Chapter 35

" Hija, tumahan ka muna. Bakit ka ba umiiyak?" Hinila ako ni Mamshie paupo sa sofa. Si Dely ay kumuha ng isang baso ng tubig sa kusina. Pinainom nila ako.

Si Juancho ay nakatayo sa tabi ng pinto. Nakapamulsa at nakamasid lamang sa amin.

"Mamshie...p-patay na si Garett...h-hindi na niya ako masasaktan," humihikbing sagot ko.

Hinagod-hagod ni Mamshie ang likod ko.

" Naguguluhan ako sa'yo, hija. Kumalma ka muna."

Humigit ako ng malalalim na hininga. Nang makaramdam ng pagkalma ay sinimulan ko ang pagsalaysay kay Mamshie. Mula sa pagkidnap sa akin ni Garett, sa mga naging pagbabanta nito, sa mga kademonyohan na ginawa niya sa akin hanggang sa mahulog ako sa yate at mapadpad rito sa isla. Idinetalye ko ang lahat. Tahimik silang nakinig. Ang mga mukha nila ay nakikisimpatiya.

"Ang saklap naman ng nangyari sa'yo, hija!Ngayon ay naiintindihan ko na kung bakit ganyan ka kalungkot. Diyos ko! Bakit may ganyan kasamang tao? Bagay lamang sa kanya ang masunog sa impyerno."

"Pero ngayon, pat