CHAPTER 22

Marahang iginala ni Analyn ang kanyang paningin sa malawak na dagat na nasa kanyang harapan. Kasabay ng pagkabusog ng kanyang mga mata sa magandang tanawing napagmamasdan ay pinuno niya rin ng sariwang hangin ang kanyang dibdib.

Sa mga dumaang problema sa buhay niya nitong nakalipas na mga araw ay ngayon niya lang napagtantong ganoong uri ng pahinga ang kailangan niya. Iyong malayo sa lahat ng bagay na sadyang bumabagabag sa kanyang isipan.

Sinubukan niya namang magbakasyon noon upang makalimutan kahit saglit ang mga pinagdadaanan niya. Ngunit sa halip nga na makalimot ay mas lalong nagulo ang dati nang magulo niyang buhay.

She met Romano. At sa loob ng maikling panahon ay agad niyang naging asawa ang lalaking nakilala niya sa resort na iyon sa Davao. Sino nga bang mag-aakala na ganoon ang kahihinatnan ng buhay niya?

"I'm glad hindi ka mahiluhin sa biyahe, Analyn," narinig niyang sabi ni Romano na agad niyang ikinalingon dito.

Mula sa pagmasid sa tubig ng dagat ay agad na napapihit si