2
Inalisan na nila ako ng tali pero hindi pa rin ako nakakalabas ng kwarto. Palagi pa rin akong dinadalhan ng pagkain. Tanging si Manang Lucing ang kumakausap sa akin.Naglibot libot ako sa kwarto at may nabuksan akong isang pinto. Pagkapasok ay bumungad saakin ang napakaraming damit, bag, alahas at kolorete sa mukha. Nilibot ko ang buong kwarto at puro mamahaling gamit ang nakikita ko. Lahat ng iyon ay hindi naaayon sa aking mga gusto. Kung ako nga si Andrina, bakit ayaw ko sa mga ito?Napadako ang tingin ko sa napakalaking salamin kaya lumapit ako dito. Nakikita ko ngayon ang aking repleksiyon, nakasuot ako ng isang bestidang puti na pantulog. Mugtong mugto ang aking mata, maputla ang maputi kong balat at magulo ang aking buhok. Pinagmasdan ko ang aking mukha sa salamin, pilit kong pinagtatanto kung sino ba talaga ako. Ako ba talaga ang asawa ng Xavien na iyon?"Namimiss mo na bang magsuot ng magagarang damit? Hindi mo na ba kayang panindigan ang pag arte mo? " Kinilabutan ako ng marinig ang boses na iyon. Ni hindi ko kayang lingunin ito."Bakit hindi ka makasagot? " Lalong lumamig ang paligid dahil sa lamig ng boses niya."Pasensiya na, iniisip ko lamang na baka sakaling may maalala ako kung naglilibot ako. Huwag mo akong sasaktan please." Nanginginig na sagot ko sa kanya."Talagang paninindigan mo iyan? " Lumapit siya sa akin at mariin akong hinawakan sa braso. Sa higpit ng pagkakahawak niya ay paniguradong magkakaroon ng pasa ito.Galit siyang nakatingin sa akin."Nasasaktan ako..." Takot man ay pinilit ko pa ring pumiglas."Talagang masasaktan ka! Kulang na kulang pa iyan sa lahat ng kahayupang ginawa mo sa akin Andrina." Mabagsik na sabi niya."Sir Xavien, nandyan na po si Sir Rowan." Bungad ni Manang Lucing. Marahas naman akong binitiwan ng lalaki at lumabas ng silid.Naiwan naman kami ni Manang Lucing, nakatingin lamang ito sa akin. Waring hinahanapan ako ng reaksiyon sa mukha."Lalabas na ho ako Ma'am. Anong gusto ninyong kainin? " Malumanay na sabi niya sa akin."Kahit ano po manang..." Masigla siglang sabi ko.Sa pagkain lamang ako ngayon naeenganyo, lalo na at ang sasarap ng dinadala sa akin ni Manang Lucing. Kung iisipin man nila ay para akong isang palamuning patay gutom ay wala na akong pakiealam. Basta ang mahalaga ay ang makakain ako. Kailangan kong maging malakas para makaalis na ako rito.Tumango na lamang siya bago lumabas.Naisipan kong maligo dahil sa panlalagkit sa aking sarili. Sabi ni Manang kahit ano ay maaari kong isuot dahil sa akin raw ang mga ito.Pagkapasok sa banyo ay agad kong hinubad ang ang suot.Pagkatapos maligo ay inintay ko na lamang si Manang Lucing dahil dadalhan raw niya ako ng pagkain. Habang naghihintay ay dumungaw na lamang ako sa bintana. Nakikita ko mula sa bintanang ito ang isang batang babae na naglalaro, may kalaro siyang isang katulong. Maaaring siya na si Pixie, sa wari ko rin ay siya ay limang taong gulang na.Nakakatuwa siyang pagmasdan. Baka nga ako si Andrina... Kung ganito ang pakiramdam ko sa batang si Pixie. Sana ay makaalala na ako."Ma'am ito na po ang