Kabanata 7

“HA?” Naguguluhang sabi ni Lovi.

Akala kasi ni Lovi na papagalitan siya nito.

Pwede ko kaya siyang tanggihan ngayon? Hindi naman siguro niya ako isisante ‘pag tinanggihan ko ang alok niya, ‘di ba?

Magsasalita na sana si Lovi nang biglang tumunog ang kanyang tiyan.

Nakangisi siyang sinulyapan ni Easton bago ito umupo. “Halika na. Sabayan mo na akong kumain. Saka, gutom na ang dragon mo sa tiyan.” tukso nito sa kanya.

Napapikit at napabuntong-hininga na lamang si Lovi sa sobrang kahihiyan. Dinampot niya ang kutsara sa may ibabaw ng babasagin na mesa at umupo siya sa tapat nito.

Today, she was wearing loose casual pants paired with a half-high collar short-sleeved T-shirt. Her lazy bun was kind of messy, but it made her look very sexy. Minsan nga ay napapatingin sa kanya si Easton.

“Bakit ka nakatingin sa akin ng ganyan? May dumi ba ang mukha ko?” Nagtatakang tanong niya rito nang mahuli niya itong nakatitig sa kanya.

Ngumiti sa kanya si Easton. “Nothing.”

“Iniisip kaya niyang patay gutom ako?” tanong ni Lovi sa kanyang sarili nang mabilis niyang inubos ang kanyang pagkain.

“Are you full?” tanong ni Easton.

“Oum.” tugon niya kahit puno pa ang kanyang bibig bago siya uminom nang tubig. Kumuha na rin siya nang tissue, saka niya pinunasan ang kanyang bibig.

Matagal na rin siyang hindi nakakapag-agahan ng maayos sa umaga, dahil sobrang busy niya this month. Saka masarap pa ang pinahandang pagkain ni Easton, kaya sobrang sulit ito para sa kanya.

“Go and get back to work.” Saad ni Easton nang mapansin nitong parang nagmamadali siya.

Kukunin na sana ni Lovi ang kanyang plato’t kutsara upang siya na ang maghugas nang biglang hinawakan ni Easton ang kanyang palapulsuhan. Agad naman na napatingin sa kanya si Lovi.

“I’ll do it.” saad ni Easton.

Napakurap-kurap naman si Lovi bago niya binitawan ang hawak niyang kutsara. Binawi na rin niya ang kanyang kamay na hawak nito at itinago niya iyon sa kanyang likod.

“A-aalis na ako. T-thank you pala sa breakfast.” utal-utal niyang sambit at tumalikod na siya.

Nagsimula na siyang maglakad at ilang segundo lang ay napatigil siya sa may tapat ng pinto bago niya nilingon si Easton na nakatingin pala sa kanya.

“Mr. Dela Vega…” tawag niya rito.

“Hmm?” Hinihintay lang nito ang kanyang susunod na sasabihin.

“Please, h’wag mong ipagsabi sa iba yung tungkol sa nangyari sa atin.” aniya.

“Which one?” kalmadong tanong nito sa kanya.

Napakunot naman ang noo ni Lovi.

Anong “which one”?! May iba pa ba kaming ginawa bukod sa noong gabing may nangyari sa amin?

“L-lahat.” Mabilisang tugon niya.

Bahala na si Darn—este si Batman!

“Okay. Noted.” agad na sagot naman ni Easton.

Nakahinga naman nang maluwag si Lovi bago niya tuluyang nilisan ang opisina nito.

Pagbalik niya sa kanyang mesa, kapansin-pansin ang tensyonado at kakaibang atmosphere sa opisina nila.

“Gusto mo ba ng pork siomai?” Inabot sa kanya ni Lira ang siomai na hawak niya.

“Thank you pero busog na ako.” Umiiling niyang sabi.

Makaraan ang ilang sandali, muling pumasok si Assistant Ren at tinawag nito si Director Diaz upang paakyatin ito sa president’s office.

Nagsimula na naman na umingay ang buong paligid.

“Pinagalitan ka ba ni Mr. President?” mahinang bulong ni Lira sa kanya.

Napatingin naman si Lovi sa kanyang kaibigan na seryosong naghihintay sa kanyang isasagot.

“Magugulat ka ba kapag sinabi kong hindi niya ako pinagalitan? Kilala mo naman ang boss natin.” Sabi na lamang niya.

“Eh ano naman ang ginawa ninyo sa itaas sa loob ng sampung minuto?” mausisang tanong nito sa kanya.

Bakit parang iba ang naiisip ko sa tanong niya? Ano pa ba ang gagawin namin doon sa opisina niya?

“Nagtanong lang siya ng ilang bagay tungkol sa nangyari kaninang umaga.” sagot niya.

“Hay, mabuti naman kung gano’n. Akala ko pa naman ay babalik ka ritong luhaan at mag-iimpake ka na…. ayokong masisante ka, Lovi. Ikaw lang ang close friend ko rito.” Sabi ni Lira at humawak pa ito sa braso niya.

Nakonsensya naman bigla si Lovi kaya iniba na lamang niya ang topic nila at pagkatapos nagpokus na lamang siya sa kanyang trabaho.

Pag-uwi ni Lovi agad siyang naligo. Saktong paglabas niya ng banyo biglang tumunog ang kanyang cellphone. Tamad naman niyang dinampot ang kanyang cellphone sa kanyang kama. Umupo siya sa may gilid ng kama habang hawak niya ang kanyang phone at habang pinapatuyo nito ang kanyang buhok gamit ang kanyang maliit na tuwalya.

Napakunot naman ang kanyang noo nang una niyang makita ang pangalan ni Easton na lumabas sa kanyang screen. At dahil na-curious siya, pinindot niya ang notification na may pangalan ni Easton. Tumambad sa kanya ang timeline ni Easton na walang kahit isang post pero maraming naka-featured na stories. Isa-isa niya itong binuksan at nagulat siya kanyang mga nakita. May iilang stories ito na sigurado siyang konektado sa kanya.