Chapter 3

Bagama't kaedad at halos kababata na, anak pa rin ito ng amo ng kanyang ina. Bagama't hindi siya sakop sa authority nito, ay binilinan naman siya ng kanyang ina na maging masunurin at marespeto sa mga tagapagmana.Hindi nga kumilos si Perla sa kinatatayuan.

Naghintay siya hanggang matapos ang amo.

Sadyang maloko at mabiro ang bunso ng mga Villafuerte kaya  naman parang sinasadya nitong tagalan pa ang pagkampay-kampay habang nakasampa ang kalahating katawan sa  sanga ng punong Karogkog na nakadapa sa gilid ng tubig.

Pagkatapos ng halos isang oras na lumangoy na ito sa malalim na bahagi at doon mas lalong nagtagal..

Inis na si Perla, pero wala siyang karapatang magreklamo at  lalong wala siyang karapatang paalisin ito sa batis na pag-aari nito.

Maya-maya ay naramdaman ni Perla ang paggapang ng malamig at madulas na kung ano sa paa niya, kaya nagtitili si Perla.

"Ahas… ahasssss!!"Sigaw niya, pero hindi kumikilos si Perla sa takot na tuklawin siya kapag gumalaw siya.

Ipinikit na lamang ni Perla ang mata saka umusal ng "Angel of God" na para bang katapusan na niya.Sana ay kusa na lang itong umalis kapag tuod siya. Pero halos himatayin si Perla nang maramdamang pulupot pa sa paa niya ang malamig na madulas na iyon.

Narinig naman ni Darwin Zai ang malakas na sigaw ng anak ng kanilang cook. Malinaw ang narinig  niyang sigaw nito.

Ahasss...ahassss.. Tumawa lamang si Zai.

"Okay din ang gimmick ng isang ito. Ahaha !Paano magkakaahas dito?" Sabi ng binatilyo.

Tinapunan niya ng nakakalukong ngiti si Perla, saka siya lumangoy palapit dito mula sa kabilang pangpang.

Aasarin niya ito. Gusto niya itong inaasar kahit noon pang bata sila.Masarap itong asarin dahil pikon ito at tumitirik pa ang mata sa inis, kaya mas nakakatuwa.

Pero nang malapit na siya, nakita ni Zai na namumutla ito na tila naninigas. Nakita pa niyang pumikit ito na tila nagdadasal at halos naninigas sa pagkakatayo sa damuhan.

"Anong problema niya?"

"Ahahaha, baka na-je-jerbaks na hindi lang makaalis dahil sa sinabi ko.May katangahan ba to?"Sabi ni Darwin Zai.

"Hoy… sige na, umalis ka na. Bumalik ka na sa Hacienda, doon ka na lang maligo, at ilabas mo na rin ’yan, baka dito pa ’yang sumabog, eh."

Sumiklab ang galit at buwesit ni Perla sa among lalaki, pero hindi niya magawang kumilos.Tumulo na ang luha niya sa takot.

Napansin naman ni Darwin iyon.

"Paiyak-iyak pa 'to, huwag mo akong isusumbong sa nanay mo. Wala naman akong ginagawa sa'yo, ha." Sabi ni Zai.

"Gusto mo ba talagang maligo? Okay, fine, sige, lumublob ka na.  Tapos na ako.Bumaba ka na at....."

Napatda at napakatigil sa pagsasalita si Darwin Zai. Nakita kase niya ang dahilan ng hindi pagkilos ni Perla. Saktong gumalaw ito nang umahon siya at mabilis na pumulupot ito sa paa ng dalagita.

"Pearl... Don't you dare move. 'Wag na 'wag kang gagalaw. Naiintindihan mo ba ako, ha?" Bilin ni Darwin.

Tumingin sa mga mata niya si Perla at ginamitan siya ng mapupungay  nitong mga mata. Ewan ni Darwin kung ano ang meron sa sandaling iyon, pero nawala ang ngiti sa mukha ni Darwin. Maging siya ay namutla.