pagkain ninyo." Napatingin naman ako sa bagong dating.Hindi siya si Manang Lucing, mukha siyang may galit sa akin."Ah, salamat." Basta lamang siya tumango at medyo padabog na ibinagsak ang pagkain.Hindi na lamang ako umimik at lumapit na lamang sa pagkain dinala niya. Agad naman akong natakam sa aking nakita. Mayroon siyang dalang tinolang manok at maraming kanin, mayroon pang hiniwang pinya at ubas. Magana akong kumain at hindi na pinansin ang babae."Iiwan ko na ho kayo Ma'am. Babalikan ko na lamang po ang pinagkainan ninyo mamaya."Tumango lamang ako dahil puno ang aking bibig ng pagkain.Napatitig na lamang sa akin ang katulong animo'y hindi makapaniwala sa nakikita.Ipinagsawalang bahala ko na lamang ito at ipinagpatuloy ang pagkain.Pagkatapos kong kumain ay sakto ring may nagbukas ng pintuan."Andrina." Malamig na sabi sa akin ni Dr. RowanNapatuwid naman ako ng upo dahil sa kanyang pagdating."Dr. Rowan...""Kumusta ang pakiramdam mo? ""Maayos naman po, kaso palagi akong binabangungot sa gabi... Katulad pa rin noong sinabi ko sainyo noong nakaraan." Napatango na lamang siya at naupo sa harap ko."Napaano ang braso mo? " Nakakunot ang kanyang noo at sinusuri ito.Napatingin ako sa aking braso, namamaga na nga ito at may parte na nangingitim."Wala." Iyon lamang ang sinabi ko at baka isipin ni Xavien na nagsusumbong ako.Napabuntong hininga naman ang lalaki."Andrina, sinabihan na kita. Huwag kang gagawa ng mas ikagagalit pa ng asawa mo. ""Wala naman akong ginawa. Nilibot ko lamang ang kwartong ito, baka sakaling may maalala ako. Sa tuwing makikita niya ako ay galit siya at sinasaktan ako." Nakatungong sabi ko."I'll talk to him, hindi maaaring ganyan ang gagawin niya saiyo lalo na't kakagising mo pa lang.""Ilang araw ba akong tulog? Ano bang nangyari sa akin ? Maaari ko bang malaman? ""Tatlong buwan kang walang malay Andrina. Hindi ka ipinadala ng asawa mo sa ospital dahil baka makatakas ka. Naaksidente ka sa kotse, nahulog ang sinasakyan mo sa isang bangin sa batangas. "Pinilit kong halukayin ang utak ko, sumasakit lamang ito..."Huwag mong piliting alalahanin ang nangyari. Baka kung mapaano ka pa. ""Iniisip ko kung ayun ba talaga ang nangyari sa akin. Paano niya ako natagpuan?" Wala sa sariling sabi ko."May tumawag kay Xavien at sinabing nasa pangangalaga ka nila. Mangingisda ang mga ito sa may parteng Batangas. " Yun lamang ang sinabi niya at sinimulan akong suriin."Sabi ni Manang Lucing ay marami kang nakakakain kapag dinadalhan ka nila. Mabuti iyon para bumalik ang sigla at lakas ng katawan mo. " Dagdag niya matapos akong suriin.Napabuntong hininga siya."Lalabas na ako. Huwag kang gagawa ng ikagagalit ni Xavien. " Muling paalala niya at umalis na.Sumapit ang gabi at wala pa ring nabalik sa kwartong tinutuluyan ko. Itinuon ko na lamang ang sarili sa nakita kong libro sa kwartong ito.Maganda ang istorya kaya kahit paano ay naengganyo ako at hindi namalayan ang oras.Maya maya pa ay pumasok si Manang Lucing."Hija, sumabay ka raw ng pagkain sa mag ama.""Ho? Makakalabas ako ng kwartong ito?" Hindi makapaniwalang