Chapter 21

"Si Senyorito Thunder na apo," Sabi ni Lola Val ng mapansing nakatingin ako sa lalaki.

Oh ang kakambal niya pala. Muntik pa akong magkamali, akala ko siya.

Assuming ka Sky? Bakit sa tingin mo ba susuyuin ka niya? Asa ka girl.

Nagkakape ang lalaki. May puto maya at baso ng kape sa harapan niya. Gaya ng kakambal niya malaki din ang pangangatawan nito. May suot itong sombrero at parehas sila ng style manamit kaya napagkamalan ko. Nabaling ang tingin ko sa upuang nasa tabi niya dahil may isang basket ng prutas itong nakapatong doon.

Siguro naramdaman nito na may nakatingin sa kanya kaya nabaling ang tingin nito sa amin. Bagamat pormal ang mukha nito nakita ko ang pagtango niya. Nakatingin lang ako sa kanya. Tinapos nito ang kape niya bago ito tumayo. Kinuha niya ang isang basket ng prutas at naglakad papunta sa amin.

"Hi, Miss, good morning!" Pormal na bati nito sa akin. Maliit pa itong ngumiti pero hindi ko magawang gantihan ang ngiti niya.

"I'm here to ask if you are feeling