Nakatapis lang siya ng tuwalya kaya inayos niya iyon para hindi mahulog. Dinampot niya mula sa ibabaw ng kama niya ang cellphone at tiningnan ang message ni Amos. What should I wear?Natawa si Zein nang mahina. Sasama si Amos sa kaniya mamaya sa resto-bar. Ipakikilala niya na kasi ito sa kaniyang mga kaibigan dahil si Yvette pa lang ang nakaalam ng relasyon nila. Napangiti siya nang maalala ang reaksiyon nito nang sinabi niyang handa na siyang ipakilala ito sa mga kaibigan niya. Nataranta ang lalaki at panay ang tanong kung anong magandang suotin at dalhin sa mga ito. Tila haharap ito sa pinakaimportanteng tao sa bansa dahil sa naging asal kahapon. Tumipa si Zein sa keyboard ng kaniyang cellphone. Mag-gown ka!Inilapag ulit ni Zein sa kama ang cellphone. Kinuha niya ang blower at sinimulang patuyuin ang buhok. Nang matuyo ang buhok niya, pumunta siya sa cabinet niya at naghanap ng damit na masusuot. Isang gray na v-nec
Napangiti si Amos nang makitang palapit sa kaniyang table si Zein. Tumayo siya at sinalubong ito ng halik sa pisngi. Inatras niya ang katabing upuan at inalalayan itong umupo bago siya umupo sa sariling upuan. Nasalubong niya ang masamang tingin ni Lester na kabababa lang ng stage. Nang-uuyam siyang ngumisi rito. Inalis niya ang tingin sa binata at lumingon sa dalagang katabi. “Hindi ka ba naiinip?” nagtatakang tanong ni Zein sa kaniya habang nginunguya ang bubble gum sa bibig. Sinulyapan nito ang baso ng iced tea na kanina niya pang ininom. “You didn’t order food. Baka mamaya ay sisihin mo ako at sabihing ginugutom kita. Mangisay ka na riyan.” Natawa si Amos dahil sa pagiging seryoso ng nobya. Inilagay niya ang braso sa balikat nito at hinila palapit sa kaniya. “Hindi ako maiinip,” gigil na sabi niya pero kabaliktaran naman iyon sa ginawa niya. Marahan niyang hinaplos ang buhok ni Zein. “Talaga?” Tumango siya. “Darling, you’re amazing. Ibang-iba ka sa stage. I like the way you p
Kanina pang nakaharap sa desktop si Zein. Hindi pa siya kumakain pati na rin ang kaniyang team ng lunch dahil kailangan pa nilang ayusin ang mga naka-assign sa kanilang trabaho para sa pelikulang ginagawa ng company para sa buwang iyon. Limang buwan na ang nakararan simula nang maging video editor siya sa kompanyang pinapasukan. Sa tulong ng koneksiyon ni Amos, nagkaroon agad siya ng trabaho. May kaibigan kasi ito sa Gamski street na nasa industriya ng showbiz kaya ini-recommend siya nito sa kompanyang iyon. May koneksiyon din naman ang kaniyang ate pero hindi niya na lang ito inistorbo dahil busy ito sa trabaho. Sinabi niya na lang na may tumulong sa kaniyang isang kaibigan kaya madali siyang nakahanap ng trabaho. Pinuntahan siya ni Zelda isa o dalawang beses sa isang buwan. Walong buwan na sila ni Amos at hindi niya pa rin nasasabi sa kaniyang ate ang tungkol sa kanila ng kasintahan. Laging masaya si Zelda kapag nasa bahay nila sa Mapski street subalit nakita niya ang lungkot sa
Kapapasok lang ni Amos sa loob ng gymnasium dala ang box ng cake nang may tumamang bola sa kaniya. Itinaas niya agad ang cake kaya sa tiyan niya tumama iyon. Masama ang tingin na bumaling siya kay Denny.“What the heck?! Muntik mo nang masira ang cake para kay Zein!” sigaw niya sa kaibigang tumatawa. Gustong ibato ni Amos pabalik sa lalaki ang bola pero mas inisip niya ang safety ng cake. Parang tumaas ang lahat ng dugo niya sa ulo nang tumawa rin ang iba niyang kaibigan. Nandoon ang lahat ng kaibigan sa birthday at monthsary nila ni Zein subalit hindi talaga mawala ang pang-iinis ng mga ito sa kaniya.Pumunta si Amos sa lamesang pina-assemble niya kay Yvette at maingat na ipinatong ang box ng cake. Napangiti siya nang maalala ang plano niya. Gusto niyang maging espesiyal ang araw na iyon para sa kanilang dalawa. Sigurado na siya sa damdamin niya. Mahal niya na si Zein. Sa walong buwan na relasyon nila, parang kay Zein umikot ang mundo niya. Ayaw niyang napapalayo sa babae. Gusto niy
Nakasampay ang mga binti ni Zein sa headboard ng kaniyang kama nang pumasok si Yvette sa kaniyang silid. Kanina pa siyang nakapikit subalit gising na gising pa ang diwa niya. Malapit nang mag-twelve pero gising pa silang magkaibigan. Ilang sandali pa ay naramdaman niya ang paglubog ng higaan niya.“Bengut, turn off the lights,” tamad na tamad niyang utos rito.“Later.” Naramdaman niya ang pagkilos nito. Naimulat niya ang kaniyang mga mata nang may dumamping malamig na bagay sa kaniyang pisngi.“What’s that?” kunot-noong tanong ni Zein sa kaibigan.Umirap si Yvette at itinapat ang isang plastic sa mukha niya. “Duh? Facial cream para sa’yo at para sa akin. Ang pangit mo na kasi. Ayoko ng best friend na pangit.”Ginantihan niya rin ito ng irap bago muling pumikit. Hinayaan niya na lang ang dalaga na lagyan siya ng headband. Guminhawa ang pakiramdam niya nang pahiran nito ng cream ang kaniyang mukha.“You look stress, Agiw?”Mahinang tumawa si Zein. “Stress pa ako sa lagay na ito? Wala ng