sabi ko."Oo hija, basta ay huwag kang gagawa ng hindi maganda. Hinahanap kana ni Pixie. " Iyon lamang ang sinabi niya.Bumaba naman ako agad sa aking higaan at sumunod kay Manang Lucing.Napatingin siya sa akin."Hindi mo man lamang ba aayusin ang sarili mo? " Takang tanong niya."Maayos naman po ang itsura ko Manang Lucing."Napatingin rin ako sa suot ko, bestidang puti at nakalugay lamang ang mahaba kong maalon na buhok."O siya, halika na."Sumunod lamang ako sa kanya. Paglabas ng pinto ay napatingin ako sa lalaking nandoon, sa tingin ko ay siya ang nagbabantay sa kwartong tinutulugan ko.Napakalaki pala ng bahay na ito, moderno at napakalinis. Maraming bantay sa paligid, siguro ay sobrang yaman nga ng pamilya ni Xavien.Pagkababa namin ng hagdan ay dumiretso na kami sa kusina at doon nakaupo ang mag ama.Nang makita ako ng batang babaeng nakaupo sa kanyang upuan ay agad siyang tumayo at lumapit sa akin.Ang ipinagtaka ko ay parang napipilitan ang kanyang paglapit, nanginginig pati ang kanyang mga kamay."Mommy..." Yun lamang ang sinabi niya at yumakap sa akin.3"You're Pixie? ""Opo mommy, namiss po kita. Saan po ba kayo nagpunta? " Maluha luha niyang sabi."Uhm... Pasensya kana kung umalis si Mommy." Iyo lamang ang nasabi ko at hinimas ang buhok niya.Parang bago sa akin ang ganito ngunit magaan sa pakiramdam."Maupo na kayo." Malamig na sabi ni Xavien.Sinunod ko naman agad siya at inalalayan sa tabi ko si Pixie.Nagsimula na kaming kumain, ipinagsandok ko si Pixie ng kanin at ulam. Mukha ngang namiss niya ako at tuwang tuwa pa siya habang ipinagsasandok ko siya."Salamat po mommy." Ngiti niya sa akin. Ang kaninang napansin kong takot sa mga mata niya ay nawala na."Kumain ka ng kumain Pixie, ito gulay. Mainam ito sa katawan mo." Sabi ko sa kanya, sabay lagay ng sitaw at kalabasa sa pinggan niya."Mommy, hindi po ako kumakain niyan." Simangot niya. Napangiti ako dahil sa cute niyang reaksiyon."Ah, pasensya na nakalimutan ko. Pero mas mabuti kung kakain ka ng gulay. Gusto mo bang tikman? Kahit kaunti lang? " Magiliw na sabi ko."Sige mom
4Nagising ako sa parehong kwarto na tinutulugan ko nung mga nakaraan. Dahan dahan akong bumangon.Kumikirot pa rin ang ulo ko."Kumusta ang pakiramdam mo?" Rinig kong sabi ng doktor."Sa tuwing pupunta ka rito, iyan ang itinatanong mo. " Wala sa sariling sabi ko, mukhang nagulat naman siya sa isinagot ko."Mukha bang ayos lamang ako? Iniisip ko kung ako ba talaga si Andrina para danasin ko ang ganito. Nabuhay lamang ba ako para pahirapan ng lalaking iyon? " Umiiyak kong wika.Napabuntong hininga lamang ang doktor at sinuri ako."Tulungan mo ako, parang awa mo na..." "Sa tingin mo? Saan ka pupulutin kapag umalis ka rito? Sa tingin mo ba kapag nakaalis ka ay titigilan kana ni Xavien? " Malamig na turan ng doktor."Doktor, anong gusto mong gawin ko? Antayin ang kamatayan ko sa lugar na ito?" Umiiyak kong sabi sa kanya."Paano si Pixie? Paano ang anak mo? " Nakatitig na sabi ni sa akin, noon din ay napatigil ako sa pag iyak at napatingin rin sa kanya."Palagi kang hinahanap ng anak mo.
