NASA Makati ang apartment ni Safhire. Mas malapit sana mula sa airport. Pero naisip ng dalaga na baka may ibang nakatira na sa unit niya kaya niyaya na lamang niya si Athrun na doon na sila tumuloy sa condo unit ni Ray. May kalayuan ang biyahe lalo't mahigpit ang traffic. Halos nakatulugan na ng binata ang pagkainip nang dumating sila sa pupuntahan.Huminto ang sasakyan nila nang humarang ang guard. Binuksan ni Safhire ang bintana sa tapat niya at binati ang guwardiya. Agad siya nitong nakilala. Sumenyas ito na tumuloy sila. Umusad ang sasakyan papasok ng basement ng condominium.Mula sa underground parking ay sumakay sila ni Athrun sa elevator paakyat ng 35th floor. Hindi na niya halos napansin na hawak na naman ng lalaki ang kamay niya. Komportable na rin siya sa init na nagmumula sa palad nito na para bang matagal na niyang nakasanayan iyon. Saglit silang nagkakatitigan habang palabas ng elevator.Nilandas nila ang pasilyo. Siya na ang nagpatiuna at hinahatak si Athrun. Nang tingna
MAY kausap pa sa cellphone si Jenni May nang pumasok si Vhendice sa suite ng dalaga sa Sky Garden. She was smiling sweetly to him. Sumenyas ito at tumango siya. Mabilis siyang napatawad ng fiancée matapos siyang magpaliwanag. Mababaw man ang kanyang dahilan mas mabuti na iyon kaysa sa magsinungaling. Nagtuloy sa terrace ng suite ang binata. Tanaw mula roon ang kakambal na gusali ng hotel. Ang Sky Garden Condominium. Buhat sa kanyang kinatatayuan ay makikita ang magkakatabing unit nila ng kapatid niyang si Ramses. Agad niyang napansin na nakabukas ang glass panel ng unit ni Ramses palabas ng terrace. Nakabalik na ba ito mula sa misyon? Halos two months din silang hindi nagkita. The Federal Bureau requested Ramses' assistance for a top investigation about the underground gang operating in New York. Hinugot ni Vhendice ang kanyang cellphone at sinubukang tawagan ang kapatid. "The number you dial is currently out of service. Try your luck again later," sagot ng isang lalaki mula sa kabila
LAMPAS alas-dose na ng tanghali sila dumating sa Sta. Magdalena. Nagtanghalian sila pero hindi sa mamahaling restaurant kundi sa isang ordinaryong food junction lamang. Nakapagtatakang biglang dumami ang customers ng kainan nang pumasok sila. Duda siya kung pagkain ang ipinunta roon ng mga iyon ng iba at hindi ang mga kasama niyang mga Adonis. Nakakapagod maging escort ng mga pogi."Where are we going next?" tanong ni Athrun matapos silang kumain."Sa simbahan," sabi niya."Isn't it too early to get married?" biro ng binata.Tawanan sina Jrex at Airey. Kinurot niya ng pinong-pino sa tagiliran nito. Malapit lang ang simbahan mula sa food junction na pinasukan nila kaya naglakad na lamang sila."Ang gugwapo!""Mga artista ba sila?""Siguro."Napangiti siya sa mga naririnig na komento mula sa mga on-lookers na nadadaanan nila."Dito kami unang nagkakilala ni Ray. May Santacrusan noon at nanood kami ng nanay ko. Muntik akong mahagip ng taxi, mabuti na lang at dumating si Ray. Niligtas niy
LUMABAS ng bahay si Safhire para hanapin si Athrun. Nawala kanina ang binata pagkatapos ng hapunan at mag-aalas- diyes na ng gabi ay hindi pa rin ito bumabalik. Tinungo niya ang talyer. Naroon lang pala ito kasama sina Jrex at Airey. Natanaw niyang kinakausap nito ang isa sa mga nag-overtime na mekaniko ng talyer na kasalukuyang may kinukumpuning owner-type jeep. Lumapit siya."Ten o' clock na. Kailangan mo ng matulog. Sabi ni Mang Danny maaga kayong magsisimula bukas sa trabaho dahil maraming aayusin," sabi niya.Tumingin sa kanya si Athrun. "Nagkwento si Manong tungkol kay Ray."Tumango lang siya. Kaya pala buhos na buhos ito sa pakikinig. "Bukas na lang ninyo ituloy. Gabi na kasi. Matutulog ka na.""I'm not sleepy yet.""Inaabala mo si Mang Cardo sa ginagawa niya.""Ayos lang ako rito, Saf. Sinabi ko lang naman sa kanya kung anong mga ginagawa ni Ray noong nagtatrabaho dito," sabat ng mekaniko."Marami siyang ginagawa.""Sabi ko nga sa kanya, all-rounder iyon." Salo ni Mang Cardo.
