CHAPTER 20

"What do you mean, Romano? Nagkamali ka ba ng bintang sa ama ng asawa mo?" narinig niyang magkasunod na tanong ni Hendrick.

Kasalukuyan niya itong kausap sa kanyang cell phone. Matapos ngang mag-almusal kasama si Analyn ay tinawagan niya ang kanyang kaibigan. Naroon siya sa may hardin ng kanyang bahay habang naghihintay sa asawa niya. Nasa taas pa ito at nag-aayos.

Katulad ng sinabi niya kay Analyn ay nakatakda silang makipagkita sa kakilala niyang doktor. Nagpa-schedule siya kanina sapagkat nais niya ring masiguro na maayos ang dinadala nito. Hindi lang ng kanyang anak, actually, kung hindi maging ng asawa niya na rin mismo.

Habang naghihintay nga sa pag-aayos nito sa sarili ay tinawagan niya muna si Hendrick upang sabihin dito ang mga napuna niya sa kanyang asawa. Wala siyang ibang mapagsabihan kundi ito lamang. Alam din naman nito ang tungkol sa pagnanais niyang mapalapit sa pamilya Aguilar upang makahanap ng ebidensiya laban kay Wilfredo kaya hindi na siya nangingiming sabihin dit