3: Preference

WARNING: This story contains violence and mature contents. Readers discretion advice.

Pagkapasok pa lamang ni Detective Ybañez sa kanilang opisina. Agad na nagsaliksik siya sa computer patungkol sa White Rose Case pero walang lumabas tungkol sa kasong iyon.

Inis na hinilamos ang kaniyang mukha bago sumandal sa kinauupuan nito, at pinagkatitigan ang monitor.

Nilapitan siya ng isa sa mga katrabaho niya para ibigay ang report paper, kasama ang iilang nakalap na ebidensya laban sa akusado, "Sir, ito na po 'yong mga nakuha laban kay Mr.Buenavidez," sambit niya.

Bumuntong hininga na lamang siya bago kunin ang papel, at brown envelope na naglalaman ng impormasyon patungkol sa kasong ibinigay sa kanila.

Ilang minuto lang ang lumipas ay na tapos na agad ni Detective basahin ang report.

"Team!" Tawag atensyon niya sa grupo na agaran din na lumapit sa kaniya.

"May ebidensya na tayo kay Mr.Buenavidez, 'yong warrant?"

"Sir, nandito na po!" Sambit ng isa sa kaniyang kasamahan.

Hindi na nagsayang pa ng oras ang grupo ni Detective at agad na pinuntahan nila ang lokasyon ng target.

Nung makarating sila sa patutunguhan ay agad na naghanda sila. Nung makahanapan ng tamang tyempo ay pinasok nila ito pero.

Hindi nila inaasahan ang kanilang inabutan. Ang target nila ay nakabigti na at nasa ibaba nito ang upuan na ginamit na tungtungan.

"Tumawag na kayo ng ambulansya, tawagan ninyo na rin ang back-up at ipaalam ang nangyari." Sambit nito bago tignan si Mr.Buenavidez.

Lumipas ang halos tatlumpong minuto bago makarating ang kanilang tinawagan. Kanilang inimbistigahan ang bahay, hanggang sa may na pansin na kakaiba ang isa sa kasamahan niya.

"Detective," pagtawag niya.

Agad naman na lumapit ito, "Anong meroon?" Tanong niya habang isinusuot ang gloves.

"Ito Detective, nakita ko, nakalagay sa suot niyang damit." Aniya sabay ipinakita ang isang plastic na naglalaman ng bulaklak.

Kinuha ito ni Ybañez at pinagkatitigan ang puting rosas na may bahid ng dugo na siyang ipinagtakha nito, "Saan mo nakuha ito?" Tanong niya habang ang mga mata'y nanatili sa kaniyang hinahawakan.

"Sa loob ng coat niya Detective, at isa pa may na pansin din kaming kakaiba sa katawan niya. May indikasyon na nanlaban siya o may nakaaway ito. May mga sugat siya, at mukhang ilang oras o minuto pa lamang ito,"

Ibig sabihin, bago pa man kami makarating dito ay may kasama na si Mr.Buenavidez? Hindi ito suicide at pinagmukha lang na suicide, pero, bakit? Anong ginawa ng taong ito sa kaniya? At isa pa, paano magkakadugo itong bulaklak kung nagbigti ito? May mali rito. May pagdududang aniya.

Ibinalik niya ang plastic na kaniyang hawak bago lapitan ang katawan. Kaniyang iginala ang mata hanggang sa may na pansin siya sa pulsuhan na may wrist watch. Dahil sa kuryosidad ay hinawakan niya ang relo bago tanggalin.

May mali sa relo niya. Ani sa sarili bago tignan ang kaniyang relo, limang minuto lamang ang pagitan nito.

May nangialam sa kaniyang relo, ibig sabihin ba nito may posibilidad na 'di pa nakakalayo ang gumawa nito? Aniya na may pagsusutpetsya.

Agad na tumayo si Detective at tinawag ang kaniyang team, "Team! Suyuin ninyo ang buong lugar tatlong kilometro mula rito. May posibilidad na ang gumawa nito kay Mr.Buenavidez ay 'di pa nakakalayo," utos niya na agad namang inaksyonan ng kaniyang tauhan.

***

Habang sila'y abala sa paghahanap, sa police station naman kung saan pansamantalang nakakulong ang bise-gobernador. Nakarating sa kaniya ang balita nung dumating ang abugado nito.

Dahil sa balitang iyon, kinain siya ng matindeng takot sa kadahilanan na baka pati siya'y i-tumba.

"A-Attorney, paano kung i-sunod niya na ako? Lahat ng koneksyon ko'y unti-unting—"

"Calm down Vice Governor. Imposibleng mangyari sa'yo ang mga nangyari sa kanila. Masyadong mahigpit ang siguridad dito," pagkombense niya sa kliente.

Kumalma man ito panandalian dahil sa sinabi ng kaniyang abugado pero may alinlangan siya sa mga binitawan nitong salita dahil alam niya sa sarili na lahat ng imposible sa taong iyon ay nagagawa niyang posible.

