Chapter 49

Rose

Tahimik lang akong nakaupo habang hinihintay namin ng nanay si Ethan. Inaayos lang niyang bayaran ang bills sa hospital sa cashier. After that incident, hindi na nila ako nakakausap nang maayos. Sino ba naman ang hindi? Matapos akong makunan at mawala sa akin ang pinakamamahal kong baby, magiging masaya pa ba ako?

“Anak, may gusto ka pa ba? Sabihin mo lang sa nanay ha,” wika ng aking ina na tinanguan ko na lang bilang pagtugon.

Ilang saglit pa ay nakita na namin ng nanay ko si Ethan na papalapit at mukhang tapos na niyang asikasuhin ang bills namin.

“I’m done. Let’s go,” yaya niya. Inilahad niya ang kamay niya sa akin pero hindi ko iyon pinansin.

Tumayo lang ako na para bang hindi siya nakikita at dire-diretso lang naglakad palabas ng hospital. Mabilis naman akong sinundan ni Ethan at hinawakan ang aking braso upang alalayan. Hindi naman ako tumutol dahil sa bukod na pagod pa ako, pagod na rin ang utak ko. Sa labas naman ay nakaabang na si Mang Roberto at nakahanda na rin ang sas