Kabanata 44

Bitbit sa kaliwang kamay ang branded na bag ay bumaba na si Lera sa hagdanan. Sa salas ay tanaw niya na si Peter at Maris na hinihintay siyang matapos.

Hindi katulad nang nauna ay kinse minutos niya lamang balak na mahuli sa usapan nila ni Ginang Juana at Lucas.

"Anak, sandali. May ipapadala ako sa'yo." Tinawag siya ng ina sa kusina.

Naabutan niya itong inilalagay sa paper bag ang tatlong tupperware ng iba't-ibang klaseng mga kakanin.

"Ibigay mo ito sa apo ko. Mga paborito niya ito." 

Malungkot siyang napangiti sa ina. Alam niyang miss na miss na nito ang una at nag-iisang apo.

"Ibibigay ko po ito inay. Kaunting tiis na lang po makakasama na natin si Arim."

Seryoso siyang tinitigan ng ina.

"Lera, kailangan mo pa ba'ng pasukin ang kanilang negosyo? Ang mansyon sa Sta. Ignacia, kailangan ba talaga natin iyon?"

Sanay si Lera na palaging sinasang-ayunan ng ina, kung kaya't naninibago siya sa pagtutol nito ngayon. Gayunp