Ang hindi nila alam ay na dinig nang anak ni Chief Cruz ang usapan ng dalawa. Naglagay ito ng hidden camera at audio recording sa lamesa kung saan nakapuwesto ang bise-gobernador kausap ang kaniyang abugado.

Ano ba ang itinatago ng bise-gobernador bukod sa illegal niyang gawain? Tanong nito sa sarili.

Dahil sa kuryosidad ay palihim itong nagsaliksik, gustuhin man niyang magpatulong ay hindi maaari.

Pinasok niya ang kuwarto kung saan nakalagay halos lahat ng luma at bagong kaso. Kaniyang inisa-isa ito pero 'di pa man siya nangangalahati sa pagbabasa nang ilang folder ay may dumating.

"Chief Inspector Cruz? Anong ginagawa mo rito?" Takhang tanong ni Detective Santiago sa kaniya.

"Is there something wrong?" Sambit niya bago maglakad palabas ng kuwarto.

Nung makarating ito sa kaniyang opisina ay agad na isinara nito ang pinto bago magtungo sa couch at muling tignan ang may kakapalang folder. 

Ilang oras na ang lumipas ay wala siyang na tuklasan patungkol sa nais niyang malaman.

Saan ako magsisimula? Wala akong mahanap dito, baka sa ibang files nakalagay 'yon. Hindi ko pa naman nasusuri lahat. Aniya sa sarili bago ayusin ang mga papel at bitbitin ito.

Pagbukas pa lamang nang pinto'y agad na bumungad si Detective Santiago na may hawak na mga nagkakapalang folder. Nakaramdam agad ng kaba si Chief Inspector Maricar Cruz pero nilabanan niya ito upang 'di siya mahalata.

Magsasalita pa lamang siya nung unahan na siya ni Detective Santiago, "Huwag kang mag-alala Maricar, hindi kita pakikialaman sa mga gagawin mo. Gusto lang kita balaan sa mga ikikilos mo dahil 'di maganda ang kutob ko rito sa gagawin mo." Seryosong sambit nito bago i-abot ang hawak nito.

Nagtatakha man ay kinuha niya ang mga ito bago ipatong sa drawer malapit lamang sa pintuan. Pagkalagay niya'y agad na tinignan si Detective Santiago na seryosong nakatingin pa rin sa kaniya.

"Akihiro… Hindi ko alam kung anong dahilan mo at ginagawa mo ito pero, salamat." Sambit nito bago isara ang pinto.

Bumuntong hininga na lamang si Chief Inspector Maricar Cruz bago kunin ang mga folder at ilagay ito sa ilalim ng kaniyang desk. Du'n niya lang namalayan ang nakasulat sa isang folder na nasa ibabaw.

Confidential Cases? Bakit ibinigay niya sa akin ito? May 'di ba ako alam? Dad, ano ba kasi ang itinatago mo sa akin? Hindi ako kumbensido sa mga palusot mo. Ani nito bago ma-upo sa kaniyang swivel chair at simulan ang paghahanap nito. 

***

Nakabalik na sa kanilang opisina ang grupo ni Detective Ybañez pero hindi si Ybañez dahil mas pinili niyang pumunta sa morgue para siyasatin ang katawan ni Mr.Buenavidez.

Gaya nang sinabi ng kaniyang kasamahan, may mga palatandaan na nanlaban ito bago mamatay, pero hindi niya inaasahan ang kaniyang makikita sa pulsuhan nito.

May sugat ang pulsuhan pero ang nakakapagtakha ay walang dugo na nagkalat sa crime scene at may tattoo ito, isang serpent na nakapaikot sa isang espada.

Parang nakita ko na noon ito, 'di ko lang matandaan kung saan at kailan. Saad nito sa kaniyang sarili.

"Excuse me, ikaw ba 'yong Detective na kukuha ng autopsy report?"

Agad napatingin ito sa nagsalita, iniabot sa kaniya ang resulta ng medicolegal postmortem examination at binasa ang iilang detalye.

"Base sa examination, ang exact time of death ay around 2:00 - 3:00A.M. Lumabas din sa resulta na may kemikal na itinurok sa kaniya, formalin kaya mukha kamamatay niya lang," paliwanag ng nag-autopsy sa labi ni Mr.Buenavidez.

Muling tinignan niya ang bangkay ni Mr.Buenavidez bago tignan ang nag-autopsy, "Wala na bang iba bukod du'n?"

"Hindi lang 'yon ang nakita namin, may mga pasa rin siya sa katawan. At may isa pa kemikal din kaming nakita sa kaniyang katawan. Akala ko wala ng ganitong klase ng kemikal dahil masyadong delikado ito,"

Dahil sa sinabi ng nag-autopsy ay unting-unti sumibol ang kuryosidad sa kaniya, "Anong klaseng kemikal ito?"

"Acqua Tofana." Maikling sagot nito bago tignan ang kaniyang wrist watch, "Excuse me Detective, maiwan na muna kita dahil may trabaho pa ako." Sambit niya bago umalis.

Acqua Tofana? Parang nabasa ko na 'yan kung saan, napakapamilyar nito sa'kin. Aniya sa sarili bago pagkatitigan panandalian ang katawan at umalis ito pabalik sa police station.

