Chapter 47

"Maaari naman tayo ritong mag-open forum," sabi ko kasi kami-kami na nga lang ang magkakakilala rito tapos mag-aaway-away pa kami. Ang pangit naman nun.

"Open forum?" kunot-noong tanong nila.

"Open forum. 'Yung parang, nakabukas ang mesa." tinuro ko ang mesang nasa gitna namin. "Maaari nating ilagay riyan lahat ng nais nating sabihin sa bawat isa. Maaari nating pangalanan o kaya'y hindi basta ang mensaheng sasabihin natin at alam niyang para sa kanya."

"Maaari rin bang ilagay riyan ang mensahe ng pagkainis natin sa isang tao?" tanong ni Catalina na tinanguan ko na lang. Napapaos na kasi ako. "Kung gayon, nais ko nang mauna."

"Paalam," sabat agad ni Agustino habang natatawa kaya sinamaan siya ng tingin ni Catalina.

"Hindi ka na nakakatuwa, Valencia," inis na sabi ni Catalina. "Alam ko namang kaya ka nagsusungit dahil akala mo'y sa masusungit ako nagkakagusto, hindi ba?" nakangising tanong ni Catalina.

"Tama," sabat agad ni Agustino habang tum