5Pagkatapos kumain ay naglinis na rin ako ng katawan. Matapos makapaglinis ay ibinaba ko na ang aking pinagkainan."Hija, hindi mo na sana iyan ibinaba. Paakyat na rin sana ako sa kwarto mo." Bungad sa akin ni Manang Lucing.Umismid naman ang ibang katulong na nasa kusina."Ano kaba manang? Hayaan mo siya, hindi na niya tayo pwedeng artehan ngayon ano? Kita mo bang halos isuka na siya ni Sir Xavien." Sabi ng isang katulong, sa tingin ko ay mas matanda lamang siya sa akin ng ilang taon."Kaya nga manang, tapos na ang pagrereyna reynahan niyan dito. " Sabi pa ng isa."Magsitahimik kayo. Kahit ano pang sabihin ninyo ay siya pa rin ang asawa ni Sir Xavien. May mas karapatan siya kaysa sainyo. Naiintindihan niyo ba? " Napapitlag ako dahil maotoridad na tono ni Manang Lucing. Miski ang ibang katulong ay nagulat rin."Naiintindihan niyo ba? " Striktong dagdag pa nito.Napayuko naman ng ulo ang dalawa bago sumagot."Opo manang." "Mabuti kung ganon, kuhanin niyo ang dala niya at hugasan na
6Lumipas ang isang buwan, tangging si Manang Lucing at Dr. Rowan ang dumadalaw sa akin sa kwarto. Simula ng insidente sa pool ay pinagbawalan ulit ako ni Xavien lumabas sa aking silid. Tanging ang pagbabasa ng mga libro ang kinagiliwan ko sa nagdaang isang buwan. Ni anino ni Xavien ay hindi ko nakikita sa silid na ito. Si Pixie ay ayaw rin akong makita ayon kay Manang Lucing."Oh señora, ito na ang pagkain mo. Wala si Manang Lucing dahil nagkaproblema sa bahay nila." Hindi na ako nagulat sa pakikitungo sa akin ni Shiela."Ah, salamat." Padaskol niyang nilapag ang pagkain ko sa mesang nasa silid. Halos natapon na ang lahat dala niya sa tray."Ewan ko ba kung bakit nandito ka pa, nakakabwisit. " Irap nito sa akin bago lumabas.Napatingin ako sa pagkaing dinala niya. Kung siya ang magdadala sa akin ng mga pagkain ay baka ganito lagi ang mangyari. Tiningnan ko ang pagkaing dala niya. Mayroon iyong nilagang baboy kanin at halos mabulok na mangga. Sinubukan ko pa ring kainin ang dala n
7Hindi ko alam kung gaano na ako katagal nakatulala, napagod na yata ang mga mata ko sa pag iyak.Pumasok si Sabel kanina upang linisin ang kalat doon. Alam kong tiningnan niya ang itsura kong nakahiga sa kama kung kaya't tinabunan ko na lamang ang sarili ng kumot. Tahimik lamang siyang nilinis ang kalat at wala ring lingong lumabas ng silid.Nagising na lamang ba ako para maranasan ang mga ito? Mas mabuti pa sigurong mamatay na lamang ako... Ayoko ng danasin ang mga ito.Naging hudyat iyon upang bumangon sa kama.Humahangos akong pumasok sa banyo, wala akong makitang maaaring gagamitin sa aking gagawin. Napatingin ako ng matagal sa bathtub na naroroon. Sinimulan ko itong punuuin ng tubig.Hindi na... Ayoko na... Tama na... Hindi ko na kaya itong mga pananakit nila... Mas mabuti pang mamatay na lamang ako...Hinayaan kong mapuno ng tubig ang bathtub saka lumubog doon. Mas mabuti pang mamatay na lamang ako..."ANDRINA! DAMN IT! " Siya na naman iyon... Ang halimaw na iyon. Ayoko na...
