Chapter 35.1

Minulat ko nang kaunti ang mata ko at naramdaman ko kaagad ang sakit ng aking ulo. Napahawak ako sa noo ko at agad ko ring nilayo ang kamay ko dahil parang napaso ako nito. Ramdam ko rin ang panghihina ko, may sakit ba ako? Hinawakan ko naman ang leeg at ang kili-kili ko upang malaman kung mainit ba 'ko, at kung masakit ba talaga ang ulo ko dahil sa sakit o sa hangover lang naman ito?

"Aray..." mahinang daing ko dahil sa tindi ng sakit ng nararamdaman ko. Narinig ko ang mahinang yabag mula sa ilabas kaya mabilis akong umayos at nagtulug-tulugan. Pumasok ang pamilyar na presensya, si Louis 'yon. Kahit papaano ay may naramdaman akong saya sa puso ko dahil alam kong narito na siya.

Tahimik lang siyang lumapit sa akin at narinig ko ang pagbuhos ng tubig at unti kong minulat ang mata ko para makita ang ginagawa niya. Mayroon siyang bimpo at maliit na palanggana na mayroong lamang tubig at may yelo rin doon, amoy na amoy ko pa ang alcohol na sigurado ay nilagyan niya 'yon doon sa maliit na