Hindi niya alam kung bakit ganoon na lamang ang kaba niya nang makitang may ahas sa paa ng dalagita at posibleng matuklaw si Perla. Ngayon lamang niya naramdaman ang ganitong uri ng takot.

Umahon na nang tuluyan si Darwin. Wala siyang pakialam. Alam kong naka-boxer brief siya. Ang mahalaga kay Darwin ay ang matulugan si Perla.

Dahan-dahang lumapit si Darwin, pero umiling-iling  si Perla na ang ibig sabihin ay huwag siyang kumilos.

Pero nanahan na ang takot at pag-aalala kay Darwin at parang hindi niya kaya ang manatiling nakatayo lamang habang nasa  panganib si Perla.

Itinuloy pa rin niya ang psghakbang peeo kahit aning ingat at dahan dahan niya nardan ng hayop naailap sng. Ang pagkilos niya ang dahilan para mabolabog ang ahas na nakapulupot sa paa ni Perla. Laking gulat ni Zai nang umagat ang ulo ng ahas at bumuka ang  bibig nito.

"No..!!" Saktong pagdakma ni Zai sa ahas ay nakagat na nito si Perla. Agad itong hinablot ni Zai saka kumuha ng bato at pinukpok ang ulo nito. Nang mawalan ng buhay ang ahas, ay ibinalibag niya ito sa sobrang galit. Maliit lang ang ahas, pero abot hanggang talampakan ang galit ni Zai , pati yung takot niya, kasing lalim ng ilog, at hindi niya iyon maintindihan.

Agad niyang sinaklolohan ang noon ay umiiyak na si Perla na napasalampak sa damuhan habang hawak at pisil-pisil  ang binting may kagat ng ahas. Agad sinaklolohan ni Zai si Perla. Nanginginig man ang mga kamay, hinablot ni Zai ang laylayan ng bestida ni Perla, pinunit ito nang maliit, saka mahigpit na itinali sa itaas na bahagi ng kanyang sugat.

Wala itong kibo, basta lamang kumikilos, bagama't nanginginig ang kamay, pero madilim ang mukha ni Darwin na tila galit o nag-aalala.

"Don't worry, sweetheart. You will be fine. Please, don't cry. Tama na, ha.  Halika na, sumampa ka na sa likod ko. Kailangan kang dalhin sa doktor."

"Huwag na po, senyorito. Pagagalitan ako ng Inang kapag sa doktor ako dinala.

"Okay, ako na ang bahala. Sige na, sampa na, baka umakyat na ang kamandag ng ahas kung meron man"

nang aalalang sabi ni Zai.

Wala na ngang nagawa si Perla kundi ang sumampa sa likod ni Darwin.

Pagkatapos ay agad siyang itinakbo sa albularyo sa labas lamang ng hacienda.

Nakahinga lamang nang maluwag si Darwin nang sabihin ng albularyo na ahas-dahon lamang ang nakatuklaw sa dalaga base sa paglalarawan nila. Nangangagat daw ito pero mahina ang kamandag

Doon pa lamang, parang bumalik ang kulay sa mukha ni Darwin na kanina pa putlang-putla.

Hinatid ng binata si Perla sa bahay ng mga ito habang nakaspa pa rin sa likod ng binata. Sabi nito sa kanya ay ito na ang magbabalita sa insng niya sa nangyari.

"Magpahinga ka, Pearl.Sorry ulit, sana pinalubog na agad kita sa tubig .Hindi sana ito nangyari."

Sabi ni Zai.

"Hindi mo naman kasalanan; ako dapat ang hindi nagpunta roon," tugon ng dalagita.

"Kahit na. Ako pa rin ang dapat mag-isip nang matino" Sabi ni Zai na nagpaalam na sa kanya at sumenyas ng goodbye sa nakababata niyang kapatid.