Kabanata 49

Marga's POV

Maaga akong pumasok sa trabaho kahit ramdam ko pa rin ang bigat ng mga sinabi ni Dominic kagabi. Pagpasok ko sa opisina, pakiramdam ko lahat ng mata nakaabang sa bawat hakbang ko. 'Yung iba, hindi nagsasalita pero halatang may iniisip. 'Yung iba naman, hindi na tinatago ang pagtingin mula ulo hanggang paa.

“Yan ba yung nabalita sa group chat?” narinig kong bulong ng isa.

“Oo. Siya yung sinasabing pumatol sa tatay ng ex niya. Grabe, no?” sagot ng isa pa na parang wala ako sa harap nila.

Humigpit ang hawak ko sa bag ko pero hindi ako nagsalita. Diretso lang ako sa desk ko, pinipilit maging normal. Pero maya-maya, tumunog ang internal phone. Tumatawag ang boss namin.

Napapikit ako saglit bago sumagot. “Yes po, Sir?”

“Marga, my office. Now.”

Napalunok ako bago tumayo. Pagpasok ko sa opisina niya, seryoso ang mukha niya. Nakaupo siya sa swivel chair, nakalagay ang dalawang kamay sa mesa.

“Sit,” utos niya.

Umupo ako, pilit pinapakalma ang sarili ko.

“Marga…” bumuntong-h