🔪🏢🔫

Ginabi na si Maricar sa paghahanap ng konektado sa bise-gobernador pero, wala siyang nakuha na kahit ano kung kaya't napagdesisyunan niya na umuwi na lamang.

Habang bumabyahe siya pa-uwi sa kanilang tahanan ay may pumukaw ng kaniyang atensyon sa kabilang kalye kung kaya't itinigil niya ang sasakyan sa tabi.

Pagkababa niya sa kotse ay kaniyang sinundan ang kaluskos papunta sa isang lugar kung saan madilim, at may nagtataasang damo. Hanggang sa dalhin siya nito sa isang abandonadong gusali.

Nakaramdam siya ng matindeng kaba kung kaya't naghanda siya. Mula sa kaniyang gun pocket ay kinuha niya ang .45 cali at tahimik na lumapit sa gusaling iyon.

Huminto ito habang nakatago sa damuhan pero tanaw niya ang dalawang tao, medyo kita ang dalawa kung kaya't nalaman niya ito na isang lalake at babae ang nandu'n.

"P-Pakiusap… P-Pakawalan m-mo na ako, h-hindi ko naman s-sinasadya—"

"Tumahimik ka hangal! Lahat kayo ay pagbabayarin ko!"

Mas lalo siyang inusig ng kuryosidad kung kaya't lalo siyang lumapit roon para malinaw kung sino ba ang dalawang iyon.

Du'n niya lang nakita na may nakataling lalake sa isang bakal na silya, kita sa lalake ang kaniyang hirap na dinanas sa kamay ng puting rosas.

Tinignan niya ang babae na siyang nakaharap sa isang kahoy na mesa na tila may kinukuha ito na kung ano.

"A-Ano ba ang gusto mo? L-Lahat ng pera i-ibibigay ko sa'yo, palayain mo lang ako." Pagsusumamo niya rito.

Natigilan ito sa pagkuha ng patalim dahil sa narinig. Ilang segundong katahimikan ang namayani bago niya ito basagin sa pamamagitan ng pagtawa na maala-demonyo na siyang umalingawngaw sa buong gusali at nagpanindig ng balahibo ni Maricar.

"Money? I don't need it." Kasuwal na sagot nito bago kunin ang butcher knife.

"K-Kahit anong kailangan m-mo ay ibibigay ko, pakawalan mo lang ako… Pakiusap,"

Pinagkatitigan pa ng babae ang butcher knife bago hawakan ang blade ng kutsilyo at tignan ang lalake, "Anything I want? Are you sure?"

Mabilis na tumango ang lalake bilang sagot sa babae, "O-Oo, kahit ano ibibigay ko sa'yo. Pakawalan mo lang ako,"

Tumango-tango ang babae na tila nakukumbensa na ito ng lalake bago sabihin ang kaniyang nais, "Isa lang naman ang gusto ko Mr.Alejandro… Iyon ay pagbayaran ninyo lahat ng kahayupang ginawa n'yo sa'kin noon, hanggang ngayon," bulong nito na may ala-demonyong ngiti.

"P-Pakiusap! May anak at asawa pa ako, kailangan pa ako ng anak kong babae!" Humahagulgol na sambit nito.

"Really? Babae pala ang anak mo? Pero, ginawa mo ang kababuyang iyon sa'kin? You disgust me!" May diing wika nito bago gawin ang 'di kaaya-ayang bagay sa lalake.

Nanlalaki ang mga mata ni Maricar dahil sa brutal na kaniyang na saksihan. Akmang tatawag siya sa police station nung bigla itong tumunog ng malakas dahilan para maagaw ang atensyon ng kriminal.

"Shit!" Sambit niya habang kinukuha ang cellphone.

Natatarantang pinatay niya ito bago itutok ang baril sa direksyon ng babae pero wala na ito kung kaya't na-isipan niya lapitan ang lalake.

"Sir! Sir! 'Wag po kayong matutulog, lumaban po kayo!" Natatarantang sambit nito habang sinusubukan na alisin ang pagkakatali.

"U-Umalis k-ka na rito, n-narito na siya." Naghihingalong iwinika niya.

Ilang sandali pa'y bumagsak na ang kaniyang ulo indikasyon na wala na itong buhay.

H-Hindi… Hindi maaari ito. Aniya habang nakatingin sa bangkay ng lalake.

Na-iyukom niya ang kaniyang kamay dahil sa sobrang emosyon na kumukubli sa pagkatao niya. Sa kaniyang pagyuko'y kaniyang nakita ang isang puting rosas na may bahid ng dugo.

"Long time no see… Marie,"

Marahan na iniangat ang kaniyang ulo upang makita ang nagsalita. Gano'n na lamang ang panlalake ng kaniyang mga mata dahil napagtanto niya kung sino ang babaeng pumaslang sa lalakeng nasa harapan niya.

"I-Ikaw? Ikaw ang White Rose?" Naguguluhang tanong nito.

Nginisihan niya lang ito bago sugurin ng kutsilyo si Chief Inspector Maricar Cruz