KINAGABIHAN, pagkatapos ng hapunan at saglit na kwentuhan ay nagpaalam na si Athrun na magpapahinga ng maaga. Sinundan ni Safhire ang binata sa silid nito. "Gusto mo ng masahe?" "Libre?" biro nitong binuksan ang pinto ng guest room. "Babayaran mo ako roon sa kikitain mo sa shop." He chuckled. "Okay, let's try your prowess. Come in." Itinabi nito ang sarili. Pumasok siyang nakangiti. Dinig niya ang pagsara ng pinto sa likod niya. Naghubad ng t-shirt si Athrun at ibinuwal ang mabigat na katawan sa kama. Naligo na ito kanina bago ang hapunan. Hindi nito kinaya ang pangangati dahil sa grasa. Nag-umpisa siyang masahiin ang likod nito. "That feels great," ungol ng binata at bumalikwas. Kinabig siya pataob sa ibabaw nito. "But I want something sweet." "Abuso ka na. Masahe lang ang ibibigay ko sa iyo," ungot niyang napapabuntong-hininga. Ang puso niya, sasabog na sa kaba. "Let me go." Pero hindi ito nakinig at sa halip ay gumulong. Napunta siya sa ilalim. He was about to kiss her when
SAGLIT na nawala sa sarili si Bianca Castillo matapos marinig ang deklarasyon ni Athrun. Sino nga naman ang hindi magulantang? Chairman ng isang malaking business empire ng bansa ay nag-volunteer na maging endorser ng ordinaryo at hindi pa gaanong nakikilalang clothing line? Wala sigurong salitang pwedeng maglarawan sa nararamdaman ng may-ari kaya kahit nang nagpaalam na sila ay nanatili itong tameme at hindi makapagsalita. Maluwang na ngiti at tango lamang ang tanging naitugon nito bagamat hinatid sila hanggang sa labas ng shop at kung ilang ulit na kinamayan si Athrun."Kailangan mo ba talagang gawin ito?" tanong niya sa binata. Pabalik na sila ng condo sakay ng taxi."Ang alin?" Tumingin sa kanya si Athrun."Endorsement?""Iniisip mo na naman bang hindi ko kaya?""Hindi ganoon. Kapag nalaman ng media ang tungkol sa gagawin mo, tingin mo ba hindi nila gagambalain pati na ang Andromida Conglomerate?""Don't make it your concern."" Pero, Athrun...""Hindi illegal ang gagawin ko, Saf.
SHANRA REALTY. Ang real real estate company kungsaan consultant si Ray ang sunod na pinagdalhan ni Safhire kay Athrun. Mula sa parking area ay matatanaw ang high-rise building at ang aroganteng tower kungsaan nakaukit ang mga gintong litra na SHANRA REALTY."Shanra? Sounds familiar to me," wika ni Athrun habang nakapako ang asul na mga mata sa tower. "One of the biggest real estate companies in the country I suppose. Still, there's something." Hinugot ng binata ang cellphone at may tinawagan. Ang secretary general ng Andromida Conglomerate. "Athrun here, I'd like you to check the latest accredited companies for the unification, the real estate especially," utos nito.Napasulyap si Safhire kina Jrex at Airey. Nagtatanong ang mga mata ng dalaga pero parehong nagkibit-balikat lamang ang dalawa. Wala ring ideya ang mga ito."Are you sure about that?" tanong ni Athrun sa kausap. "No, nothing. That's just a clarification. Thanks, see you soon." Ibinaba nito ang cellphone."May problema?" ta
"HINDI KA sasama pabalik ng Nephilims?" gulat na tanong ni Jrex.Tumango si Safhire na sinikap ikubli ang kalungkutan sa pamamagitan ng tipid na ngiti."But the chairman needs you. Maaring hindi lamang niya kayang sabihin sa iyo pero kailangan ka niya, Safhire.""Kayo ang kailangan niya, hindi ako. Mas mabuti na rin ang ganito para lagi kong nadadalaw si Ray at maalagaan ko ang-""Hindi kailangan ng mga patay ng mag-aalaga," agaw ni Jrex. "Mahal ka ni Athrun. Kailangan ka niya.""Please, tama na. Ayaw ko nang masaktan pa. Hindi mo ba nakikita? Itinataboy niya ako. Ayaw na niya akong makasama.""Masama lang ang loob niya. Pero lilipas din iyon. Dapat nauunawaan mo siya. Hindi madali ang pinagdadaanan niya ngayon.""Siya lang ba? Paano ako?" Natigmak muli ng luha ang mga mata niya. "Pareho lang kaming nawalan. Pareho kaming pinagkaitan ng katotohanan. Ang masakit, minahal ko na siya bago ko pa nalaman na nasa kanya ang puso ni Ray at wala akong maisip na paraan para patunayan iyon sa ka