8"Andrina." Nagulat ako ng biglang sumulpot si Kyros sa loob ng kusina."Magugulatin ka pa rin! Anong ginagawa mo? Miryenda ba iyan? Hati tayo! " Parang bata na sabi nito.Sa pananatili ko ng ilang buwan dito ay masasabi kong ibang iba ang turing nila sa akin. Mababait ang mga tao rito hindi katulad sa bahay ni Xavien. Nakakalabas ako hanggang sa kanilang bakuran, mas marami nga lang ang bantay rito kesa sa bahay ni Xavien. Isa pa itong si Kyros, halos sa labas na siya ng kwarto ko natutulog. Hindi ko rin maintindihan kung bakit, pero para sa akin mas mabuti na iyon. Mabilis niya akong nagigising kapag binabangungot ako. Nakakasanayan ko na ang pamamalagi ko rito."Bakit hindi ka nagsasalita? Ang pagkakaalam ko lamang ay nakalimutan mo kung sino ka, pero ang magsalita hindi.""Ah... Pasensiya na. Pritong kamote lang ito, gusto mo ba? Masarap ito kapag isinawsaw sa asukal. Magkakape rin ako." Kahit naiilang ay sumagot pa rin ako. Kaibigan siya ni Xavien at hindi ko alam kung anong pa
9"Hindi siya sasama sa iyo ngayon Xavien." May pinalidad na sabi ni Dr.Rowan."Ako ang asawa niya Rowan. Ako ang may karapatan sa kanya. Isasama ko siya ngayon pauwi sa bahay namin. Naiintindihan mo ba? " Galit na sabi ni Xavien.Umungol naman ang dalawang aso sa tabi ko."Umalis ka na raw Xavien." Bagot na sabi ni Kyros."Nagagalit ang dalawang ito oh." Turo niya sa dalawang aso na katabi ko."Andrina... " Malamig na sabi nito sa akin."Can we talk? Yung tayong dalawa lang?" Napabuntong hiningang sabi nito sa akin."Sige na Andrina, kausapin mo na ang asawa mo. Naririto lang naman kami sa labas ni Kyros." Pagpapakalma niya sa akin.Nagtungo kami sa opisina ng doktor."Kumusta ka rito Andrina?""O...kay lang naman Xavien." Napabuntong hininga ito sa akin."Look, I'm not here to hurt you. Okay? Gusto ko lang humingi ng tawad sa ginawa ko sayo. Alam kong mali ako at nagpadala ako sa galit ko." Ramdam ko naman ang pagiging sincere niya."Palaging umiiyak si Pixie at gustong gusto ka na
10Third Person's POVLumipas ang ilang buwan..."Andrina! May pasalubong ako sa..." Natigilan si Kyros ng makitang magkasama sa sala si Andrina at Xavien. Napapatawa na rin ni Xavien si Andrina, hindi niya akalaing makukuha rin ng kanyang kaibigan ang loob nito."Kyros, nandito ka na pala. Ang tagal mong wala a." Tumayo si Andrina para salubungin siya."Oo nga e. May pasalubong ako sayo." Parang nawala ito sa mood dahil sa nakita." Talaga? Nag abala ka pa Kyros. Maraming salamat dito." Kita naman niya ang tuwa sa mukha nito kaya nanumbalik na rin ang sigla niya.Sa kabilang banda naman ay nakatingin sa kanilang dalawa si Xavien."Xavien, ang daming pasalubong sa akin ni Kyros. Mabuti na lang at malaki ang kwarto dito ni Dr. Rowan. May mga mapaglalagyan pa ako ng mga dinadala ninyo." Sabi ni Andrina. Sa dami kasi ng mga ibinibigay ng mga ito sa kanya ay hindi na niya nagagamit halos ang iba.Nagkatitigan naman ang magkaibigan."Sige na Andrina, dalhin mo na iyan sa kwarto mo." Sabi n